Itaia 8:21 - Te B'aib'ara

²¹ A na minomino ni maraki ao a na rangi ni baki n te aro are a na karereantia aia uea ao antiia. Ao ngkana a kataia ni kakaaea buokaia mai karawa

Itaia 8:21 ပူးပေါင်းရင်းမြစ်များ

2.Uea 6:33

I m'aain banen ana taeka Eritai, ao e roko te tia uarongorongo ao e taku, “Bon te UEA ae e karokoi b'aai aika a kamaamate aika a riki aika i aora aikai, ao bukin tera ngkai ti na kakantaningaia b'a ngaia ae E na buokiira?”

Iobi 1:11

Ma ngkana Ko anai b'aai ni kabane ngkai mai rouna-ane na taetae n aki akaaka nako Im bon i reben taningam!”

Iobi 18:12

Bon te kaub'ai ngkoa, ma e a maiu ni kainano ngkai; a teitei n tataninga taian kangaanga i rarikina.

Iobi 2:5

Ao iangoia b'a aongkoa ko kamaraka rab'atana, ane na taetae n aki akaaka nako Im bon i reben matam!”

Iobi 2:9

Ao e taku buuna, “Ae ko bon teimatoa naba ni kakaonimaki? E aera ngkai ko aki taetae n aki akaaka nakon te Atua, b'a ko bon aoria ni mate?”

Te Otinako 22:28

Kam na aki taekina ae e buakaka nakon Iu ke nakon ami tia kairiiri.

Taeka n Rabakau 19:3

Ti bon uruaki bon i bukin bangab'aira, e ngae ngke ti bukina te UEA.

Itaia 14:30

A nang reke aia uteute i bukin kanaia aia tiibu aomata aika a maiu ni kainano aika a tangira buokaia ao a na maeka ma te rau. Ma N na kabakiia tabem'aang mai buakomi, ao a na tiringaki tabem'aang.

Itaia 51:19

Ko a tia n uruaki n te buaka ao te rongo; I a aki konaa n anganiko karauan nanom.

Itaia 59:9

Bon akea ae e a tia n roko n tei i bukira ke ni uota te motiraoi nakoira. Ti kaantaningaa bongin te oota, ma e ti reke iroura te rootongitong, ao te tairiki ae e ianroo.

Itaia 65:13

Ma ngaia are, I tuangngkami koraki aika kam taromauriai ma n ongotaeka nako iu b'a a na m'aiti kanami ma nimami, ma kam na baki ao n taka. A na kukurei ngaiia, ma kam na rawaawata ngkami.

Itaia 9:20

kaanga taiani man aika a aki manana aika a un man tiringiia aomata nako ake i rarikiia, n reitaki naba ma bon aia koraki. Ma a bon aki naba rauaki.

Itaia 9:21

A manga bon raira buareia Eberaim ma Manate, ao i mwiina, a ikoti aia taanga ni buaka ni buakana Iuta. Ma e bon teimatoa naba n un te UEA ao e tauraoi nakon katuaaeaia te botannaomata n ae e rawaawata riki.

Ieremia 14:18

I noora rab'ataia aika a mate n te buaka i nanon taian tawaana. Ao I nooria aika a mate ni baki i nanon taiani kaawa, ma a bon waaki aia m'akuri taian burabeti ma ibonga, n aki ataa te b'ai ae e a tia n riki.”

Ieremia 52:6

N te karuaiwa ni bongin te kaaua n nam'akaina n te ririki naba anne, ngke e a roko ni korakorana te rongo ao akea kanaia aomata,

Nakoaia Ibonga 24:11

N te bong teuana ao e un natiia aei ma temanna te m'aane ae te I-Iteraera, ao e taetaebuaka aran te UEA. Ma ngaia are, e a katikitikaki nakoni Moote,

1.Tamuera 8:18

ao ane kam na tang nakon te UEA b'a E na kamaiungkami mairoun te uea are kam tangiria. Ma E na aki kaekai ami tataro te UEA.