I-Ebeto 2:19 - Te B'aib'ara

¹⁹ Ma ngaia ae tiaki aomata aika ianena ngkami ngkai, ao tiaki naba aomata aika kam maeka n iruwa; ma aomata ngkami aika kam a riki b'a kanga kaain te aba ni koaua, n raoniia ake a itiaki, ao kam a riki naba b'a kaain ana utu te Atua.

I-Ebeto 2:19 ပူးပေါင်းရင်းမြစ်များ

Mataio 10:25

E na rau nanon ane reireiaki ngkana e reke i rouna katotongan aron ana tia reirei, ao ai aron naba te toro ngkana e reke i rouna katotongan aron ana toka. Ngkana a atonga mataniwin te utu aomata b'a Beretebub'a, ao ai bati ra riki irouia atongaia kaain ana utu n aara aika bubuaka riki!

I-Karatia 6:10

Ma ngaia ae ti na kakaraoa ae e raoiroi nakoia aomata ni kabaneia, n aron ae ti kona, ao ai moara riki nakoia kaain te utu n onimaki.

I-Ebeto 2:12

ao kam tuai n reitaki ma Kristo ngkekei, ngke kam ianena nakoia te botannaomata ae Iteraera, ao akea nnemi n taiani boraraoi ake kanoan te taeka n akoi, akea ami kaantaninga ao kam aki reitaki ma te Atua ni maiumi i aon te aba aei.

I-Ebeto 3:15

are a reke mai Rouna araia utu ni kabane ake i karawa ma ake i aon te aba; ao I tataro

I-Ebeto 3:6

te kaantaninga n te baere raba aei: b'a a na raoniia Iteraera ni b'aib'ai aomata aika tiaki I-Iutaia, ma n riki b'a te rab'ata ae ti teuana ma ngaiia, ao b'a a na reke tib'angaia n te taeka n akoi ngkai a reitaki ma Kristo Iesu n te euangkerio;

I-Biribi 3:20

B'a I-Karawa ngaira, aika ti kakariaria te Tia Kamaiu, are te UEA are Iesu Kristo b'a E na roko mai karawa;

Ebera 11:13

A bane ni mate i nanon te onimaki Aberaam, Itaaka ao Iakob'a ngke a tuai n reke i rouia baike a atongaki n taeka n akoi akekei; ma a nori mai kiraroa, ao a kukurei iai, ao a taku b'a bon I-anena ngaiia ao aomata aika maeka n iruwa i aon te aba.

Ebera 13:14

B'a akea i roura ikai te kawa ae tei maan n aki toki; ma bon iai ae na roko, ae ti ukoukoria.

1.Betero 2:11

Ngkami akana kam tangiraki, I butingkami ngkai kanga iruwa ngkami ao kanga aomata aika maeka n aki maan n te aonnaba aei, b'a a na aki tauaki aromi n iangoan nanomi aika bubuaka aika aki toki ni buakana te maiu are kam anganaki.

1.Ioane 3:1

Nora aroni m'aitin te tangira are E tangirira iai te Atua, b'a ti aonga n atongaki b'a natin te Atua: ao bon natina ngaira. Ma ngaia ae a aki ataira kaain aon te aba, i bukina b'a a aki ata te Atua.