I-Ebeto 1:6 - Te B'aib'ara

⁶ Ti na neboa te Atua b'a E rangi n tituaraoi nako ira i bukin Natina are tatangiraki i rouna,

I-Ebeto 1:6 ပူးပေါင်းရင်းမြစ်များ

Taian Areru 22:20

Kamaiuai man te kabaang; Kamaiuai mairouia kamea aikai.

Taian Areru 60:5

Ko na kamaiura ni m'aakam; ao ongo ara bubuti, b'a a aonga ni kamaiuaki aika tangiraki iroum.

Taeka n Rabakau 16:4

Bon iai bukin b'aai nako aika e karaoi te Atua, e kamaiuia aomata aika a buakaka ti i bukin katuaaeaia.

Itaia 42:1

Aio au tia m'akuri! I a tia ni kakorakoraa. Bon au rinerine; I kukurei i rouna. I a tia n anganna Tamneiu, ao e na uota te eti nakoia botannaomata.

Itaia 43:21

I karikiia b'a oin au botannaomata, b'a a aonga n neboai.

Itaia 61:11

E na karokoa te motikitaeka ae eti ao te nebonebo te UEA nakoia bootanaomatan te aonnaba, kaanga te uee ae e ure i nanon te nne n aroka.

Itaia 61:3

mai ai moaraara riki i Ierutarem. E kanakoai b'a N na anganiia taiani uee n onea mwiin nanokawakiia, b'aan te oriwa n onea mwiin taian rannimata, ao te kukurei n onea mwiin te uruakinnano. A na aranaki b'a “Arokan te Motiraoi,” are e unikaki iroun te UEA i bukin neboan arana.

Ieremia 23:6

E na rau Iteraera, ao e na kaawakinaki Iuta i nanon ana tai n uea. E na aranaki te uea b'a “Te UEA ae e anga te eti.”

Ieremia 33:9

Ngkana e riki anne, ao ane a noori b'aai aika a raoiroi aika I a tia ni karaoi i bukin Ierutarem, botannaomata ni kabane n te aonnaba aei, ma arou ni karekea te rau iai.

Nakoaia Ibonga 15:15

Ao e na anga temanna te mannikiba te ibonga b'a te karea ni kab'arabure, ao are temanna i bukin te karea ni kabuokaki. Ao anne ngkanne arona ni karaoa te m'akuri ni kaitiaki i bukin te aomata anne.

Tekaria 13:7

E taku te UEA ae Moan te M'aaka: Uti, Au kabaang! Buakana au tia kaawakin tiibu ao raoraou. Orea te tia kaawakin tiibu ni kab'akaa! Kamaaenakoia tiibu aika uarereke, ao N na uruaniia.

Mataio 17:5

Ngke e tabe n taetae Betero, ao akea b'a e a kaoti naba te nang ae raneanea, ao e b'aka nuuna i aoia. E roko te b'ana man te nang ae kangai, “Natiu Teuaei ae tangiraki i Rou, ae I kakatonga i Rouna; kam na ongo i Rouna!”

Mataio 20:9

Ao ngke a roko uake a kam'akuraki n te aoa nimaua, ao a katoaaki n anganaki booia ae tab'anin i bukin te bong ae b'anin.

Mataio 3:17

ao noria te b'ana mai karawa ae kangai, “Natiu aei ae tangiraki i Rou, ae I kakatonga i Rouna.”

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

Ioane 10:17

Ma ngaia ae E tangirai te Tama i bukina ngkai I anga nanou b'a N na mate, b'a I aonga ni manga uti.

Ioane 3:35

E tangira te Nati te Tama, ao E a tia ni kaaki b'aai ni kabane i aani m'aakana.

I-Rom 8:1

Ma ngaia ae akea te moti ni kabuakakaia akana mena i nanoni Kristo Iesu.

2.I-Korinto 4:15

B'a bon i bukimi baikai ni kabane; ao ngkai a bati riki aomata aika kamaiuaki n ana akoi te Atua, ao a na kabati riki tataro ni katituaraoi i bukin neboan te Atua.

2.I-Korinto 5:21

Teuare babanga karaoan te bure, E karaoia te Atua b'a kaanga ai aron te tia bure i bukira; b'a ti aonga n riki b'a aomata aika karaoa nanon te Atua n arora n reitaki ma Kristo.

I-Ebeto 1:12

b'a ti aonga ni kamoamoa mimitongina, ngaira aika ti moa n onimakina Kristo.

I-Ebeto 1:14

Ngkai ti anganaki te Tamnei ao ti aki nanokokoraki b'a a na bon reke iroura baike E a tia te Atua n taekin b'a E na anganiia ana aomata; ao n tokina E na anganiia ake ana b'ai te kainaomataaki man te bure, b'a e aonga ni kamoamoaki mimitongina.

I-Ebeto 1:18

ngkai a kaotaki matan nanomi b'a kam aonga n ataia b'a tera te kaantaninga n ana weewete, tera te kab'aia ae bati ae kamimii arona, are E na anganiia ake a itiaki;

I-Ebeto 2:7

b'a E aonga ni kaotia nakoia rooro ma rooro aika na roko aron ana akoi ae akea n ai arona ni kaub'aina, n ana ataataiaomata nako ira, irouni Kristo Iesu.

I-Biribi 1:11

ngkai a kaonaki maiumi ni baika reitaki ma ana kaantaninga te Atua, aika baika mairoun Iesu Kristo, are E neboaki te Atua iai ma ni karaoiroaki.

I-Biribi 3:9

ao I aonga n noraki n arou n reitaki ma Ngaia, b'a e aki reke kaetan arou n reitaki ma te Atua n te Tua, ma e reke n onimakinani Kristo; kaetan arou aei boni mairoun te Atua, ao e reke i bukin te onimaki.

I-Biribi 4:19

Ao Atuau, E na anganingkami b'aai ni kabane aika a kai nanomi iai mani kaub'aina ae bati irouni Kristo Iesu.

I-Korote 1:13

E a tia ni kamaiura mani m'aakan te roo, ao E uotiira nako aan ana tautaeka Natina are tangiraki;

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Betero 4:11

ngkana e taetae temanna, ao e na taetae n atong ana taeka te Atua; ngkana e akoa te aba temanna, ao e na karaoi n ai aron te konaa ae E anganna te Atua; b'a E aonga n neboaki te Atua ni b'aai ni kabane i bukin Iesu Kristo, are ana b'ai te neboaki ma te tautaeka n aki toki. Amen.