I-Ebeto 2:17 - Te B'aib'ara

¹⁷ Ma ngaia are, E roko Kristo ao E tataekina te raoi nakoimi aika kam raroa nako ngkoa ma te Atua, ao nakoia naba aika kaani ma Ngaia.

I-Ebeto 2:17 ပူးပေါင်းရင်းမြစ်များ

Taian Areru 148:14

E kakorakoraa ana botannaomata, b'a E aonga ni kamoamoaki irouia ana aomata ni kabaneia ae te botannaomata ae Iteraera, ae kakawaki i rouna. Kam na kamoamoa te UEA!

Taian Areru 75:1

Ti katituaraoiko, te Atua, ti katituaraoiko! Ti kaotiotiko b'a Ko kakannato, ao ti tataekin baika kamimii ake Ko a tia ni karaoi.

Taian Areru 85:10

A na uaia n reitaki te tangira ma te kakaonimaki; E na irab'ati te raoiroi ma te raoi.

Itaia 27:5

Ma ngkana e mwiokoai te nnenaroka ni kureebe i bukin kaawakinana, ao e na riki b'a raoraou ao N na rau ma ngaia.

Itaia 52:7

Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

Tekaria 9:10

Boni Ngai ae te UEA ae N na uoti nako kaani buaka ao taian aoti mai i Iteraera ao Ierutarem. A na uruaki taiani kainikatebe ake a karaoaki i bukin te buaka. N na karokoa te rau i aoia botannaomata nako, ao e na tautaeka ami uea man taari nakon taari. E moa abanueana man te Karaanga are Iuberetiti ni kabuta te aonnaba.

Mataio 10:13

Ao ngkana a butim'aingkami, ao tataro nakon te Atua b'a E na kakab'aiaia; ma ngkana a aki butim'aingkami, ao butiia te Atua b'a E na aki m'annanoa ami tataro are kam bubuti iai b'a a na kakab'aiaki.

Ruka 15:8

“Ke antai te aine ae iai i rouna ana m'ane ae tebwina te tirewa ngkana e bua teuana ao e na aki kaura te taura ma n taea nanon te auti, ni kabanea ana tai ni kakaaea ni karokoa rekena?

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

M'akuri 10:36

Kam ata te taeka are E kanakoa te Atua nakoia te botannaomata ae Iteraera, are taekan euangkerion te raoi i nanon Iesu Kristo, are aia UEA aomata ni kabaneia.

M'akuri 2:39

B'a E a tia te Atua n anga ana taeka n akoi nakoimi, ao nakoia ami kariki, ao nakoia naba ake a mena i kiraroa, ake E weteia te UEA are Atuara nakoina.”

I-Rom 10:14

Ao a na kanga ni wetea aran Teuare a aki onimakinna? Ao a na kanga n onimakinna ngkana a tuai n ongo taekana? Ao a na kanga n ongo ngkana akea te tia taekinna?

I-Rom 5:1

Ma ngaia aei, ngkai a kaetaki arora n reitaki ma te Atua n te onimaki, ao e a reke iroura te raoi ma te Atua iroun ara UEA are Iesu Kristo;

2.I-Korinto 5:20

Ma ngaia ae taan taetae ngaira i bukini Kristo, ao kanga E taetae ni bubuti te Atua i roura: ti butingkami i bukini Kristo, b'a kam na raoi ma te Atua.

I-Ebeto 4:21

Kam a bon tia n ongo taekana; ao ngkai kam reitaki ma Ngaia, ao kam a reireiaki te koaua are iroun Iesu.