Iuta 1:3 - Te B'aib'ara

³ Ngkami aika kam tangiraki, ngke e korakora nanou ni kani koroboki nako imi n taekina te maiu ae bon ara b'ai ma ngkami, ao I taku b'a e bon riai b'a N na koroboki nako imi ni butingkami b'a kam na kakorakoraingkami i bukin te onimaki are a anganaki ake a itiaki n te tai ae ti teuana ao akea riki.

Iuta 1:3 ပူးပေါင်းရင်းမြစ်များ

Neemia 13:25

Ma ngaia are i bukin marakin nanou, ao I a kamaraiaia m'aane aikai. I tua b'a a na oreaki ao ni bon kouti naba iran atuuia tabeua. Ao i mwiina, I karaoia b'a a na berita; N aran te Atua ao I berita b'a n na aki mareia natiu m'aane ao natiu aine ma I-anena.

Itaia 45:17

Ma Ngai ae te UEA, N na bon teimatoa ni kaawakina Iteraera ma ni kararoa man te kamaamaaeaki.

Itaia 45:22

“I kaooa te aonnaba ae e b'anin b'a e na rairaki nako iu ao e na maiu. Bon ti te Atua Ngai! Akea riki te Atua ni koaua.

Ieremia 9:3

Ao E kaeka te UEA: Taeka ni kewe mai nanon wiia au aomata ti te bo ma taian kanoanikatebe ma te kainikatebe. Are a rikirake maiai aia m'akuri n aonikai ngaiia n tatabemaniia nako, n te aro are bon akea temanna mai buakoia e kakoaua ae te Atua Ngai.

M'akuri 17:3

ni kab'arab'arai nanoia, ao ni kaoti m'akoro mai iai ake a taekina te Kristo b'a E riai n ri nanon te rawawata ma te maraki, ao b'a E na manga uti mai buakoia maate; ao e taku nakoia, “Iesu aei ae I taekinna nakoimi, bon te Kristo Ngaia.”

M'akuri 18:28

b'a n ana imanono ao e konai aoia I-Iutaia n aia kauntaeka i mataia aomata, ngke e kaotaia man te B'aib'ara b'a bon te Kristo Iesu.

M'akuri 20:27

B'a akea te b'ai teuana n ana kaantaninga te Atua ae I taua n aki taekinna nakoimi.

M'akuri 28:28

“Ma ngaia ae kam na ataia, b'a e a tia n nako taekan ana kamaiu te Atua aei nakoia aomata aika tiaki I-Iutaia, ao boni ngaiia akana na ongo.”

M'akuri 4:12

Bon ti Iesu ae mena i rouna te kamaiu, ao akea riki; b'a bon akea te ara riki teuana i aani karawa ae a anganaki aomata, ae ti kona ni kamaiuaki iai.

M'akuri 6:7

E buta nako ana taeka te Atua, ao a bati riki ake a ongo ao a onimaki: a kabatiaki m'aitiia aomata ake a onimaki i Ierutarem, ao a m'aiti aia koraki ibonga ake a butim'aea taekan te euangkerio.

M'akuri 9:13

Ao e kaeka Anania ni kaangai, “Te UEA, I ongo taekan teuaei irouia aomata aika bati, b'a e karaoi m'akuri aika bubuaka aika bati nakoia am aomata ake a itiaki ake i Ierutarem;

M'akuri 9:22

Ao e riki ni korakora riki aron Tauro ni kab'arab'ara; ao e kaminoi aia iango I-Iutaia ake a maeka i Tamateko n ana koaua ake e taekin i bukin Iesu b'a bon te Kristo Ngaia.

1.I-Korinto 15:3

B'a I moa n anganingkami i buakoni baika kakannato te baere I anganaki naba: b'a E mate Kristo i bukin ara bure n ai aron taekana n te B'aib'ara;

I-Karatia 2:5

ma ti bon aki kariaia naba teutana b'a ti na iri nanoia, b'a e aonga ni memena koauan te euangkerio iroumi.

I-Karatia 3:28

Akea kaokoron te I-Iutaia ma te I-Erene i nanoni Kristo, ao akea kaokoron te toro ma te aomata ae inaomata, ao akea naba kaokoron te mm'aane ma te aine: b'a ti temanna ngkami ni kabaneingkami i nanoni Kristo Iesu.

I-Karatia 6:11

Nori manin au koroboki aika I koroi n oini baiu b'a ai buuburara!

I-Ebeto 1:1

Mairouni B'auro, ae ana tia tuatua Kristo Iesu n nanon te Atua, nakoia ake a itiaki ake i Ebeto ake a teimatoa ni katiteuanaki ma Kristo Iesu ni maiuia:

I-Biribi 1:1

Mairouni B'auro ma Timoteo, aika ana toro Kristo Iesu, nakoia ake a itiaki ni kabaneia, ake a nim ma Kristo Iesu, ake a mena i Biribi; ao nakoia naba ake mataniwi ma taani buobuoki:

I-Biribi 1:27

Kam na ti kakaraoa ae boraoi ma nanon ana euangkerio Kristo; b'a ngkana I roko n noringkami, ke ngkana tao I mena n te tabo teuana, ao I kan ongo rongorongomi, b'a kam teimatoa n aromi ni maiu b'a kanga te tamnei ae ti teuana, ni kakorakoraingkami b'a kanga te aomata ae ti temanna, i bukin te onimaki are reke man te euangkerio;

I-Korote 1:2

nakoia ake a itiaki i Korote, ake taari aika kakaonimaki n aroia n irira Kristo:

1.I-Tetaronike 2:2

ao n aron ae kam ataia, ti a tia ni kamarakaki ma ni b'ainikirinaki i Biribi, ma ti ninikoria iroun Atuara n taekina ana euangkerio nako imi ma te kekeiaki ae bati.

1.Timoteo 1:18

I anganiko te taeka aei, natiu ae Timoteo, n ai aron taian taeka ni burabeti ake a rimoa n taekiniko, b'a ko na kamanenai b'a am b'ai ni buaka b'a e aonga n nako raoi arom ni buaka,

1.Timoteo 6:12

Ko na kekeiaki m'aaka n te kabo birim'aaka ae b'ain te onimaki, ao karekea te maiu are aki toki b'a kaniwangam; b'a ngaia aei te maiu are E weteiko nako iai te Atua ngke ko moa ni kaota iai am onimaki i mataia taani kakoaua aika bati.

2.Timoteo 1:13

Ko na tou mwin au taeka aika reirei ni koaua ake ko a tia n ongo i rou b'a te banna ae ko na kakairi iai, ao ko na teimatoa ni b'aina te onimaki ma te tangira aika kanoan arora n reitaki ma Kristo Iesu.

Tito 1:4

nakon Tito, ae natiu ni koaua n te onimaki are ti buokanib'ai iai: am b'ai te akoaki ma te raoiroi mairoun te Atua ae te Tama ma Kristo Iesu are ara Tia Kamaiu.

Ebera 13:22

Taari, I a tia ni korea te reta ae kimototo aei i bukini kakorakoraan nanomi, ao I butingkami b'a kam na ongora ma te taotaonaki n nano n te baere I a tia n taekinna iai.

Ebera 6:9

Ma ti bon aki nanokokoraki i roumi, ngkami aika kam tangiraki, ngkana tao ti taetae n te aro aei; b'a ti ataia b'a a a tia n reke i roumi taiani kab'aia aika raraoi riki aika reitaki ma aroni kamaiuami.

1.Betero 5:12

E korea te reta ae kimototo Tirouano i buku, ae te tari ae I taku b'a e kakaonimaki. I kani kaungaingkami ma ni kaotiota te akoi aei b'a te akoi ni koaua ae mairoun te Atua: kam na teimatoa iai.

2.Betero 1:1

Mairoun Timon Betero, ae ana toro ma ana tia tuatua Iesu Kristo, nakoia akana reke i rouia te onimaki ae kakawaki ae ti te arona ma ara onimaki, ae reke n ana raoiroi Atuara ma ara Tia Kamaiu are Iesu Kristo.

2.Betero 2:21

B'a e raoiroi riki i rouia ngke a aki ata te aro are E tangiria te Atua b'a a na maiu iai nakon ae a ataia, ao a rairaki nako man taekan te tua ae tabu are a anganaki.

Iuta 1:1

Mairoun Iuta, ae ana toro Iesu Kristo, ae tarin Iakobo, nakoia akana weteaki, akana tangiraki iroun te Atua ae te Tama, akana kawakinaki i bukin Iesu Kristo:

Iuta 1:17

Ngkami aika kam tangiraki, kam na uring taeka ake a atongaki rimoa irouia ana taan tuatua ara Uea are Iesu Kristo.

Iuta 1:20

Ma ngkami aika kam tangiraki, kam na waki ni kateitei aromi i aon ami onimaki ae moan te tabu; ao kam na tataro n aroni kairami iroun te Tamnei are Raoiroi;

Te Kaotioti 12:11

Ao a kataea ana kai n raraan te Tiibuteteei ao n te koaua are a tataekinna; ao a kukurei n anga maiuia ma ni mate naba.

Te Kaotioti 2:10

Ko na tai makui baika ko nangi maraki iai; noria, ane e nang kaakiia tabem'aang i buakomi te riaboro i nanon te karabuuti, b'a kam aonga ni kataaki iai, ao tengaun ami bong ni maraki iai. Ko na kakaonimaki ni karokoa matem, ao N na anganiko te bau are te maiu.