Itaia 8:8 - Te B'aib'ara

⁸ A na kaona Iuta aia tautia kairiribai kaanga te ieka ae e iabuti n roota te roroa. Ma te Atua iroura. E na taakin baina ao e na kamanoa abara.

Itaia 8:8 ပူးပေါင်းရင်းမြစ်များ

2.Uea 17:3

E buakana Iteraera uean Aturia are Tiaremanetera; e taua taekan te aba, ao e tuanga Otea b'a e na kab'ab'akai taian roonrab'ata.

2.Rongorongo 12:4

E tauia kaain te kaawa are e buubura are e nonoaki i Iuta ao i mwiina e a manga m'ananga nako Ierutarem.

Itaia 10:6

n oreia ni kab'akaia ngkami aomata aika taan onimakiniia anti. I un iroumi, ao N na kanakoia b'a a na buakaningkami. E na anai b'aai aika e tangiri ao e na toubekaingkami kaanga taiani bokaboka ake i nanon kawain nukan te kaawa.

Itaia 30:28

E katinakoa ikeikena b'a te ieka are e iabuti rake nakon te roroa. E raumeaia botannaomata ao e kamaunaiia. Ao e kaaki taian bwe ni kairiiri i nanoni wiia ianena ni kabane ao e kairiia nakon te kabuanib'ai.

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Itaia 7:17

Ma e na karaoi riki taian kiriwe te UEA nakoia am aomata ao abanueam nakon aika a tia n ataaki man te tai are a raaure nako iai Iteraera man Iuta. E na manga kaoka uean Aturia b'a e na buakaniko.

Itaia 8:10

Ikotingkami ao karaoi ami babaaire nako, ane kam na konaaki b'a e mena iroura te Atua.

Ieremia 47:2

Bon te UEA Ngai ae I tuangkami b'a ae e na iekaki abami irouia te taanga ni buaka mai meaang. E na uruaki ami kaawa nako ao a na kamaunanakoingkami, ma te tang ao te taakarua.

Ieremia 48:40

Moaba, e kiba rikaaki te kairiribai kaanga te ikare ae e taakin baina i aon abami.

Ieremia 51:42

Ane a na teirake ana kairiribai B'aburon kaanga naon te marawa ao e na kaiekaa te kaawa.

Etekiera 17:3

b'a a aonga n ataa te b'ai ae I taekinna nakoia: N te tai teuana ao e a kiba i aon Reb'anon te ikare ae e korakora baina ni kiba ma n tamaroa buraena. E otea taberan te kai ae te tiira,

Etekiera 26:19

Boni Ngai ae te UEA ae te Atua ae N na onikingkami nakon aia kaawa anti. E na iekingkamii marawa

Taniera 11:10

A katauraoi nakon te buaka natiia uean Tuuria m'aane, ao a boota aia taanga ni buaka ae e korakora. Teuana mai buakona e na oro ni kaitiaki n ai aron te ieka ma ni buakana aia nono.

Mika 1:9

Akea te b'ainaoraki i bukin ikoakin Tamaria, ao e nangi manga riki naba ae ai aron aei nakoim Iuta. E a roko te urub'ai ae e korakora ni mataroan Ierutarem are atuun kaawan te tautaeka irouia au aomata.”

Mika 5:5

ao e na karekea te rau. Ngkana a na roko I-Aturia ni buakana ara kaawa ma n ninii nako ara nono, ao ti na kanakoia ana taani kairiiri aika a korakora b'a a na totokoia.

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”