I-Ebeto 2:10 - Te B'aib'ara

¹⁰ B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.

I-Ebeto 2:10 ပူးပေါင်းရင်းမြစ်များ

Taian Areru 100:3

Kam na ataa te UEA b'a bon te Atua Ngaia. Boni Ngaia ae karikira, ao ana b'ai ngaira; Bon ana Aomata ngaira, aika E kakawakinira b'a kanga ai aroia tiibu.

Taian Areru 119:3

Akana aki karaoi m'akuri aika buakaka, ma a karaoa nanona.

Taian Areru 138:8

Ko na kakoroa bukin am kaantaninga i buku; te UEA, akea tokin am tangira. Ko na katia te m'akuri are Ko a tia ni moana karaoana.

Taian Areru 51:10

Te Atua, karika nanou ae itiaki, ao kabooua Tamneim ae kakaonimaki i nanou.

Taian Areru 81:13

Bon au kaantaninga b'a a bia ongo irou au botannaomata! A bia ongotaeka irou!

Itaia 19:25

Ao i mwiina anne, e na kakab'aiaia te UEA ae Moan te M'aaka ni kaangai, “Bon au aomata kaain Aikubita. I karikiia kaain Aturia ao I rineia Iteraera.”

Itaia 29:23

Ane a na neboai ma ni karineai, ngkana a noora korakoran aia botannaomata n aron ae I a tia ni karaoia, Ngai ae Atuaia Iteraera ae E tabu.

Itaia 43:21

I karikiia b'a oin au botannaomata, b'a a aonga n neboai.

Itaia 43:7

Bon au aomata I karikiia n tatabemaniia nako b'a a na karineai.”

Itaia 44:21

Kaain Iteraera, bon au taani m'akuri ngkami; ma ngaia are, kam na uring b'aai aikai ni kabane. Iteraera, I karikingkami, ao bon au taani m'akuri ngkami. I bon aki m'aninga taekami.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Ieremia 31:33

Bon aei te boraraoi ae e boou ae I a manga karaoia Ngai ae te UEA ma ngkami Iteraera: “N na korea Au tua i nanoia ma aia iango. N na riki b'a Atuaia, ao a na riki b'a Au aomata.

Mataio 5:16

Ao ai aromi naba, kam na kaoti ami oota i mataia aomata, b'a a na noori ami m'akuri aika raraoi, ao a na neboa Tamami are i karawa iai.

Ioane 3:21

Ma ane b'aina te koaua ao e nako n te oota, b'a a na kaotaki ana m'akuri b'a a karaoaki ma te ongeaba nakon te Atua.

M'akuri 9:31

E wene n rau ngkanne te ekaretia i aon Iutaia ni kabuta, ma Kariraia, ma Taamaria, ao e kateimatoaki; a kaotia ni maiuia kaaina b'a iai karinean te Atua i rouia, ao e rikirake m'aitini kaaina n ana buobuoki te Tamnei are Raoiroi.

M'akuri 9:36

E mena i Iobe te aomata temanna ae te tia onimaki, ae arana Nei Tabita. (ke Nei Toreka n te Taetae n Erene). E aki toki neiei ni kakaraoi m'akuri aika raraoi, ao n i buobuokia aika kananoanga.

I-Rom 8:1

Ma ngaia ae akea te moti ni kabuakakaia akana mena i nanoni Kristo Iesu.

I-Rom 8:29

B'a te koraki ake E a kaman rineia ngkoa, E a kamani baireia naba b'a a na riki ni katotonga Natina, b'a E aonga n riki b'a te karimoa i buakoia taari aika bati.

1.I-Korinto 3:9

Aboro ao ngai, bon raao ni m'akuri i bukin te Atua; ao ngkami ana o n aroka te Atua. Ao ana auti naba ni maeka ngkoe.

2.I-Korinto 5:17

Ma ngaia aei, ngkana e reitaki te aomata ma Kristo, ao e riki b'a te aomata ae boou; a nako aaro nikawai; noria, a roko aika boou.

2.I-Korinto 5:5

Ao Teuare katauraoira nakon te oneaki aei bon te Atua, are anganira te Tamnei b'a kakoauan te oneaki aei b'a e na bon riki.

2.I-Korinto 9:8

Ao E kona te Atua ni kabati b'aai n akoi ni kabane nako imi, b'a e aonga n reke i roumi n tai nako te toronib'ai ni b'aai ni kabane, b'a kam aonga ni kabati m'akuri nako aika raraoi;

I-Karatia 6:15

B'a e aki kakawaki te korotabonim'aneaki ke te aki-korotabonim'aneaki, ma e kakawaki reken te maiu ae boou ni maiun te aomata.

I-Ebeto 1:1

Mairouni B'auro, ae ana tia tuatua Kristo Iesu n nanon te Atua, nakoia ake a itiaki ake i Ebeto ake a teimatoa ni katiteuanaki ma Kristo Iesu ni maiuia:

I-Ebeto 1:4

B'a i m'aini karikan aonnaba ao E a kaman rineira i bukina ngkai ti katiteuanaki ma Kristo, b'a ti aonga n itiaki ma n aki bareka i matana; ao n ana tangira,

I-Ebeto 2:13

Ma ngkai kam a katiteuanaki ma Kristo Iesu, ngkami ake kam raroa nako ngkoa ma te Atua, kam a riki ni kaan n raraani Kristo.

I-Ebeto 2:15

E kamaunaa te Tua are kanoana taeka i bukini baika riai ni karaoaki ao n aki karaoaki irouia aomata, b'a e aonga ni karikiia botannaomata aika uoua b'a kanga te aomata ae ti temanna ae boou n arona ni kaatiteuanaki ma Ngaia; ao n te aro aei e a reke iai te raoi.

I-Ebeto 2:2

ake kam nakonako iai ngkoa ngke kam toua kawain aon te aba ae buakaka aei, ao ngke kam ira nanon te uea are tautaeka i aoia tamnei aika buakaka ake i aani karawa, ake tamnei ake a m'am'akuri ngkai i nanoia aomata aika aki-ongeaba;

I-Ebeto 2:6

ao ngkai ti katiteuanaki ma Kristo Iesu, ao E a manga kamaiura ma Ngaia man te mate ao E katekatekaira ma Ngaia i karawa,

I-Ebeto 4:1

Ma ngaia ae I butingkami, ngai ae I kabureaki i bukin te UEA, b'a kam na karaoi baika boraoi ma nanon te weteaki are kam weteaki nako iai:

I-Ebeto 4:24

ao kam na riki b'a te aomata ae boou, are karaoaki b'a katotongan te Atua, ao ni b'aina te maiu ae itiaki ni koaua.

Te Tua-Kaua 32:6

Bon te UEA tamami, Iteraera, are E boni karikingkami, ma kam kabooa mwiin karikami ni m'akuri ni baba.

Te Tua-Kaua 5:33

Irii nanoia, b'a a na kairingkami nakon te maiu ae ab'ab'aki ma n tetekeraoi n te aba are anganingkami te UEA.

I-Biribi 1:6

ao I koaua raoi n aei, b'a Teuare moana te m'akuri ae e raoiroi i nanomi, E na boni wakina karaoana ni karokoa ae e tia n ana bong Kristo Iesu.

I-Biribi 2:13

B'a bon te Atua ae m'am'akuri i nanomi b'a kam aonga ni kukurei ni karaoa ana kaantaninga n akoi.

I-Korote 1:10

b'a kam aonga ni karaoi baika boraoi ma nanon te UEA, aika E na kukurei iai, n aromi ni karaoi m'akuri nako aika raraoi; ao b'a kam aonga n ata riki aron te Atua,

I-Korote 3:10

ao kam a tia ni karina i aomi te aomata ae boou, are e teimatoa arona ni kakabouaki iroun Teuare karikia b'a katotongana, b'a kam aonga n ataia raoi.

2.I-Tetaronike 2:17

E na kaninikoriai ma ni kateimatoai nanomi ni m'akuri ni kabane aika raraoi, ma taeka nako aika raraoi.

1.Timoteo 2:10

ma a na katamaroaia ni m'akuri aika raraoi, b'a bon te b'ai ae riai irouia aine aika tabu b'a Kristian ngaiia.

1.Timoteo 5:10

ao e kakoauaki b'a te aine ngaia ae kakaraoi m'akuri aika raraoi, n arona ni kaikawaia natina, n akoia iruwa, n teboki waeia raona ni Kristian, ni buokiia aika rawawata, ao n arona ni botum'aka ni karaoi m'akuri aika raraoi ni kabane.

1.Timoteo 5:25

Ao ai arona naba, b'a akea te kangaanga ni m'akuri aika raraoi b'a a teretere aroia, ao ake a aki bati n teretere a aki kona n raba.

1.Timoteo 6:18

A na kakaraoa ae e raoiroi, a na kabati m'akuri aika riai, a na maiu n tituaraoi, ao a na tauraoi ni buokanib'ai n aia b'ai;

2.Timoteo 2:21

Ma ngaia aei, b'a te aomata ane kaitiakia mani baike a buakaka, ao e na riki b'a ai aron te m'angko are b'ain te botaki ae kakannato. E na katabuaki maiuna b'a ana b'ai ana Toka, ao e na kakukureia nanon ana Toka. E a tauraoi ni kabonganaki i bukini m'akuri nako aika raraoi.

2.Timoteo 3:17

b'a e aonga ni konab'ai ma ni bobonga raoi nakoni karaoani baika raraoi ni kabane ana aomata te Atua.

Tito 2:14

are anga Ngaia i bukira, b'a E aonga ni kainaomataira man te buakaka ni kabanea, ao E aonga ni kaitiakiira b'a aomata aika ana aomata n ti Ngaia, aika iai nanoia ae korakora ni kani karaoi m'akuri aika raraoi.

Tito 2:7

Ko na kaotiko ni b'aai ni kabane b'a te banna ni kakairi n arom ni m'akuri aika raoiroi; ko na b'aina te eti ma te nano ni koaua ngkana ko anga reirei,

Tito 3:1

Ko na kauringiia am aomata b'a a na aantaeka irouia uea ma taan tautaeka, ao a na ongeaba ma n tauraoi nakoni karaoani m'akuri aika raraoi ni kabane;

Tito 3:14

A reireiaki ara aomata b'a a na kakaraoi m'akuri aika raraoi, b'a a aonga ni buoki kainnano aika riai, ao n te aro aei a bongana iai aia tai.

Tito 3:8

E koaua te taeka aei. I tangiriko b'a ko na karokoraoa aron taekinani baikai, b'a a aonga akana onimakina te Atua n tarataraia b'a a na kakaraoi m'akuri aika raraoi, aika raoiroi ma ni bongana i bukiia aomata.

Ebera 10:24

Ti na iangoa aron temanna ma temanna i roura ni buokira b'a ti na kaota te tangira ni maiura, ao b'a ti na karaoi m'akuri aika raraoi.

Ebera 13:21

E na katauraoingkami nakoni m'akuri aika raraoi ni kabane b'a kam aonga ni karaoa nanona, ao b'a kam aonga iroun Iesu Kristo ni karaoa are E na kukurei iai te Atua. Ao ana b'ai Kristo te neboaki n aki totoki. Amen.

1.Betero 2:12

A na raoiroi aroaromi i buakoia aomata aika tiaki I-Iutaia; b'a ngkana a bukiningkami b'a kam karaoa ae buakaka, ao a noori ami m'akuri b'a a raraoi, ao a na neboa te Atua iai n te bong are E na roko iai.

1.Ioane 1:7

ma ngkana ti nakonako n te oota n ai arona ngkae E mena n te oota, ao ti i raorao i roura, ao e kaitiakiira raraan Iesu are Natina man te buakaka ni kabane.

1.Ioane 2:6

Ane taku b'a E nim te Atua ma ngaia, ao e riai n nakonako n te aro are E nakonako naba iai Kristo.