Iuta 1:7 - Te B'aib'ara

⁷ n ai aroia kaain Totom ma Komora ma kaawa ake i rarikiia, ngke a kitan aroia ake a katauaki iai n ai aroia anera akekei, ao a karaoi aaro ni kammaira aika bobuaka ma te iango; ao a riki b'a te b'ai n reirei nakoia aomata ni kabaneia, ngkai a reke kaiia n te ai ae m'aka are akea tokina.

Iuta 1:7 ပူးပေါင်းရင်းမြစ်များ

Karikani B'aai 13:13

are te kaawa are a buakaka kaaina, are a bubure nakon te UEA.

Karikani B'aai 18:20

Ao E taku te UEA nakon Aberaam, “A m'aiti rongorongon Tootom ma Komora aika I a tia n ongo, ao a rangi ni korakora aia bure.

Karikani B'aai 19:5

ao a takaarua nakon Roota n titirakinna ni kaangai, “A nga uake a na matu i rarikim nakon te tairiki? Kanakomaia nakoira.” A tangiria mm'aanen Tootom ni karaobure ma ngaia.

Itaia 1:9

E na riai n tia ni mauna nako Tion kaanga Tootom ma Komora,

Itaia 13:19

E mimitong ao e korakora te kaawa ae e buubura ae B'aburon, kakatongaia botannaomata. Ma e na riki b'a kaanga taiani kaawa aika a buubura ake Tootom ao Komora i mwiin uruakana Irou Ngai ae te UEA.

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Ieremia 20:16

Ke e riki te mm'aane anne b'a kaanga aron taiani kaawa ake Ko kamaunai n akea te nanoanga teutana. Ke e ongo taian takaarua ni kakatauraoi n te moaningabong ao kakarongoaan te buaka n te tawanou.

Ieremia 50:40

I urua Totom ma Komora ao kaawa nako ake i rarikiia, ao N na bon urua naba B'aburon ni kabanea raoi n ai aron naba anne. Bon akea temanna ae e na maiu ikekei.

B'aeb'aeti 4:6

E rawaawata riki oreaia au aomata nakoia aomatan Etom, ake a oreaki iroun te Atua n te aro a e karina.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Amota 4:11

“I tiringiia tabem'aang mai buakomi n ai aroia I-Totom ma I-Komora. Ao ake a reke maiuia ai aron te kai ae bue ae butakinako mai nanon te ai. Ma kam bon teimatoa naba n aki kan onimakinai.” Bon ana taeka te UEA “Ma ngaia are ngkami aika I-Iteraera, N na bon katuaai ngkami ao kam na riai ni kataua motikan taekami i bukin aei.”

Mataio 10:15

E koaua ae I a tuangngkami b'a e bebete riki te rekenikai are na reke nakoia I-Totom ma I-Komora, n te bongi ni motikitaeka, nakon are na reke nako ia.

Mataio 11:24

Ma I taku nako imi, b'a e na bebete riki te rekenikai are e na reke nakoia I-Totom nakon are e na reke nako imi n te bongi ni motikitaeka.”

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Ruka 17:29

ma n te bong are e oti nako iai Rota mai Totom, ao E kab'aka te ai ma atiibu aika m'akarokaro te Atua mai karawa, ao a tiringiia aomata ni kabaneia;

1.I-Korinto 6:9

Kam ataiia aomata aika buakaka b'a e aki reke i rouia uean te Atua? Kam na tai kababaingkami; e aki reke uean te Atua irouia taani wene ni bure, ma taan taromauri bouannanti, ma aomata aika aki kakaonimaki nakon aia berita ni mare, ma mm'aane aika baka ni kan aine, ma mm'aane aika bure ma mm'aane,

Te Tua-Kaua 29:23

b'a e a riki b'a te rereua ae rangi ni kabuebue ae taari aona ni kabane, ao te bubu ae m'auteretere, ao akea te aroka ae e kona ni unikaki iai, akea te aroka ae kona ni bwebwee iai, ao bon akea naba te aroka ae e kona ni maiu iai. A na riki abami b'a kaanga aron maten aaba ake i rarikin kaawa ake a buubura ake Tootom, Komora, Atema, ao Teboiim i mwiin unin te UEA irouia ao E kamaunaia.

2.I-Tetaronike 1:7

ao E na anganingkami, ngkami akana kam karawawataki, kabebeteami ma ngaira, ngkana E kaoti ara Uea are Iesu mai karawa ma ana anera aika m'aaka,

2.I-Tetaronike 1:8

ma te ai ae ura m'aaka. E na kareke kaiia ake a aki ira nanon euangkerion ara Uea are Iesu Kristo.

2.Betero 2:2

Ao ane a na m'aiti aomata aika na kakairi i rouia n tam'are; ao i bukin aroia anne, ao e na kabuakakaki iai te koaua ni Kristian.

2.Betero 2:6

E motiki taekaia kaawa ake Totom ma Komora te Atua b'a a na uruaki n te ai, ao E karaoi b'a banna ni kakairi n aron te b'ai ae na riki nakoia aomata aika iangoia b'a a na aki reitaki ma te Atua ni maiuia.

2.Betero 3:7

Ma karawa ma aon te aba aika iai ngkai a kawakinaki naba n ana taeka te Atua b'a kanaan te ai. A kawakinaki ni karokoa te bong are a na motikaki iai taekaia aomata aika akea reitakiia ma te Atua ao a na kamateaki.