Itaia 9:20 - Te B'aib'ara

²⁰ kaanga taiani man aika a aki manana aika a un man tiringiia aomata nako ake i rarikiia, n reitaki naba ma bon aia koraki. Ma a bon aki naba rauaki.

Itaia 9:20 ပူးပေါင်းရင်းမြစ်များ

Te Minita 4:5

A na mate n te baki aomata aika a nanobaba aika a rukum baaia.

Itaia 10:4

Kam na kangaa ni biri nako man te tauaki ke n te tiringaki? E bon teimatoa naba n un te UEA, ao e tuai man kab'ara nanona mairoumi!

Itaia 14:30

A nang reke aia uteute i bukin kanaia aia tiibu aomata aika a maiu ni kainano aika a tangira buokaia ao a na maeka ma te rau. Ma N na kabakiia tabem'aang mai buakomi, ao a na tiringaki tabem'aang.

Itaia 3:1

E nang uoti nako b'aai ni kabane te UEA ae Moan te M'aaka aika b'aai aika kam tangiri mai Ierutarem ao Iuta ami kariki ma ami ran,

Itaia 49:26

E na karaoia aomata aika a iowawaa aikai b'a a na bon kana irikoia ao a na mooi boni man raraaia. Ao ane a na ataai aomata nako b'a bon ara Tia kamaiu te UEA; Atuan Iteraera ae Moan te M'aaka are e kamaiuia ana aomata.

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Itaia 51:19

Ko a tia n uruaki n te buaka ao te rongo; I a aki konaa n anganiko karauan nanom.

Itaia 8:21

A na minomino ni maraki ao a na rangi ni baki n te aro are a na karereantia aia uea ao antiia. Ao ngkana a kataia ni kakaaea buokaia mai karawa

Itaia 8:22

ao i aon te aba, e na reke nakoia te kiriwe ao te rotongitong, te kiriwe ae moan te kangaanga ao te rootongitong ae moan te korakora.

Ieremia 13:14

Ao N na kaaioroia i bon irouia kaanga taian tiaeki. N na bon aki nanoangaa ae e uarereke ma ae a kara, a na bane n tiringaki. Bon aei au taeka Ngai ae te UEA.

Ieremia 19:9

Ane e na bane te am'arake ngkana a tabe n iangoa uruan te oo ami kairiribai b'a a na tiringngkami. Ao e na rikirake bakimi n te aro are kam na bon kana irikoia raomi ni karokoa naba bon natimi.

B'aeb'aeti 4:10

E uota te b'ai ae moan te kakamaaku te kaangaanga are e riki; b'a a kaburoi oin natiia tiina b'a kanaia.

Mika 6:14

Ko na am'arake ma ko na aki kona ni ngae; n te koaua, ko na boni baki naba. Ko na uotii nako b'aai, ma ko na bon aki konaa ni kaawakin; baika ko na kaawakin N na bon urui n te buaka.

Tekaria 11:9

Ao i mwiina I taku, “I rawa n riki b'a ami tia kawakin tiibu. Ke a mate tiibu akana i aoni kawaia ni mate, ma akana i aoni kawaia ni kamateaki, ke a kamateaki. Ao i mwiin anne, ke a kaniia i bon irouia akana a maiu.”

Mareko 3:24

Ngkana e koro-utu te aba teuana, ao a buaka i bon i rouia, ao e na mauna arona n tautaeka.