Itaia 8:20 - Te B'aib'ara

²⁰ b'a tera ae e na karaoia.” Bon akea mai buakoia aika a konaa n taetae n aron anne ae e na maiu ma n noora ootan te bong!

Itaia 8:20 ပူးပေါင်းရင်းမြစ်များ

Etira 10:3

ngkana a manga ongotaeka n iri nanon taian taeka ao aia iango tekorakina aika a karinea ana tua te Atua ma te koaua. Ti na riai ni berita nakon te Atua b'a ti na raure ma aine aika Ianena ma ni kanakoia, ni ikotaki ma aia ataei.

Taian Areru 119:130

E karekea ootan nanoia akana bangab'ai am Taeka, Ao e kawanawanaia naba.

Taian Areru 78:5

E anga taian tua nakon te botannaomata are Iteraera ake kanoan Iakob'a. E anga ana taeka nakoia ara bakatibu b'a a na reireiniia natiia taekan ana tua,

Taeka n Rabakau 4:18

Katein maiuia aomata aika a raoiroi kaanga ai aron ootan taai n te kaarangaina are e tabe n rikirake ootana ni karokoa e a boni ngaina raoi.

Itaia 1:10

Bon ti te bo ngkami ma taani kairiiri irouia kaain Tootom ma Komora! Ma ngaia are, kam na ongora iroun te Atua:

Itaia 8:16

A na riai ni kanikinaeaki au rongorongo man anganaki au reirei.

Itaia 8:22

ao i aon te aba, e na reke nakoia te kiriwe ao te rotongitong, te kiriwe ae moan te kangaanga ao te rootongitong ae moan te korakora.

Ieremia 6:16

E taku te UEA: Au aomata, ngkana kam tei n taian tutani kawai, I tuangkami ni kaangai, “Ira te kawai are a m'ananga naba iai ami bakatibu, ao e na reke iroumi te rau.” Ma kam rawa.

Ieremia 8:9

A a tia ni katinanikui baika I taekin ami taani wanawana, ai ngaia are, akea wanawanaia. A riai ni kam'aneaki ngkai ma ni kamaamaaeaki; a aki ataa te b'ai ae a riai ni karaoia.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Mika 3:6

“Ngkami aika burabeti e a roko tokin ami bong ni burabeti, e a bung taai i aomi. Kam a tia n aki kairiia raoi au Aomata. Kam na aki kona ni manga noori mii ni burabeti, ao kam na aki manga taetae ni burabeti.”

Maraki 4:2

Ma ngkami aika kam karinea arau, e na oota i aomi te tokanikai kaanga taai ma buraenimata aika a uota te maiu, ao kam na kibakiba rake kaanga taian kao ataei aika a takaakaro.

Mataio 22:29

Ao E kaekaia Iesu ni kangai: Kam kairua! I bukina b'a kam aki ata kanoan te B'aib'ara, ke m'aakan te Atua.

Mataio 6:23

ma ngkana e buakaka matam, ao e na buta rab'atam ni kabanea n te roo. Ao ngkana bon te roo naba te oota i nanom, ao ai bati ra te roo!

Mareko 10:3

E kaekaia Iesu ao E taku, “Tera te tua are e anganingkami Moote?”

Ruka 10:26

E taku Iesu nako ina, “Tera are koreaki n te Tua? E kangaa am wareware iai?”

Ioane 5:39

Kam ukeuke n te B'aib'ara b'a kam taku b'a e na reke mai iai iroumi te maiu are aki toki; ao boni ngaia are kaotioti i buku;

M'akuri 17:11

A raraoi riki nanoia I-Iutaia i Beroia nakoia ake i Tetaronike, b'a a kani kaaki i nanoia ana taeka te Atua, ao a katoa te bong ae koraki n ukeuke n te B'aib'ara, b'a a kani kakoauai baike a taekinaki.

I-Rom 1:22

A taku b'a a rabakau, ma a nanobaba;

2.Betero 1:19

Ma ngaia ae ti aki nanokokoraki riki n te rongorongo are a taekinna burabeti. E raoiroi iroumi b'a kam na ongo iai, i bukina b'a ai aron te taura ae ura n te tabo ae roo ni karokoa ae e nang oti taai ao e oota te itoi ni ngaina i nanomi.

2.Betero 1:9

Ma ane akea i rouna baikai, ao e reme ana taratara n te aro are e aki kona n nora ae raroa, ao e m'aninga are e a tia ni kaitiakaki man ana bure ake nikawai.