I-Ebeto 2:3 - Te B'aib'ara

³ ake boni ngaira naba ngkoa i buakoia ngke ti bane ni kaoti arora ni maiura b'a ti iri nanoni kaib'ab'arun rab'atara ma nanora; bon aomata ngaira aika e mena i aora unin te Atua, ao ti te bo arora ma aomata ni kabaneia.

I-Ebeto 2:3 ပူးပေါင်းရင်းမြစ်များ

Karikani B'aai 5:3

Ngke ai 130 ana ririki ni maiu Atam, ao e bungiaki natina ae bon aekakina raoi, ao e aranna b'a Teeta.

Karikani B'aai 6:5

Ao ngke E noori aia m'akuri aika buakaka aomata ni kabane n te aonnaba te Atua, ma aia iango aika kammaira n taai nako,

Karikani B'aai 8:21

E kakukureia te Atua boiararan te karea aei, ao E taku te UEA i boni nanona, “N na bon aki manga karokoa te rekenikai n te aonnaba i bukin aia m'akuri aomata, b'a bon anuani maiuia karaoan te bure ma ngke a moan rikirake. N na bon aki manga kamaunai b'aai aika maiu ni kabane n aron ae I a tia ni karaoia n te tai aei.

Iobi 14:4

Bon akea te raoiroi ae kona n otinako man te b'ai ae kam'ara n aron te aomata.

Iobi 25:4

Iai ae kona n raoiroi ke n itiaki i matan te Atua?

Taian Areru 51:5

I aki inaomata man te bure ma ngke I bungiaki; I a kaman rotaki n te bure ngke I bikoukouaki.

Itaia 53:6

Bon tiibu ngaira ni kabane aika a m'aninga nako. Ti a tia n toua nako kawaira n tatabemaniira, ma e anganna te UEA te tuua are ti bon riai ni katuaaeaki iai.

Mareko 4:19

ma iango n raraoma nako i bukin te maiu aei, ao tangiran taiani kaub'ai ma b'aai nako aika kamataaia te aba, a karib'ab'aa te taeka, ao e aki kariki uaa.

Ioane 1:13

ake a bungiaki tiaki n aroia ataei ake a riki mairouia tamaia aika aomata; ma E karikiia te Atua b'a natina.

Ioane 8:44

Natin tamami are te riaboro ngkami, ao nanomi ti te kani karaoa are e tangiria tamami. Te tia kamaamate ngaia ma rimoa, ao e aki b'ab'aina te koaua, b'a akea te koaua i nanona. Ngkana e kewe, ao e boni kaota anuana: b'a te tia kewe ngaia, ao boton te kewe.

M'akuri 14:16

I nanon rooro ake rimoa, ao E aki tutukiia botannaomata nako mani karaoani baike a tangiri;

I-Rom 1:24

Ma ngaia are, E katikuia te Atua n aroia n tangira te kammaira, ao a karaoi m'akuri ni kamamaa nakon rab'ataia, temanna nakon temanna.

I-Rom 11:30

B'a kam a tia ngkami aika tiaki I-Iutaia n aki ongeaba nakon te Atua ngkoa; ma ngkai, kam a nanoangaki i bukin aia aki-ongeaba I-Iutaia.

I-Rom 13:14

Ma kam na anai ana b'ai ni buaka nako te UEA are Iesu Kristo, ao tai karekei aia tai rab'atami aika bubure b'a a na iri nanoia ni kaib'ab'aru.

I-Rom 2:14

B'a aomata aika tiaki I-Iutaia aika akea te Tua i rouia, ngkana a ongeaba nakoni b'anaani mataniwin nanoia n aki ataia ae a ira iai nanon te Tua, ao a kaotiia iai b'a a ata ae a riai ni karaoia ao ae a aki, e ngae ngke akea te Tua i rouia.

I-Rom 5:10

B'a ngke bon ana kairiribai te Atua ngaira, ao ti raoiakinaki ma te Atua ni maten Natina; ao ai batiraa riki ngkai arora ni kamaiuaki ni maiura, ngkai ti a tia n raoiakinaki!

I-Rom 5:9

Ma ngaia aei, ngkai a a tia ni kaetaki arora n reitaki ma te Atua ni mateni Kristo, ao ti na kamaiuaki i rouna man te reke ni kai ae na roko.

I-Rom 6:12

Ma ngaia ae tai kauea te bure i nanon rab'atami aika mamate, n ongo iroun aia kaib'ab'aru;

I-Rom 7:18

B'a I ata te raoiroi b'a e aki maeka i nanou, ae i nanon rab'atau; b'a e boni ngae ngke iai i nanou kani karaoan te raoiroi, ma I aki kona ni karaoia.

I-Rom 9:22

Ao bon ti te bo naba ma are E a tia ni karaoia te Atua. E kani kaota unna ma m'aakana n ekianako ake a bon riai mateia. Ma E aki, b'a te bae E karaoia E taotaona nanona nakoia.

1.I-Korinto 4:7

B'a antai ae karaoiko b'a e na raka arom nakoia tem'angina? Ao tera ae iai i roum ae ko aki anganaki? Ao ngkana e a tia n reke i roum, ao ko aera ngkai ko kamoamoako b'a aongkoa ko aki anganaki?

2.I-Korinto 7:1

Raou aika kam tangiraki, ngkai ara b'ai ma ngkami taeka n akoi aikai, ao ti na kaitiakiira mani kam'araan nako te rab'ata ma te tamnei, ao ti na kakororaoa aroni maiura n reitaki ma te Atua n arora ni maka te Atua.

I-Karatia 3:22

Ma e taku te B'aib'ara b'a a bane aomata nako ni mena i aani m'aakan te bure; ma ngaia are ana taeka n akoi te Atua bon i bukiia akana onimakina Iesu Kristo.

I-Ebeto 2:2

ake kam nakonako iai ngkoa ngke kam toua kawain aon te aba ae buakaka aei, ao ngke kam ira nanon te uea are tautaeka i aoia tamnei aika buakaka ake i aani karawa, ake tamnei ake a m'am'akuri ngkai i nanoia aomata aika aki-ongeaba;

I-Ebeto 4:22

Kam na kaaki te aomata nikawai are aromi ni maiu ngkoa, are riki ni buakaka i bukin iran taian nano n kaib'ab'aru aika a m'am'anaa te aba.

I-Korote 1:21

Ao ngkami, kam raroa nako ngkoa mairoun te Atua, ao kam ribaia i nanomi i bukin ami m'akuri aika bubuaka;

1.I-Tetaronike 4:13

Ti aki tangiringkami taari, b'a kam na aki atai aroia aika mate, b'a kam aonga n aki nanokawaki, n ai aroia tabem'aang akana akea aia kaantaninga.

1.I-Tetaronike 5:6

Ma ngaia ae ti na tai nimatutuu n ai aroia tabem'aang; ma ti na kauti matara, ao ti na kamarurungira.

1.Timoteo 6:9

Ma akana kan riki ni kaub'ai a b'aka nako nanon te kaririaki, a m'ane n te b'ai ni kam'am'ane, ao a reke n naano aika baba ma ni kamaraki, aika taonaki ni kab'ab'aaki iai n tiringaki ma ni kamateaki.

Tito 3:3

B'a ti bon nanobaba naba ngaira ngkoa, ao ti aki ongeaba; ti burebureaki ao ti toronaki n naano nako ni kaib'ab'aru ma baika ti na kakukureiaki iai ni kabane ara bongi ni maiu, ni karaoan te buakaka ma b'ainan te bakantang; ao ti ribaki irouia aomata, ao ngaira ti ribaia aomata.

1.Betero 1:14

Ngkai naati aika ongeaba ngkami, ao a na tai kairaki maiumi n iangoan nanomi aika bubuaka ake iai iroumi ngkoa ngke kam roo n nano;

2.Betero 2:14

Nanoia bon ti te kani wene ni bure ma aine aika a nooriia; a aki kona n rauaki nanoia ae kani bubure. A kaririia aomata aika mamara ni maiuia b'a a na kam'aneia. Bon iai nanoia aika kataneiaki b'a a na kani b'aib'ai. A na bon reke kaiia;

2.Betero 2:18

B'a ngke a atongi taeka ni kainikatonga aika ria nako aika akea manenaia, ao a kamanena ni kabatiai kaib'ab'arun te rab'ata b'a kanga abeaia i bukini kam'aneaia akana moanna ni butaki nako mai buakoia akana maeka i buakon te buakaka.

1.Ioane 2:16

B'a b'aai ni kabane aika mena i aonnaba, ae kaib'ab'arun te rab'ata, ma aia kaib'ab'aru maata, ma kainikatongan te maiu aei, a aki riki mairoun te Tama, ma a riki man te aonnaba ae bubure.

1.Ioane 2:8

Ma e boni ngae n anne, ao I a korea ngkai te tua ae boou nako imi, ae iai koauana ni maiun Iesu ao ni maiumi naba; b'a e tabe ni mauna te roo, ao te oota ni koaua e a tia n oota nako.