Itaia 9:18 - Te B'aib'ara

¹⁸ E raababa nako te buakaka kaanga te buakonikai ae e urarake mani kabuoki taian buakoako ni kai aika a kateketeke ma ni kawaerakea te bubu.

Itaia 9:18 ပူးပေါင်းရင်းမြစ်များ

1.Uea 16:21

Ao i mwiin maten Timri, ao iai tabem'aang Iteraera ake a tangiria ni kauea Tibeni are natin Kinata te m'aane, ma iai naba tabem'aang ake a tangira Omri.

Taian Areru 37:20

Ma a na mate akana buakaka; ane a na mauna akana riba te UEA, n ai aroni maunan tamaroan ueeni kaai: ane a na mauna n ai aroni bubun te ai.

Taian Areru 68:2

Aron te bubu n ai n ukaki nako, ao ai bon aroia naba ni kakioaki nako. Aron te nenea n riki n neinei ni kabuebuen te ai are e mena i rarikina, ao ai bon aroia naba akana buakaka ni kabuanib'ai i matan te Atua.

Taian Areru 83:14

Aron te ai ni kabuoka te buakonikai ao ni kaurarakei aoni maunga,

Itaia 1:31

A na riki ami taani kairiiri b'a kaanga kaai aika a m'auteretere ae a kareaki aon te ai irouia aia bouannanti. A na bon akea ae e na konaa ni buobuoki, ngke a bane n urarake.

Itaia 1:7

E a wene n uruaki abami; a mannang ami kaawa. E a anaaki abami man uruakaki irouia ianena ao Iruwa ngke kam boni matakuakiniia.

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Itaia 27:4

E a toki uniu. Ma N na m'ananga ni buakanna ma ni kabuokia ni kamannangnga ngkana e kariki uaana aika a kateketeke.

Itaia 3:5

Ane kam na iowawa n tatabemaningkami nako nakoia raoraomi ao kaain rarikimi. Ane a na taetae ni kamatauningaiia aia ikawai aomata aika a uarereke; ao bon akea ae e na karineia aomata aika a bon riai n aki karineaki.

Itaia 30:30

E na rangi ni un te UEA. E na ongo te aba b'anaana ae e kakamaaku, ao e na nooraki baina ae e tauraoi n oro, ao e na riki unna b'a kaanga te ai ae e urub'ai, ae e irianaki ma rebwen taiani baa ao taiani karau atiibu.

Itaia 30:33

N taai ake ngkoa iai te tabo ae e katauraoia te UEA i bukin kabuokakin rab'atan te uea ae e a mate. E nano nnen te ai ao e warebwerebwe, e b'aenaata te ati n rietaata, ao e na kauraa te ai te UEA ni kaotinakoa ikeikena ae te ai.

Itaia 33:12

Ko na kauraaki ni karokoa ko mannang kaanga kaai aika a kateketeke i nanon te ai.

Itaia 33:14

A titiraki ma te maaku taani bure aika a buakaka ake a maeka i aon te Maunga are Tion, “Ti nang kangaa ni maeka i buakon te urarake ae akea tokina?”

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Itaia 50:11

Rimoa ao nakonako n ootan te ai are ko a tia ni katauraoia. Ma e na bon oreiko ma ni katuuaeko ni bon oin baina.

Ieremia 9:3

Ao E kaeka te UEA: Taeka ni kewe mai nanon wiia au aomata ti te bo ma taian kanoanikatebe ma te kainikatebe. Are a rikirake maiai aia m'akuri n aonikai ngaiia n tatabemaniia nako, n te aro are bon akea temanna mai buakoia e kakoaua ae te Atua Ngai.

Otea 13:3

Ai ngaia are, kam na bane ni mauna nako kaanga te maabubu ke te aoi n te moaningabong, ke kunin taian uita n te ang ke te bubu ma n te kainibubu.

Ioera 2:20

A buaka te taanga ni buaka mai meang, ma N na kakionakoia nakon te rereua are e kabuebue. Ao a na mka ma ni m'aung ni moa man Taari are Mate ni karokoa te Mereterenian.” E karaoi taian kakai te UEA

Ioera 2:3

A na katobibiaki n taian ai aika a ura: ao akea temanna ae e na biri nako. Ti te bo te aba ma Eten i m'aain kataenikaiana; ao ngkai ti te rereua n tiku.

Amota 7:4

E a manga roko naba i rou te mii mai iroun te UEA ae rietaata. Ao I nooria b'a E tabe ni katauraoi nakon kataereaia Ana aomata n te ai. E kauraa te nama ae korakora are i aan te aonnaba, are e a manga ura iai te aonnaba ni korakoran kabuebuena.

Ob'aria 1:18

Aia botannaomata Iakob'a ma Ioteb'a a na riki kaanga ai aron te ai; A na kamaunaia kanoan Etau n ai aron te nikira ni uita i aontano ngkana e buee. Bon akea nikiraia kanoan Etau aika ana tiku ni maiu. Bon Ana taeka te UEA!

Naum 1:10

Ngkami aika kam mamanging, kam na kabuokaki n ai aron uteute aika a kateketeke, aika a m'auteretere.

Naum 1:6

Antai ae e kona ni maiu ngkana E un? Antai ae e kona ni maiu i m'ain uran unna? E otinako unna n ai aron te ai. A maerikiriki b'aa, ma n riki ni bubu i matana.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Mataio 25:41

Ao ane E na kangai nakoia ake i angamaingina, “Naako mai Rou! Ngkami akana reke kaimi iroun te Atua. Nakon te ai are aki mamate are katauraoaki i bukin te riaboro ma ana anera!

Te Tua-Kaua 32:22

Au Aomata, N na ikeikena te ai are e na kab'akaingkami nako abaia maate. E na tiring arokan ami nne n aroka ma ni kabuoki rikaaki aan taiani maunga.

Ebera 6:8

Ma ngkana e kariki kaai aika kateketeke ma kaai aika akea bonganaia, ao e aki bongana; e a kaan rekeni kaina, ao n tokina e na kabuokaki.

Te Kaotioti 14:11

Ao e aetorake n aki totoki bubun te ai are a b'ainikirinaki ni kamarakaki iai; ao akea motirawaia ni ngaina ao ni bong te koraki ake a taromauria te man ma te bouananti are katotongana, ao te koraki ake a anganaki kanikinaean arana.”