I-Ebeto 3:1 - Te B'aib'ara

¹ Ma ngaia ae ngai ae B'auro, ae ana aomata Kristo Iesu ae kabureaki i bukimi ngkami aika tiaki I-Iutaia,

I-Ebeto 3:1 ပူးပေါင်းရင်းမြစ်များ

Ruka 21:12

Ma i m'ain rikini baikai, ao ane a na tuangngkami ao a na b'ainikiriningkami; a na anga ngkami nakoia mataniwi ni m'aneabaia I-Iutaia, ao a na kainingkami i nanoni karabuuti; ao ane kam na kateaki i mataia uea ma taan tau-taeka i bukin arau.

M'akuri 21:33

E kaniia B'auro ngkanne teuare aia mataniwi tautia n taua, ao e tua b'a e na kabaeaki n taurekereke aika uaai. E titiraki ngkanne ao e taku, “Antai teuaei, ao tera ae e karaoia?”

M'akuri 23:18

Ma ngaia are, e kairia nakon aia mataniwi tautia, ao e taku, “E weteai te bure are B'auro ao e butiai b'a N na kaira te roronga aei nako im, b'a iai te bae e na tuangko.”

M'akuri 26:29

Ao e taku B'auro, “E kimototo ke e ananau, bon au tataro nakon te Atua b'a ko bia riki n arou, ngkoe ma aomata ni kabaneia aika ongora i rou n te bong aei, ma ti taurekereke aikai b'a kam na aki kabaeaki iai!”

M'akuri 9:15

Ma E taku te UEA nakoina, “Ko na nako, b'a I a tia n rinea teuarei b'a e na m'akuri i buku: b'a e na tataekina arau ni kaotiotai nakoia aomata aika tuai n onimakina te Atua, ao nakoia uea ma te botannaomata ae Iteraera.

2.I-Korinto 1:6

Ngkana ti karawawataaki, ao bon i bukini karauan nanomi ao kamaiuami; ao ngkana a karauaki nanora ao bon i bukin naba karauan nanomi are kam kona iai n taotaon nanomi nakoni maraki ake ti maraki naba iai.

2.I-Korinto 10:1

Ngai ae B'auro, I butingkami n nimamaneini Kristo ao n nanoraoina, ngai ae I atongaki b'a I nanorinano ngkana I mena i rarikimi, ma I ninikoria ngkana I raroa nako mai roumi.

2.I-Korinto 11:23

Ana taani m'akuri Kristo uakekei? I taetae n ai aron ae baba: i aoia riki ngai; b'a I m'akuri korakora riki nako ia, a bati riki au tai ni kabureaki, a bati riki au tai ni kataereaki, ao a bati riki au tai ae e kaani mateu iai.

I-Karatia 5:11

Ma ngaia aei, taari, ngkana I bon tabe naba n tataekina te korotabonimm'aane b'a e riai, ao e aera ngkai I teimatoa ni b'ainikirinaki? Ma ngkana I tuangiia aomata b'a a na korotabonim'aneaki, ao e a aki riki ngkanne taekan te kaibangaki b'a te b'ai ni kab'akab'aka.

I-Karatia 5:2

Noria, I taku nakoimi ngai ae B'auro, b'a ngkana kam korotabonim'aneaki, ao akea manenani Kristo iroumi.

I-Karatia 5:24

Ao akana ana aomata Kristo Iesu a taura te maiu n rab'ata ma nanona ni kammaira ma ni kaib'ab'aru n te kaibangaki.

I-Ebeto 3:11

n ai aron nanona ma ngkoangkoa are E kakoroa irouni Kristo Iesu are ara UEA.

I-Ebeto 3:13

Ma ngaia ae I bubuti b'a a na tai b'ara nanomi n rawaawatau i bukimi, b'a bon i bukini kamoamoaami.

I-Ebeto 3:8

I anganaki, ngai ae moan te mangori i buakoia ake a itiaki ni kabaneia, te m'akuri ae kakawaki aei, ae te tataekina nakoia aomata aika tiaki I-Iutaia taekan aroni Kristo aika kamimii, aika kangaanga aroia ni kuneaki,

I-Ebeto 4:1

Ma ngaia ae I butingkami, ngai ae I kabureaki i bukin te UEA, b'a kam na karaoi baika boraoi ma nanon te weteaki are kam weteaki nako iai:

I-Ebeto 6:20

are te tia taetae ngai i bukina ae I kabaeaki iai n te taurekereke; b'a I aonga n taekinna n aki mamaku, n te aro ae riai b'a N na taekinna iai.

I-Biribi 1:7

E bon riai reken te namakin aei i rou i bukimi ni kabaneingkami, b'a kioina ngkai kam memena i nanou. B'a kam a tia ni bane ni buokanib'ai ma ngai n te m'akuri are I anganaki iroun te Atua, n arou ngkai I kabaeaki ao ngke I kakaitarai taeka aika eekaanako te euangkerio, ma ni karina te euangkerio i nanoia aomata b'a e na tiku ni matoatoa.

I-Korote 1:24

I kim'areirei ngkai ni marakiu i bukimi, b'a I a kona ni kakororaoa iai marakin Kristo ni marakin rab'atau i bukin rab'atana, ae te ekaretia;

I-Korote 4:18

I a koroi taeka aikai n oin tabonibaiu: Kam na mauri mairouni B'auro. Kam na ururing kabaeau! E na mena te akoaki i roumi.

I-Korote 4:3

ao kam na tataro naba i bukira, b'a E na karekea nako ira te anga are ti na kona iai n taekina te rongorongo are taekan te baere raba are taekani Kristo, are ngaia, are I kabaeaki iai i bukina;

2.Timoteo 1:16

E na nanoangaki ana utu Onetiboro iroun te Uea, i bukina b'a e aki toki Onetiboro ni kaungaa nanou, ao e aki mamaa ngkai I kabaeaki:

2.Timoteo 1:8

Ko na tai mamaa n taekina taekan ara Uea, ao ko na tai mamaa naba i rou, ngai ae I kabureaki i bukini Kristo; ma ko na buokanib'ai ma ngai ni maraki i bukin te euangkerio, ni m'aakan te Atua;

Biremon 1:1

Mairouni B'auro, ae kabureaki i bukini Kristo Iesu, ao mairoun Timoteo ae tarira; nakoni Biremon ae tangiraki ae raora ni m'akuri,

Biremon 1:23

E kamauriko Eb'abera, ae raou ni kabaeaki i bukini Kristo Iesu;

Biremon 1:9

Ma i bukin te tangira, ao e a raoiroi riki i rou b'a N na butiko, ngai ae B'auro, ae te tia ua-rongorongo ae I kabureaki naba ngkai i bukini Kristo Iesu,

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.