Itaia 8:7 - Te B'aib'ara

⁷ Ngkai N nang kanakoa uean Aturia b'a e na kaaitaraia ma korakoran ana taanga ni buaka, are e na buakaniia kaanga korakoran te Karaanga are Iuberetiti aika a taonako i mataniwiina nako.

Itaia 8:7 ပူးပေါင်းရင်းမြစ်များ

Karikani B'aai 6:17

N nang karokoa te ieka n te aonnaba ni kamaunai b'aai aika maiu ni kabane. A na bane ni mate b'aai ni kabane aika i aon te aba.

2.Uea 19:32

I berita b'a e na aki rin i Ierutarem uean Aturia, ke ni katebea ana kainikatebe nako nanon te kaawa, ke ni katobibia ma ni katauraoia nakon buakanakina.

Etira 4:10

ao aomata mani botannaomata ake tekorakina, ake e a tia te aomata ae moan te kakannato man tanoata taekana are Aturabaniboro ni kairoroia b'a a na maeka i Taamaria, ao m'akoron te Burawinti Maeao ake tabeua.

Taian Areru 46:4

Iai te karaanga ae uota te kim'areirei nakon te kaawa are ana tabo ni maeka ae tabu te Atua are Moan te M'aaka.

Taian Areru 72:8

E na raababa nako ueana nakon tokin tiani marawa, ao man te karaanga are te Iuberetiti nakon tokin tabon aonnaba.

Itaia 10:16

E na kanakoa te aoraki ae moan te kamaamate te UEA ae Moan te M'aaka n oroia am taanga ni buaka ao ko na ura n te aoraki ae te kabuebue i aan niiniirana ni uea.

Itaia 10:5

E taku te UEA: I a rangi n un! Ao N na kamanenaa uean Aturia b'a kaanga te ambo

Itaia 11:15

E na kam'autereterea m'aangan Taari are Uraura te UEA are i rarikin Aikubita, ao e na kanakoa te ang ae e kabuebue b'a e na bwenaua te Karaanga are Iuberetiti nakon itiua m'aangana aika a konaa n nakonako i nuukana aomata.

Itaia 28:15

Tao kam taku b'a kam karaoa ami boraraoi ma te mate ao aia aonnaba maate? E aera ngkai kam onimakin ami kewe b'a kamaiuami man te kabuanib'ai ao te ieka ae e korakora?

Itaia 28:17

A na riki te eti ma te riai b'a taiani koranikaeti ake a na buokai ni kateana.” Ane e na urui ma ni uotinako katanami aika taiani kewe karau atiibu ao taian ieka.

Itaia 28:2

Bon ti te UEA ae e korakora ma ni m'aaka! E na oroia ni kab'akaia ni baina ae e korakora n angibuakan te karau te atiibu ke te ukeuke n anti ke te ieka ae e korakora.

Itaia 43:2

Ngkana ko ri nanon te iabuti, ao I memena iroum, ao ko na aki b'ab'a. Ngkana ko ri buakon te ai, ko na aki bue ke ni maraki ni kabuebuena.

Itaia 59:19

E na buaka kaanga te ieka i nanon te angibuaka ae e korakora. Ane a na karinea ma n neboa arana ae e kamimii botannaomata ake i maeao ao i mainiku.

Itaia 7:17

Ma e na karaoi riki taian kiriwe te UEA nakoia am aomata ao abanueam nakon aika a tia n ataaki man te tai are a raaure nako iai Iteraera man Iuta. E na manga kaoka uean Aturia b'a e na buakaniko.

Itaia 7:20

E na kabooa uean Aturia te UEA b'a e na uota te m'ariro ri aon te Karaanga are Euberetiti ao e na koromaraingkami ao n iman buraen rab'atami ni kabane, n reitaki ma te buai.

Ieremia 47:2

Bon te UEA Ngai ae I tuangkami b'a ae e na iekaki abami irouia te taanga ni buaka mai meaang. E na uruaki ami kaawa nako ao a na kamaunanakoingkami, ma te tang ao te taakarua.

Ieremia 51:42

Ane a na teirake ana kairiribai B'aburon kaanga naon te marawa ao e na kaiekaa te kaawa.

Etekiera 26:19

Boni Ngai ae te UEA ae te Atua ae N na onikingkami nakon aia kaawa anti. E na iekingkamii marawa

Taniera 11:10

A katauraoi nakon te buaka natiia uean Tuuria m'aane, ao a boota aia taanga ni buaka ae e korakora. Teuana mai buakona e na oro ni kaitiaki n ai aron te ieka ma ni buakana aia nono.

Taniera 11:22

Ngkana iai ane e kakaitaraa, e ngae ngkana ana ibonga te Atua ae e rietaata, e na boni karenakoaki naba ma ni kamaunaaki.

Taniera 9:26

Ao n tokin te tai ane onobwi ma uoua te ririki, e na tiringaki ana tia kairiiri te Atua n te aro ae e aki eti. E na kamaunaaki te Tembora ma kaawa iroun ana taanga ni buaka te tia tautaeka ae e korakora. E na roko te toki n ai aron te ieka, ma uotana are te buaka ma te urub'ai are e a tia ni katauraoia te Atua.

Amota 8:8

Ao e na m'aeiei aonnaba, ao a na bane aomatan Iteraera n taonaki n te rawawata. E na ruru aonteaba, e na iabutirake ma ni manga ora nako n ai aron te karaanga are te Naire.

Amota 9:5

E riinga aonnaba te UEA ae m'aaka, ao e ruru aonnaba. Ao a bane n tang ake a maiu. E a iabuti rake ma ni manga ora nako aonnaba, n ai aron te karaanga are te Naire.

Mika 1:9

Akea te b'ainaoraki i bukin ikoakin Tamaria, ao e nangi manga riki naba ae ai aron aei nakoim Iuta. E a roko te urub'ai ae e korakora ni mataroan Ierutarem are atuun kaawan te tautaeka irouia au aomata.”

Mika 5:4

Ngkana e roko, ao E na bon taua taekaia ana aomata ma te korakora are e anganna te UEA, ao ma ni kaotiota naba mimitongin te UEA n ti Ngaia. A na boni maeka ana aomata ma te rau, i bukina b'a e bon namakinaki kakannaton ana tautaeka ni kabutaa te aonnaba,

Mika 5:5

ao e na karekea te rau. Ngkana a na roko I-Aturia ni buakana ara kaawa ma n ninii nako ara nono, ao ti na kanakoia ana taani kairiiri aika a korakora b'a a na totokoia.

Naum 1:8

E kamaunaia ana kairiribai n ai aron rokon te ieka. E kamateia ake a kakaitaraa.

Ruka 6:48

Ai aron te aomata are katea ana auti. E kena aontano ni kananoa, ao e kawenea iai aan ana auti i aon te b'a; ngke e roko te raanga, ao e neakina te auti arei te raanga, ma e aki kona ni kam'aeia, i bukina b'a e a tia ni katea raoi ana auti te aomata arei.

Te Kaotioti 17:15

Ao e kaangai naba nako iu, “Raan ake ko noori, ike e tekateka iai te kabekaau arei, bon natanaomata, ma koraki n aomata aika bati, ma botannaomata, ma aomata nako aika a kakaokoro aia taetae.