Itaia 9:6 - Te B'aib'ara

⁶ E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Itaia 9:6 ပူးပေါင်းရင်းမြစ်များ

2.Tamuera 7:13

ao bon akea temanna ae e na konaa n anaa abanueana mai rouna. Boni ngaia are e na katea te tembora ibuku.

2.Tamuera 7:16

N na kakoauaa raoi b'a e na uea n taai nako temanna mai buakoia am kariki.

1.Uea 10:9

I neboa te UEA ae Atuam. E kakatonga iroum ao E a tia n rineiko b'a uean Iteraera. E tangira Iteraera te uea ma ngaia are, E a tia n anganiia aia uea ae na tautaekaniia n te eti ma te koaua.

1.Uea 2:33

A teimatoa n tekebuaka ana utu Ioaba i bukin ana m'akuri are e a tia ni karaoia, ma E na kakab'aia ana utu Tawita n taainako, ao e na waaki ueana i nanon te rau.”

1.Uea 2:45

Ma E boni kakab'aiaai te UEA ma ni kakorakoraa abanuean tamau n aki toki.”

Neemia 9:32

Atuara, ko bon rangi ni korakora, ko mamaakaki, ao ko kakaonimaki, ao ko b'aab'aina te koaua n am taeka. Ma ngaia ae, ti butiiko b'a ko na ururinga rawawataia am aomata, am uea, am taani kairiiri am burabeti, ao am burabeti ae moan te korakora, man te tai are e tautaeka iai Aturia ni karokoa te bong aei.

Taian Areru 45:3

Kabaea am kabaang i rarikini babatim, ngkoe ae ko ninikoria; ko mimitong ao ko karineaki.

Taian Areru 45:6

E na teimatoa n aki tootoki ueam are E a tia n anganiko te Atua; Ko tautaekaniia am aomata ma te eti;

Taian Areru 45:7

Ko tangira te maiu ae e raoiroi, ao ko riba ae buakaka. Ao anne bukin ae E rineiko iai te Atua, ae Atuam; Ao E karaoiko b'a ko na kukurei riki nakoia uea nako.

Taian Areru 50:1

E taetae Teuare M'aaka, ae te Atua ae te UEA; E weteia aomata nako i aonnaba mai tabona nako tabona.

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Taian Areru 72:3

E bia roko marin aon te aba, ao e bia namakinaki te kaetitaeka ae eti.

Taian Areru 72:7

E bia rikirake te maiu ae e raoiroi irouia aomata i nanon ana tai ni maiu, Ao e bia teimatoa rereken te kab'aia irouia aomata n ai aron teimatoan nam'akaina n angaanga ootana.

Taian Areru 85:10

A na uaia n reitaki te tangira ma te kakaonimaki; E na irab'ati te raoiroi ma te raoi.

Taian Areru 89:5

Te UEA, a anene kaaini karawa ni kamoamoaai am M'akuri aika kamimii ake Ko karaoi, Ao a anenea taekan am Kakaonimaki taian anera

Taeka n Rabakau 8:23

I karikaki ngke e moan karikaki b'aai, i m'aain rikin te aonnaba, i m'aain b'aai nako.

Itaia 10:21

A na rangi n rawata aomata kaanga m'aitin taian tano i mataniwiin taari, ma a na bon ti tabeman aika a na tiku ni maiu ma n okira Atuaia Iteraera ae e m'aaka.

Itaia 11:5

Ana niiniira ni uea bon te raoiroi ma te riai.

Itaia 16:5

Ao i mwiina, e na tei abanuean te tangira, ao e na tautaeka ma te eti temanna man ana utu Tawita. E na karaoa ae e raoiroi mani uota te riai.

Itaia 26:12

Ko na anganiira te rau i bukina ngkai ti a tia ni karaoi ni m'aakam.

Itaia 26:3

E anga te rau ae e tamaroa te UEA nakoia aika a matoa aia onimaki.

Itaia 28:29

E roko te ataib'ai aei mai roun te UEA ae Moan te M'aaka are iai rabakauna ae moan te korakora.

Itaia 32:1

A na tautaeka te uea ma ana taani kairiiri ma te riai.

Itaia 37:32

Ngai ae te UEA ae Moan te M'aaka, N na bon kakoauaa anne b'a a na tiku ni maiu aika a maiu i Ierutarem.

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Itaia 53:2

Kaanga ai aron te aroka ae e a tib'a bwebwe man te tano ae m'auteretere te tia m'akuri ae e rikirake n te ongotaeka iroun te UEA. Bon tiaki ngaia temanna mai buakoia uea aika a bootonim'aane. Bon akea naba taraana ae e na konaa n anaa nanora.

Itaia 53:5

E ikoaki ao e kamanatuaaki i bukin ara bure nako; e reke ae e riai i roura i bukina ngke E anaa tuuara.

Itaia 63:16

A tia ni kaai ni katinanikuira ara bakatibu ake Aberaam ao Iakob'a. Ma Ko bon teimatoa naba n riki b'a Tamara; Ko a tia n riki b'a te tia kaawakiniira man taai ake ngkoa.

Itaia 66:12

E a tia ni berita te UEA: “N na kataonakoa Ierutarem ni kaub'aia botannaomata nako ao N na karika te kaawa b'a te tabo ae e mari. E na kammammaingkai Tion ni mammana, ao e na uouotingkami ni baina, ao e na b'ab'akoingkami i m'anokana.

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Itaia 8:18

Ngai ma natiu bon taian kanikina ni kauring nakoia Iteraera mai roun te UEA ae Moan te M'aaka, are e maeka n te Maunga are Tion.

Ieremia 31:22

Tera ngke kam teimatoa ni kakaonimaki? N na bon kakoauaa b'a n te tai teuana ao a na manga kaokoro b'aai nako, kaanga kaokoron te aine ae e kaawakina te mm'aane.

Taniera 2:44

E na manga kateirakea te tautaeka teuana ae akea tokina Atuani karawa i nanon aia tai uea aikai. Te tautaeka ae e na bon aki manga konaaki, ma e na boni kamaunai tautaeka nako, ao e na bon teimatoa.

Taniera 7:14

E anganaki te kariaia, te karineaki, ao te m'aaka, b'a a na bane aomatan te botannaomata, reeti, ao taetae nako n toro i rouna. E na teimatoa m'aakana n aki toki, ao akea tokin ueana, ao e na bon aki kona n uruaki.

Akai 2:9

I a tia ni berita b'a e na mimitong riki te Tembora ae e boou aei nakon are mai m'aaina. N na kakab'aiaa naba te kaawa aei n anganna te rau.

Mataio 1:1

Bokin araia ana bakatibu nako Iesu Kristo, are riki mairoun Tawita are riki mairoun Aberaam.

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

Mataio 11:27

“I anganaki b'aai ni kabane iroun Tamau; ao akea ae ata te Nati, ma ti te Tama ae ataia; ao akea ae ata te Tama, ma ti te Nati ae ataia, ao ane E kani kaotia te Nati nako ina.

Mataio 28:18

Ao E roko Iesu, ao E taku nako ia, I a tia n anganaki te m'aaka ni kabanea i karawa ao i aonnaba!

Ruka 1:35

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

Ruka 2:11

b'a e a bungiaki nako imi n te bong aei n ana kawa Tawita, te tia Kamaiu are te Kristo are te Uea.

Ruka 2:14

“E na neboaki te Atua ike moan te rietaata! Ao e na mena te rau i aon te aba irouia aomata ake E kukurei i rouia te Atua.”

Ruka 21:15

B'a Ngai ae N na anganingkami te wii ae ribinewe ma te rabakau, b'a a aonga n aki kona aiami n tuuki ao ni kakewei ami taeka.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 1:16

Man onrakena n te akoi ma te koaua, ao ti a karekea iai te akoaki teuana i mwin te akoaki teuana.

Ioane 14:27

“I katuka te rau iroumi; I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maku.

M'akuri 10:36

Kam ata te taeka are E kanakoa te Atua nakoia te botannaomata ae Iteraera, are taekan euangkerion te raoi i nanon Iesu Kristo, are aia UEA aomata ni kabaneia.

M'akuri 20:28

Kam na tarataraingkami ao tararuaia aomata ni kabaneia ake kam kateaki i buakoia iroun te Tamnei are Raoiroi b'a taan tararuaia: kam na tararua ana ekaretia te Atua, are E reke i rouna b'a ana b'ai n raraan Natina.

I-Rom 8:32

Teuare aki taua ae bon Natina, ma E anga i bukira ni kabaneira, ao E na iranna n aki anganira b'aai n akoi ni kabane ma Ngaia?

I-Rom 9:5

ao a riki mairouia bakatibu; ao Kristo, ngkai bon te aomata Ngaia, boni kaain aia botannaomata. Ao te Atua are tautaeka i aoni b'aai ni kabane, ana b'ai te neboaki n aki toki. Amen.

1.I-Korinto 1:30

Ma E a tia te Atua n reitingkami ma Kristo Iesu, ao E a tia naba ni karika Iesu b'a rabakaura. A reke reitaki ma te Atua i Rouna; ti a riki b'a ana aomata te Atua ngaira, ao ti a kainaomataki i Rouna;

1.I-Korinto 15:25

B'a E riai n uea Kristo ni karokoa te tai are E kabaneia iai ni kakiia ana kairiribai i aani waena.

2.I-Korinto 5:19

Tera ae ti nanonna b'a te Atua irouni Kristo, E raoiakiniia kaain aonnaba nako Ina, n aki tau mwin aia bure; ao E mwiokoira n taekan te raoi.

Te Tua-Kaua 10:17

E m'aaka riki te UEA ae Atuami nakoia atua ao uea tabeman, ao E na riai ni maakaki m'aakana are rangi ni korakora. A bane n eti n taai nako Ana babaire ni kabane, ao kam aki kona ni kamaraatona b'a E aonga ni bita Ana iango.

I-Korote 2:3

are a bane ni karabaki i nanon taian rabakau ma atatai nako.

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Tito 2:13

ngkai ti tataninga te bongi ni kab'aia are ti kaantaningaia b'a e na roko ngkana e kaoti mimitongin Atuara ae kakannato ma te Tia Kamaiu are Iesu Kristo.

Ebera 1:8

Ma E taekina Natina ni kangai: “Ueam, te Atua, e na teimatoa n aki totoki; ao Ko na tautaeka ma te eti i aoia am aomata.

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

1.Ioane 5:20

Ao ti ata Natin te Atua b'a E a roko, ao E anganira te atatai, b'a ti na ata Teuare koaua; ao ti nim ma Teuare koaua, ti reitaki ma Natina are Iesu Kristo. Bon aei te Atua ni koaua, ao te maiu are aki toki.

Te Kaotioti 19:16

Ao iai arana ae koreaki i aon ana kunnikai ao i aon rangana, ae kaangai, “AIA KING KING AO AIA UEA UEA”.

Tani Motiki-taeka 13:18

Ao e taku te anera, Tiaki ngaia anne, bon akea uaan ataakin arau iroumi. Ao ngkana iai, ao kam bon aki kona naba n ataa nanona.