Itaia 8:22 - Te B'aib'ara

²² ao i aon te aba, e na reke nakoia te kiriwe ao te rotongitong, te kiriwe ae moan te kangaanga ao te rootongitong ae moan te korakora.

Itaia 8:22 ပူးပေါင်းရင်းမြစ်များ

Iobi 18:18

E na kanakoaki man abaia aomata aika maiu, e na kanakoaki man te oota nakon te rotongitong.

Te Otinako 10:21

Ao E a manga taku te UEA nakon Moote, “Tabeka baim nako karawa, ao e na roko te rootongitong ae e na rabuna aban Aikubita ni kabutaa.”

Te Otinako 10:22

Ao e tabeka baina Moote nako karawa, ao e rabunaki Aikubita ni kabutaa i nanon tenua te bong.

Taeka n Rabakau 14:32

A uruanaki aroia aomata aika a buakaka n tain te kangaanga; ma e bon teimatoa naba n onimaki ane akea ana bure n tain te mate.

Itaia 30:6

Aio rongorongoia manin te Rereua are maiaki: “Ngkami aomata aika kam uouoti kaub'aimi i aon taian aati ma kamero. Kam m'ananga nakon te botannaomata ae e mamaara ri nanon te rereua ae e kaangaanga ae e onrake n taian raian ao taian raakon aika a tiritiri aika a kiikiba.

Itaia 5:30

N te bong are a na buaka iai, a na rurunga kaanga naoni marawa. Akea te b'ai ae ko na nooria i aon te aba b'a ti te rootongitong ao te kaangaanga, i bukina b'a e na rabunaki ootan te ngaina n taian nang aika a matenten.

Itaia 50:11

Rimoa ao nakonako n ootan te ai are ko a tia ni katauraoia. Ma e na bon oreiko ma ni katuuaeko ni bon oin baina.

Itaia 50:3

E onika karawa nakon te roroo kaanga te kunnikai ae e mangaingai are e kunnikaiaki n taian taunimate.”

Itaia 59:9

Bon akea ae e a tia n roko n tei i bukira ke ni uota te motiraoi nakoira. Ti kaantaningaa bongin te oota, ma e ti reke iroura te rootongitong, ao te tairiki ae e ianroo.

Itaia 60:2

A rabunaki aonnaba ma aomatana n te roo, ma e oota nako ootan te UEA i aomi.

Itaia 8:20

b'a tera ae e na karaoia.” Bon akea mai buakoia aika a konaa n taetae n aron anne ae e na maiu ma n noora ootan te bong!

Itaia 9:1

Ma koraki aika a tia n rawaawata a na aki manga maraki. A ribaaki ngkoa aban nako Teburun ao Nabetari i Kariraia. Ma e na rangi ni karineaki te aba aei ae abaia Tientaire nakon te Karaanga are Ioretan ri mataniwiin te Taari are Mereterenian.

Itaia 9:20

kaanga taiani man aika a aki manana aika a un man tiringiia aomata nako ake i rarikiia, n reitaki naba ma bon aia koraki. Ma a bon aki naba rauaki.

Ieremia 13:16

Ko kaantaningaa te oota, ma e na kanakoa te roo te UEA. E a kaman mena nuun te tairiki i aon taian tabuki. Ma ngaia are, kam na oki nakon te Atua ao kam na kaoti ami bure nakoina i m'aain ae a bae waemi ma ni b'aka.

Ieremia 23:12

Ngkai N na katuuaingkami n te kabuanib'ai, ao kam na marannako ao kam na b'aka i nanon te rootongitong. Bon aio au taeka Ngai ae te UEA.

Mataio 22:13

E taku te uea ngkanne nakoia tooro, Kabae baina ma waena ao tewea nako nanon te roo are i ao, are te tabo ike a na tang iai aomata n tenai riaia b'a kaotan ae a rotaki n te maraki ae korakora.

Mataio 24:29

I mwin naba te rawawata ni boong akanne, ao e na karooaki ootan taai, ao a na akea ootana; ao nam'akaina e na aki oota, ao ane a na b'aka itoi mai karawa, ao m'aaka ake a mena i karawa a na bitaki man aroaroia.

Mataio 8:12

ma te koraki ake a riai ni mena i nanon Uean te Atua, a na teweaki nako nako nanon te roo are i moone, ike a na tang ma n tenai riaia iai b'a kaotan ae a rotaki n te maraki ae korakora.”

Iuta 1:13

kanga naoni marawa aika kakamaaku ma aroia aika kamamaa aika noraki b'a kanga buroburon naao; kanga itoi aika tiotio nako, aika e kawakinaki i bukiia neia n aki toki n te roo ae rotongitong.

Te Kaotioti 16:10

Ao te anera are te kaniman e kab'aroa kanoan ana boora i aon ana kaintokanuea te man arei; ao e riki n roo aon taabo ake e uea iai, ao aomata a tenatenai neweia b'a a kainano ni maraki;