I-Ebeto 3:12 - Te B'aib'ara

¹² Ngkai ti reitaki ma Kristo, ao ngkai ti onimakinna, ao ti ninikoria ni kawara te Atua ma te aki nanokokoraki.

I-Ebeto 3:12 ပူးပေါင်းရင်းမြစ်များ

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

I-Rom 3:22

E kaeti aroia aomata te Atua n reitaki ma Ngaia n onimakinan Iesu Kristo i rouia; ao E karaoa aei nakoia aomata ni kabaneia aika onimakina Iesu.

I-Rom 5:2

are E a tia ni karekea angara n te onimaki b'a ti na roko i nanon te akoaki aei, ae ti mena iai ngkai; ao ti kakatonga ni kaantaningan te neboaki ma te Atua.

2.I-Korinto 3:4

Ti atonga aei i bukina b'a iai i roura te aki nanokokoraki iroun te Atua i nanoni Kristo.

I-Ebeto 2:18

I bukin te baere E karaoia Kristo, ao ngaira aika I-Iutaia ma aika tiaki I-Iutaia ti a kona n roko i matan te Atua iroun te Tamnei ae ti temanna.

Ebera 10:35

Ma ngaia ae kam na tai kaki aromi n nanomatoa, b'a bon iai kab'aiami ae bati ae na reke iai.

Ebera 3:6

Ma Kristo E kakaonimaki b'a te Nati Ngaia ae iai tabena i bukiia ana aomata te Atua. Bon ana aomata ngaira ngkana ti teimatoa ni karokoa te toki ni b'aina te aki nanokokoraki ma te kakatonga n te baere ti kaantaningaia.

1.Betero 3:18

B'a e mate Kristo i bukini buure ti te taina ao akea riki, te aomata ae e raoiroi i bukiia aika buakaka, b'a E aonga ni kairingkami nakon te Atua. E boni kamateaki n te aro n rab'ata, ma E kamaiuaki n te aro n tamnei;

1.Ioane 2:28

Ma ngaia aei, ngkami aika ataei aika kam uarereke, kam na nim ma Ngaia; b'a ngkana E a manga oki Kristo, ao ti na aki maaku ma ni kaota ae ti rangi ni mamaa i Rouna i matana.

1.Ioane 3:21

Ngkami aika kam tangiraki, ngkana a aki kabuakakaira nanora, ao ti aki maaku i matan te Atua;