Iuta 1:9 - Te B'aib'ara

⁹ Ao Mikaera are te mataniwi temanna irouia anera, ngke e un ma te riaboro ni kauntaeka i bukin rab'atani Mote, ao e maku n atonga kabuakakana n taetaebuakaia; ma e kangai, “E na boaiko te Uea.”

Iuta 1:9 ပူးပေါင်းရင်းမြစ်များ

1.Rongorongo 12:17

E kawariia Tawita i tinaniku ao e taku nako ia, “Ngkana kam roko ma te nano ni iraorao ma n tauraoi ni buokai ni buaka, ao kam na tiku i rarikira ao raoniira. Ma ngkana kam na kataia ni kab'akaai nako ia au kairiribai, ao E na katuaaingkami te Atua are E tataromauriaki irouia ara bakatibu, i bukina b'a bon akea te kaairua ae I a tia ni karaoia.”

Te Otinako 22:28

Kam na aki taekina ae e buakaka nakon Iu ke nakon ami tia kairiiri.

Taniera 10:13

E kakaitaraai aneran te tautaeka ni Bootia i nanon uabwi ma teuana te bong. Ni karokoa e a roko Mikaere are mataniwiia anera ni buokai, i bukina ngke I kitanaki, ao I a tiku n ti ngai i Bootia.

Taniera 10:21

Ao i mwiin anne, e na kaoti aneran Kuriiti. Bon akea ae e na buokai b'a bon ti Kabiriera, are te anera are e teiakina Iteraera.

Taniera 12:1

Ao e taku te anera are e kunnikaia n te rinen, “Ao ane e na kaoti te anera are Kabiriera are e kakawakiniia am aomata. Ane e na roko tain te kangaanga, aika a tuai ma n noonoria taiani botannaomata ma ngke a moani kaoti nakon te aonnaba aio. Ao ngkana e roko te tai anne, ao a na bane ni kamaiuaki am aomata ake a m'akoro araia n ana boki te Atua.

Tekaria 3:2

Ma e taku te UEA, “Tatan, ko kaairua. Bon Au kaawa ae e tabu Ierutarem, ao te aomata aei e kamaiua kaanga te kai man te ai ae e ura.”

Mareko 15:29

Ao a taetae n iowawa nako Ina aomata ake a ri rarikina, ao a katoutou atuia ni kaenaena, ao a kangai, “E! Ngkoe ae Ko nang urua te um'antabu ao Ko na manga kateia i nanon tenibong,

Te Tua-Kaua 34:6

Ao E taunna te UEA n te m'arua are i rarikin te kaawa are Betabeora, ma e aki roko n te ataaki raoi te tabo are taunaki iai.

1.I-Tetaronike 4:16

B'a ane E na ruo te Uea mai karawa ma te b'anaa ae takarua n taetae, ma b'anaan te anera ae kakannato, ma tangin ana bu te Atua. Ao a na manga uti moa ake a mate ake a onimakina Kristo,

1.Betero 3:9

Kam na tai kabooa te buakaka n te buakaka, ao te taetaebuaka n te taetaebuaka; ma kam na taetae ni kakab'aiaia aomata; b'a kam weteaki nakon aei, b'a kam aonga ni karekea te kakab'aiaki.

2.Betero 2:11

Ao anera, aika korakora riki ma ni m'aaka riki, a aki kabuakakaia n taetaebuakaia taan reirei ni kewe aikai i matan te Atua.

Te Kaotioti 12:7

Ao e riki te buaka i karawa: Mikaera ma ana anera a buakana te rakon; ao e buaka te rakon ma ana anera,