I-Ebeto 2:8 - Te B'aib'ara

⁸ B'a kam kamaiuaki n te akoi i bukin te onimaki; ao tiaki mai roumi ae reke iai aei, ma bon ana b'ai n tituaraoi te Atua;

I-Ebeto 2:8 ပူးပေါင်းရင်းမြစ်များ

Mataio 16:17

Ao E kaekaa Iesu ni kangai, “Ko a kab'aia, Timon ae natin Iona! B'a tiaki te aomata ae kaota aei nako im, ma E kaotia Tamau are i karawa.

Mataio 20:9

Ao ngke a roko uake a kam'akuraki n te aoa nimaua, ao a katoaaki n anganaki booia ae tab'anin i bukin te bong ae b'anin.

Mareko 16:16

Ane onimaki ao e b'abetitoaki, ao e na kamaiuaki; ma ane aki onimaki ao e na kabuakakaki.

Ruka 7:50

Ao E taku Iesu nakon te aine arei, “E kamaiuko am onimaki; naako ma te rau.”

Ioane 3:36

Ane onimakina te Nati ao e reke i rouna te maiu are aki toki; ao ane aki ongotaeka nakon te Nati, ao e na aki reke i rouna te maiu, ma e memena unin te Atua i aona.

Ioane 4:10

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

Ioane 5:24

“Bon te koaua ni koaua ae I a tuangngkami, b'a ane ongo au taeka ao e onimakina Teuare kanakomaiai, ao e na reke i rouna te maiu are aki toki. E na aki motikaki taekana; e a tia ni kitana te kawai are e na mate iai, ao e a toua te kawai are e na maiu iai.

Ioane 6:35

E taku Iesu nakoia, “Boni Ngai te am'arake ni kamaiu; ane nako iu ao e na bon aki manga kona ni baki, ao ane onimakinai ao e na bon aki taka.

Ioane 6:37

Aomata nako akana E anganai te Tama ao a na bane nako iu. N na bon aki kona n tannako mairoun ane nako iu.

Ioane 6:40

B'a aio nanon Tamau: b'a ane nora te Nati ma n onimakinna, ao e na reke i rouna te maiu are aki toki; ao N na manga kamaiua n te kabanea ni bong.”

Ioane 6:44

Akea ae kona n riki b'a au reirei ngkana e aki kairaki nako iu iroun te Tama are kanakomaiai; ao N na manga kamaiua n te kabanea ni bong.

Ioane 6:65

Ao E a manga taku riki, “Ao aei bukin are I tuangngkami b'a akea te aomata ae kona n riki b'a au reirei, ma ti ngkana e anganaki te kona iroun te Atua.”

M'akuri 13:39

Ao akana onimaki a bane ni kainaomataki i rouna mani buure ni kabane.

M'akuri 14:27

Ao ngke a roko i Antioka, ao a botiia kaain te ekaretia, ao a karakini b'aai ni kabane ake E karaoi te Atua i rouia, ma arona ngke E kauka mataroan te onimaki nakoia aomata aika tiaki I-Iutaia.

M'akuri 15:11

Ma ti onimaki b'a ti na boni kamaiuaki n ana akoi te UEA are Iesu n ai aroia naba.

M'akuri 16:14

E ongora iroura te aine temanna ae arana Nei Ruria, ae te I-Tuateira, ae te tia kaboa nako te kunnikai ae uraro. E tataromauria te Atua, ao E kauka nanona te UEA b'a e na butim'aai baike e taekini B'auro.

M'akuri 16:31

Ao ngaiia a taku, “Ko na onimakina te UEA are Iesu, ao ko a kamaiuaki iai ma am utu.”

I-Rom 10:14

Ao a na kanga ni wetea aran Teuare a aki onimakinna? Ao a na kanga n onimakinna ngkana a tuai n ongo taekana? Ao a na kanga n ongo ngkana akea te tia taekinna?

I-Rom 10:17

Ma ngaia ae e reke te onimaki man te ongora n te rongorongo, ao te ongora n te rongorongo e reke man tataekinani Kristo.

I-Rom 4:16

Ma ngaia ae iai te taeka n akoi i bukin te onimaki, b'a e na kaotaki aron te taeka n akoi aei b'a bon ana b'ai n tituaraoi te Atua, ao e na teimatoa arona i bukiia ana kariki Aberaam ni kabaneia; tiaki ti nakoia ake a ongeaba nakon te tua, ma nakoia naba ake a onimaki n ai aron Aberaam:

I-Rom 4:5

Ma ane aki m'akuri, ma e onimakina Teuare motika taekan te tia bure b'a e aki bure, ao e atongaki ana onimaki b'a ngaia ae e reke iai kaetan arona n reitaki ma te Atua.

I-Rom 9:16

Ma ngaia ae ana rinerine te Atua e boboto i aon ti nanona n nanoanga, ma tiaki i aon aron te aomata b'a tera are e tangiria ke e karaoia.

I-Karatia 3:14

b'a e aonga n reke kakab'aian Aberaam irouia aomata aika tiaki I-Iutaia irouni Kristo Iesu, ao b'a e aonga n reke iroura n te onimaki te Tamnei are e atongaki n te taeka n akoi.

I-Karatia 3:22

Ma e taku te B'aib'ara b'a a bane aomata nako ni mena i aani m'aakan te bure; ma ngaia are ana taeka n akoi te Atua bon i bukiia akana onimakina Iesu Kristo.

I-Ebeto 1:19

ao tera aroni m'aakana ae raka korakorana, nako ira ngaira aika ti onimaki. Te m'aaka aei bon ti te bo ma korakorani m'aakana,

I-Ebeto 2:10

B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.

I-Ebeto 2:5

b'a ngke ti mate i bukin arora n ririaoakin te tua, ao E kamaiura Kristo, b'a kam kamaiuaki n te akoi,

I-Biribi 1:29

B'a kam anganaki i bukini Kristo tiaki ti te onimakinna, ma te b'ainikirinaki naba i bukina.

I-Korote 2:12

ao ngke kam b'abetitoaki, ao ti te bo ma kam taunaki ma Ngaia ao kam a manga uaia ni manga uti ma Ngaia i bukina b'a kam onimakina ana m'akuri te Atua are E a manga kamaiua man te mate.

2.I-Tetaronike 1:9

Te rekenikai nako ia bon te mate are akea tokina, ao a na kararoaki mai matan te Uea ao mani m'aakana ae kamimii arona,

Ebera 6:4

B'a aomata aika tia n reke i rouia te oota, aika a tia ni katoonga te b'ai n tituaraoi mai karawa, aika a tia n anganaki naba te Tamnei are Raoiroi,

1.Betero 1:5

ngkami aika kam kawakinaki ni m'aakan te Atua n te onimaki, i bukin te kamaiuaki ae e tauraoi ni kaotaki n te kabanea n tai.