Iuta 1:8 - Te B'aib'ara

⁸ Ao n aroia naba aio, te koraki aei a nori baika kanga taiani mii ake a riki iai ni bure nakon oin rab'ataia, ma n riba aron te Atua n uea i aoia, ma n taetaebuakaia ake a neboaki.

Iuta 1:8 ပူးပေါင်းရင်းမြစ်များ

Karikani B'aai 3:5

b'a E ataia te Atua b'a ngkana kam kanna, ao kam na riki n ai arona, ao kam na ataa iai te raoiroi ma te buakaka; ao bon anne bukina are E katabua iai kanakina i roumi.”

Te Otinako 22:28

Kam na aki taekina ae e buakaka nakon Iu ke nakon ami tia kairiiri.

Taeka n Rabakau 30:11

Iai tabeman aomata aika a kamaraiaia tamaia ao bon tinaia naba;

Taeka n Rabakau 30:17

Ko na tai b'ainingarea tamam ke n aki ongotaeka iroun tinam A na katebea kanoani matam rebenin te m'arua ni karebenakoa, ao a na kana nikiran rab'atam taian ikare.

Te Minita 10:20

Ko na tai iaiangoa naba kamaraiaan te uea; ao tai kamaraiaa te aomata ae e kaub'ai, ko na aki naba n te aro ni karaba. B'a ane e na ongo te mannikiba ae e uarereke ao e na taekin b'aai ni kabane.

Warekaia Iteraera 16:3

ma Aaron ao a taku, “E aera ngkai kam a bon rangi ni karietatai ngkami? Boni ngaira naba Ana aomata te Atua aika tabu, ao E boni mena naba i roura ni kabane. E aera ngkai kam taku b'a ti ngkami n onimakinaki?”

Ruka 11:25

Ngke e roko iai ao ni kunea b'a e a tia ni kaitiakaki ao ni baireaki raoi b'ain nanona,

Ruka 12:11

Ngkana a katikingkami nako mataia akana botaki ni m'aneabaia I-Iutaia ao nakoia taan tautaeka ma uea, ao tai raraoma n are kam na taekin b'a a kanga ami kaeka, ke a na tera are kam na atong;

Ruka 19:14

Ma e ribaaki teuarei irouia ana aomata, ao a kanakoia taan taetae i bukiia b'a a na ri mwina, ao a na atongi taeka aikai n te aba are e mena iai teuarei: “Tiaki tangira teuaei b'a e na uea i aora.”

M'akuri 23:5

Ao e taku B'auro, “Taari, I aki ataia ae ngaia aia mataniwi ibonga; b'a e koreaki ae kaangai, ‘Ko na aki tabeki taeka aika bubuaka b'a taekan temanna ae tautaeka i aoia am botannaomata.’ ”

M'akuri 7:27

Ao teuare kaikoaka raona e butua nako Mote, ao e taku, “Antai ae karaoiko b'a te tia tautaeka ao te tia motiki-taeka i aora?

M'akuri 7:39

A rawa ara bakatibu n ira nanoni Mote, ao a kanakoa mai rouia; a kani manga oki nako Aikubita.

1.I-Korinto 3:17

Ngkana e urua ana um'antabu te Atua te aomata, ao ngaia e na uruaki iroun te Atua: b'a e tabu ana um'antabu te Atua, are boni ngkami.

1.I-Tetaronike 4:8

Ma ngaia are te aomata ae rawa nakon te taeka n reirei aei, ao e aki rawa nakon te aomata, ma e rawa nakon te Atua, are anganingkami Tamneina are Raoiroi.

1.Timoteo 1:10

ao i bukiia taani wene ni bure ma nikiranroro, ma mm'aane aika karaoi m'akuri ni kammaira ma raoia ni mm'aane, ma taan iraeia aomata, ao i bukiia taani kewe ma taan tuea ni kewe, ao i bukini b'aai ni kabane, ngkana tao iai, aika eekaanako te reirei ni koaua,

Ebera 13:17

Kam na ongeaba nakoia ami taani kairiri, ao kam na aan taeka i rouia: b'a a tantani n aki motirawa i bukini kawakinani maiumi, ngkai a nang taekin aroia ni m'akuri. Ngkana kam ongeaba i rouia ma n iri nanoia, ao a na karaoa aia m'akuri ma te kim'areirei; ma ngkana kam aki, ao a na karaoa aia m'akuri ma te rawawata n nano, ao anne bon akea buokami iai.

1.Betero 2:17

Kam na karineia aomata ni kabaneia, ao tangiriia raomi ni Kristian. Maaka te Atua. Karinea te king.