I-Ebeto 2:12 - Te B'aib'ara

¹² ao kam tuai n reitaki ma Kristo ngkekei, ngke kam ianena nakoia te botannaomata ae Iteraera, ao akea nnemi n taiani boraraoi ake kanoan te taeka n akoi, akea ami kaantaninga ao kam aki reitaki ma te Atua ni maiumi i aon te aba aei.

I-Ebeto 2:12 ပူးပေါင်းရင်းမြစ်များ

Karikani B'aai 15:18

Ao E a karaoa ana berita te UEA n te tabo aei ma Aberam, ao E taku, “I berita b'a N na anganiia kanoam te aba aei ni kabane ni moa man tian Aikubita nakon te karaanga are Iuberetiti,

2.Rongorongo 15:3

E rangi ni maan te tai ae a aki taataromauriia iai te Atua ni koaua Iteraera ke ni kakauongo nakoia taiani ibonga ake a konaa n reireiniia taekan te Atua. Ma a rawa n ongotaeka nakon ana tua te Atua.

Etira 4:3

Ma a taku Terub'abera, Iotua ao taani kairiiri man taian utu, “Kam aki kona n ira karaoan ana Tembora te UEA ae Atuara. Ti na boni karaoia i bon iroura, n aron are e a tia ni mwiokoira iai Tairati are uean Botia.”

Te Otinako 12:45

Akea te iruwa ke te tia m'akuri ae kabooaki ana m'akuri ae e na kanna.

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Itaia 44:6

Bon te UEA Ngai ae Moan te M'aaka, Te moa ao te toki, ae ti Ngaia te Atua ae ti temanna. Iteraera, I a tia ni kamaiuko! Bon am Uea Ngai.

Itaia 45:20

nako ia aomata ni kabane aika a nikira ni maiu man taiani botannaomata ni kabane: “Ikotaki i rarikiu! karekea i nanomi aron aki riain taromaurian bouannanti aika taiani kai ke taromauri nakon taian anti aika akea te b'ai ae a konaa ni karaoia.

Itaia 61:5

Ane a na kabooia ianena b'a a na kaawakiniia aia tiibu ma aia nne n aroka ni kureebe nako.

Ieremia 14:8

Bon ti Ngkoe ara kaantaninga; bon ti Ngkoe are ko konaa ni kamaiura ngkai. Ko buokiira n te bong teuana, ma Ko a manga aki n te bong are i mwiina.

Ieremia 17:13

Bon te koburake n ran Ngkoe ae e anganiia Iteraera te maiu ma te kaantaninga. Ma ngkana a aki kubara te b'ai ae Ko taekinna aomata ao a na kamaunaaki nako kaanga taian taeka aika a koreaki i aon te tano.

Etekiera 13:9

N na eekiia nako ao N na manga karikiia b'a au aomata. A na aki manga atongaki b'a Iteraera ke n toua Iteraera. Ane a na tib'a uringnga b'a bon te UEA Ngai ae te Atua.

Etekiera 37:26

I berita raoi b'a N na kakab'aiaia Iteraera n te rau ae akea tokina. N na kakawakiniia ma ni karikiia b'a te botannaomata ae e korakora. E na tei au Tembora i aon Iteraera n taai nako,

Etekiera 47:22

E na riai ni b'ainaki irouia Iteraera ao ianena aika a maeka i buakoia ake a bungiaki natiia i Iteraera. A riai n aranaki ianena aikai b'a bon Iteraera, ao e na reke naba

Otea 3:4

E na bon maan naba te tai i m'aain reken uean Iteraera ke i m'aain are e anga te aba iai taiani karea i nanon te tembora ke i m'aain are a reke taian kawai are ti na kairaki iai iroun te Atua.

Warekaia Iteraera 18:19

Ni moa man te tai aei, ao kam a b'aini taian angab'ai aika tabu ake a anga Iteraera nako Iu b'a ami b'ai ma natimi mm'aane, ao natimi aine. Bon aei Au berita nako imi ma kanoami, ao e na bon aki manga bitaki.

Ruka 1:72

B'a E na kaota te nanoanga nakoia ara bakatibu; ao b'a E na uringa ana berita are raoiroi,

Ioane 10:16

Iai au tiibu tabeman aika aki mena i buakoia tiibu aikai; e riai b'a N na kairiia naba, ao a na ongo b'anaau. N te aro aei, ao a na riki b'a te nanai ae ti teuana, ao ti temanna te tia kawakinia.

Ioane 15:5

“Ngai te kai ae te kureebe, ao ngkami m'aangana. Ane nim ma Ngai, ao I nim ma ngaia, ao e na kariki uaa aika bati; b'a akea te b'ai ae kam kona ni karaoia ngkana akea Ngai.

Ioane 4:22

Ngkami I-Tamaria kam taromauria ae kam aki ataia; ma ngaira I-Iutaia ti taromauria ae ti ataia: b'a e roko te kamaiuaki ri nanon te botannaomata ae I-Iutaia.

M'akuri 2:39

B'a E a tia te Atua n anga ana taeka n akoi nakoimi, ao nakoia ami kariki, ao nakoia naba ake a mena i kiraroa, ake E weteia te UEA are Atuara nakoina.”

M'akuri 28:20

Ao bon aei bukin are I kaoingkami iai, b'a N na noringkami, ma n taetae nakoimi: b'a I kabaeaki n te taurekereke aei i bukin aia kaantaninga Iteraera.

M'akuri 3:25

Ana taeka n akoi te Atua are a taekinna burabeti bon i bukimi, ao iai tib'angami n te boraraoi are E karaoia te Atua ma ami bakatibu, n aron are E taekinna nakon Aberaam ngke E kaangai, “A na kab'aia kaain aonnaba ni kabaneia iroun am kariki.”

I-Rom 9:8

Nanona ngkanne b'a naati ake a bungiaki n te rab'ata tiaki natin te Atua; ma naati ake a bungiaki b'a kakoroan nanon te taeka n akoi a atongaki b'a ana kariki ni koaua Aberaam.

I-Karatia 4:8

Ma kam aki ata te Atua ngkekei, ao kam toro irouia baika iai m'akaia aika tiaki atua;

I-Ebeto 2:19

Ma ngaia ae tiaki aomata aika ianena ngkami ngkai, ao tiaki naba aomata aika kam maeka n iruwa; ma aomata ngkami aika kam a riki b'a kanga kaain te aba ni koaua, n raoniia ake a itiaki, ao kam a riki naba b'a kaain ana utu te Atua.

I-Ebeto 4:18

a roo nanoia, ao a riki n ianena man te maiu are mairoun te Atua i bukin te babanga are i rouia, are reke i bukini matoatoan nanoia.

I-Korote 1:21

Ao ngkami, kam raroa nako ngkoa mairoun te Atua, ao kam ribaia i nanomi i bukin ami m'akuri aika bubuaka;

I-Korote 1:27

E karaoa aei te Atua b'a E tangiringkami aika tiaki I-Iutaia b'a kam na ata te baere raba ae kamimii ae mimitong; ao te bae raba aei boni Kristo i nanomi, are Ngaia ami kaantaninga b'a e na reke neboami.

I-Korote 1:5

i bukin te kaantaninga are e kamenaki i m'aimi i karawa; are kam ongo taekana ngke kam moa n onimakina taekan te koaua, ae bon te euangkerio,

1.I-Tetaronike 4:13

Ti aki tangiringkami taari, b'a kam na aki atai aroia aika mate, b'a kam aonga n aki nanokawaki, n ai aroia tabem'aang akana akea aia kaantaninga.

1.I-Tetaronike 4:5

ma tiaki n te aro ni kaitataan ni kaib'ab'aru n ai aron ae noraki irouia aomata aika tiaki I-Iutaia aika aki ata te Atua.

2.I-Tetaronike 2:16

ao ara Uea are Iesu Kristo ma te Atua ae Tamara are tangirira, ma n akoira n anganira kabebetean te nano ae aki toki, ma te kaantaninga ae raoiroi,

1.Timoteo 1:1

Mairouni B'auro ae ana tia tuatua Kristo Iesu n ana taeka te Atua ae ara Tia Kamaiu, ma Kristo Iesu ae mena i rouna ara mwioko;

Ebera 11:34

a katoka korakoran uran te ai, a rawei maiuia man te tiringaki n te kabaang, a kakorakoraki ngkana a mamara, a riki n ninikoria n te buaka, ao a katae aia kai aia taanga n tautia I-anena;

Ebera 6:18

b'a ti aonga ni karekea kakorakoraan nanora ae bati ni baika uoua aikai aika aki bibitaki, aika ti aki kona ni keweaki iai iroun te Atua, ngaira aika ti biri nako b'a ti na taua te kaantaninga are kamenaki i m'aira.

Ebera 8:6

Ao E a reke iroun Iesu ngkai te nakoa n ibonga ae rangi ni kakannato riki; ngkai Ngaia ae kona ni karekea te boraraoi ae raoiroi riki i marenan te Atua ma ana aomata, ae te boraraoi ae boboto i aon taian taeka n akoi aika raraoi riki.

1.Betero 1:21

ngkami akana kam onimakina te Atua i rouna, ae E a manga kamaiua mai buakoia maate, ao E anganna te neboaki; b'a a aonga n tiku ami onimaki ma ami kaantaninga iroun te Atua.

1.Betero 1:3

E na karaoiroaki te Atua ae Taman ara Uea are Iesu Kristo, b'a man ana nanoanga ae bati ao ti a anganaki te maiu ae boou ma te kaantaninga ae nene ni manga-utin Iesu Kristo man te mate;

1.Betero 3:15

Ma kam na tabua Kristo i nanomi b'a te Uea; ao kam na tauraoi n te bong ae koraki b'a kam aonga ni kona ni kaeka te aomata ae titirakiningkami bukin te kaantaninga ae mena i nanomi;

1.Ioane 3:3

Ao aomata nako aika iai i rouia te kaantaninga aei, ae kaantaningan Teuarei, a kawakinia b'a a na itiaki ni maiuia, n ai aroni Kristo ngkae E itiaki ni maiuna.