Iuta 1:16 - Te B'aib'ara

¹⁶ Bon taani b'angantaeka te koraki aei, ao taani ngurengure ma taan iri oin nanoia ni kaib'ab'aru; taan taetae ni kainikatonga, ao a kamoamoaia aomata ni karangiia b'a a aonga n reke i rouia baika tangiri.

Iuta 1:16 ပူးပေါင်းရင်းမြစ်များ

Iobi 32:21

Akea ae N na tei i bukina n te kauntaeka aei; akea ae N na aki anaa nanon temanna n te kauntaeka aio.

Iobi 34:19

E aki tei n aia itera taan tautaeka, ke n raoniia riki aomata aika kaub'ai nako ia aika kainano, kioina ngke E bon karikia aomata ni kabane.

Taian Areru 106:25

A ngurengure i nanon aia um'arianna, Ao a rawa ni kan ongo ni b'anaan te UEA.

Taian Areru 15:4

A kakeai bongaia aomata aika akea aroia, mani kaota te karinerine nako ia aomata ni kabane ake a taromauriia te UEA, mani kawakin aia berita, n aki ongea booia.

Taian Areru 17:10

Akea aia nanoanga, ao a tataetae ni kainikatonga.

Taian Areru 73:8

A ngareakiniia aomata tem'angina ao a atoatong taeka aika aki raraoi; A kainikatonga ao a kario iango n ribuaka b'a b'ain ekakinakoaia tem'angina.

Taeka n Rabakau 28:21

E bon aki raoiroi b'a ko na karaoa ae e aki riai, ma tabeman a konaa ni karaoa te kamaraato ti n te m'akoro ni kariki ae e uarereke.

Itaia 29:24

Ane a na ataia aomata ni kabane akana a mangaongao aia iango, ao ane a na ongotaeka n Au reirei akana a tia ni ngurengure.”

Nakoaia Ibonga 19:15

Karaoa te eti n taai nako, e aki akaaka b'a antai ane e motikaki taekana tai i nanonano i bukina b'a tao te aki kaub'ai ke tao te kaub'ai.

Warekaia Iteraera 14:36

A tia n uota rongorongon te aba arei ae buakaka mm'aane ake tengaun ake a nako ngkoa n tuoa te aba arei, ao a kangurengurei nanoia aomata nakon te UEA.

Warekaia Iteraera 16:11

Kam aki kamangao nakon Aaron ma kam boni kamangao nakon te UEA.

Warekaia Iteraera 16:41

Ao n te bong are i mwiina, ao a manga ngurengure naba Iteraera nakoni Moote ma Aaron, ao a taku, “Kam a tia n tiringiia Ana aomata te UEA ngkami akana uoman!”

Ruka 15:2

A ngurengure B'aritaio ma taani koroboki, ao a kangai, “Te Aomata aei, E butim'aia aomata aika buakaka ao E am'arake ma ngaiia.”

Ruka 19:7

Ao a bane ni ngurengure aomata ake a noria, ao a kangai, “E nako n rin b'a E na iruwanaki iroun te aomata ae te tia bure.”

Ruka 5:30

Ao B'aritaio ma taani koroboki a ngureakiniia ana reirei Iesu, ao a taku, “E aera ngkai kam am'arake ao ni mooi ni botaki ma taan anai taekiti ma aomata aika buakaka?”

Ioane 6:41

A ngureakinna ngkanne I-Iutaia i bukina ngke E kaangai, “Ngai te am'arake are ruo mai karawa.”

Ioane 6:61

E ataia Iesu i nanona ae a ngurengure ana reirei i bukin taeka akekei, ma ngaia are E titirakiniia ao E taku, “A uruaki ami onimaki n taeka akekei?

1.I-Korinto 10:10

Ao kam na tai ngurengure, n ai aroia tem'angina i buakoia ngke a ngurengure, ao a tiringaki iroun Aneran te Mate.

I-Karatia 5:16

Ma aio au taeka: Kam na kairaki iroun te Tamnei, ao ane kam na aki karaoa nanon te rab'ata ni kaib'ab'aru n aron are e tangiria.

I-Karatia 5:24

Ao akana ana aomata Kristo Iesu a taura te maiu n rab'ata ma nanona ni kammaira ma ni kaib'ab'aru n te kaibangaki.

Te Tua-Kaua 1:27

Kam ngurengure i nanon ami autinrianna, ao kam taku, “E a bon ribaira te UEA—E kaotinakoira mai Aikubita b'a E na anga ngaira nakoia kaain Amora b'a a aonga n tiringiira.

I-Biribi 2:14

Kam na karaoi b'aai ni kabane n aki ngurengure ma n aki kabo-taeka;

1.I-Tetaronike 4:5

ma tiaki n te aro ni kaitataan ni kaib'ab'aru n ai aron ae noraki irouia aomata aika tiaki I-Iutaia aika aki ata te Atua.

1.Timoteo 6:5

ma aia meremere n taai nako aomata aika babanga n iango, aika akea irouia te koaua. A taku n aia iango b'a tauan te Aro boni ngaia ae e reke mai iai te kaub'ai.

2.Timoteo 4:3

B'a ane e na roko te tai ae a na rawa aomata iai n ongo te reirei ni koaua, ao a na iri nanoia ni kaib'ab'aru, ma ni karekeia aia tia reirei ni kabatiaia aika a na tuangaki i rouia baika a ingainga nanoia iai ni kan ongora.

1.Betero 1:14

Ngkai naati aika ongeaba ngkami, ao a na tai kairaki maiumi n iangoan nanomi aika bubuaka ake iai iroumi ngkoa ngke kam roo n nano;

1.Betero 2:11

Ngkami akana kam tangiraki, I butingkami ngkai kanga iruwa ngkami ao kanga aomata aika maeka n aki maan n te aonnaba aei, b'a a na aki tauaki aromi n iangoan nanomi aika bubuaka aika aki toki ni buakana te maiu are kam anganaki.

1.Betero 4:2

B'a kam na aki kabane ami bongi ni maiu n rab'atami n iri nanoni iango n aomata aika naano ni kaib'ab'aru, ma kam na ira nanon te Atua.

2.Betero 2:10

ai moara riki te koraki ake a iri nanon rab'ataia ni karaoi m'akuri ni kaib'ab'aru aika kam'ara, ma n rawa n tauaki aroia: te koraki n ninikoria aika kainikatonga, aika aki maku n taetaebuakaia akana neboaki.

2.Betero 2:18

B'a ngke a atongi taeka ni kainikatonga aika ria nako aika akea manenaia, ao a kamanena ni kabatiai kaib'ab'arun te rab'ata b'a kanga abeaia i bukini kam'aneaia akana moanna ni butaki nako mai buakoia akana maeka i buakon te buakaka.

2.Betero 3:3

Aio moa ae na ataaki, b'a ni boong aika kabaneani boong, ao a na roko taani kakaniko ni kakaniko n aroni kairaia n oin nanoia ni kaib'ab'aru,

Iuta 1:15

b'a E na motiki taekaia aomata ni kabaneia, ni kabuakakaia ni kabaneia akana aki reitaki ni maiuia ma te Atua, i bukin aia m'akuri ni kabane aika akea karinean te Atua iai, ake a tia ni karaoi n aki reitaki ma ana kaantaninga te Atua, ao i bukin taeka ni kamaraki nano aika a bukinna iai taani bure aika aki reitaki ma te Atua ni maiuia!”

Iuta 1:18

B'a a kangai nako imi: “N te tai ae te kabanea n tai, ao a na roko taani kakaniko, aika aomata aika iri oin nanoia ni kaib'ab'aru aika akea i rouia karinean te Atua.”