Itaia 8:19 - Te B'aib'ara

¹⁹ Ane a na kaangai tabeman nakoimi, “Naako kawariia taani kaiwa ake a wiwiirikiriki ke n titirakini tamneia maate. Ma e ngae n anne, ao e riai te botannaomata ni konaa n titirakina oin antina nako

Itaia 8:19 ပူးပေါင်းရင်းမြစ်များ

Karikani B'aai 41:24

ao taian uita ake a irariki a manga kab'auti uita ake a kaakanoa raoi. I a tia n tuangiia taan tabunea, ma bon akea mai buakoia ae kona ni kab'ara nanona nako iu.”

2.Uea 1:3

Ao ni bon te tai naba arei, ao e kanakoaki Eria are te burabeti are kaain Titibe b'a e na taetae nakoia ana tia uarongorongo te uea ni kaangai, E a tia Aatia ni kaakeaa are bon oin Atuana ngkai e kanakoko b'a ko na titirakina Baretebub'a i bukin ikoakina.

2.Uea 21:6

ao e boni katea naba te boua ae Nei Aatera ikekei. E kakaraoa te m'akuri n tabunea, ma ni kan riki b'a te tia tabunea;

2.Uea 23:24

E bane ni kamaunaiia aomata ma b'aai aika a rangi n ribaaki Iotia mai aon Iuta ma Iteraera, n ikotaki naba ma taan tabunea, taani kaiwa ao taian bouananti. E kabanea ana konaa ni karaoi b'aai ni kabane ake a koreaki i nanon te boki are e kunea Irekia i nanon ana Tembora te UEA.

1.Rongorongo 10:13

E mate Tauro i bukina ngke e aki kakaonimaki ao n ongotaeka iroun te UEA. E bon naanako ni kawara te aine are m'am'akuri ma tamneia aomata aika a mate ni kakaea buokana i rouna,

2.Rongorongo 33:6

ao e katea naba te atiibu are taamnein antiia ianena. E kaakaraoa naba taiani m'akuri n tabunea ao ni b'ainikawai,

Taian Areru 106:28

A ira taromauriani B'aara i Beore ao a kang karea ake a katauaki i bukiia atua ake akea te maiu i nanoia.

Itaia 19:3

“E na anaaki ninikorian Aikubita ngkana I kamangaoi aia babaaire nako. Ane a na kataia n titirakiniia aia bouannanti b'a tera ae a riai ni karaoia, ao mairouia tamneia ake a tia ni mate, ao mairouia naba taani kaiwa.

Itaia 26:14

A mate ngkai kairiribai aikai ao a aki konaa ni manga maiu. Ko a tia ni katuaaia a mauna nako, e a bon m'aninga te aba taekaia.

Itaia 29:4

Ane ko na weewete buokam, mai inano i kabin aonnaba n te b'anaa ae moan te mamaara.

Itaia 30:2

Kam onimakina Aikubita i bukin kamanoami. Ma ngaia are, kam rawa nakon au babaaire. ao kam kanakoia ami taan uarongorongo nako Aikubita ni buubutiia aia uea buokami.

Itaia 45:11

Bon te UEA Ngai, te Tia Karikib'ai, Atuan Iteraera ae E tabu. Ko na kataia n titirakinai i bukin au botannaomata ke i bukin te b'ai ae I a tia ni karaoia?

Itaia 47:12

Teimatoa ni kamanenai am tabunea ma am b'ainikawai. n aron are ko a tia ni kakaraoia. Tao e na mena ngkoa, tao ko a tia ni kakamaaka temanna!

Itaia 47:13

Ko a tia ni kakuako, n titiraki taeka ni buobuoki mairouia ake a kamateb'ai taian itoi n taekin iai kanoan bong aika a na roko te nam'akaina teuana i mwiin teuana. Naako titirakiniia arom ni kamaiuaki man b'aai aika a nang riki.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Ieremia 27:9

A na bon iai aomata i nanon abanueam aika a taku b'a a konaa n taekin kanoan boong aika a na roko ke n taetae ma maate ke taiani mii ke rongorongo mairouia anti. Ma kam na aki katabei nanomi irouia ngkana iai mairouia ae e tuangkami b'a kam na aki ongotaeka i roun Nebukaneta.

Nakoaia Ibonga 19:31

Tai karikingkami ni kam'araa nako Iu ni kawarakiia aomata aika taku b'a a kona n taetae ma te mate.

Nakoaia Ibonga 20:6

N na bon riki b'a ami kairiribai ngkana kam nakon ane e taku b'a e tataetae ma maate, ao N na kamaunaingkami mai buakoia au aomata.

Mika 5:12

N na urui m'aakan am tabunea ake ko tabuneaiko iai, ao N na katikuko b'a te tabo ae akea te tia kaiwa iai.

M'akuri 16:16

Ngke ti nako n te ne n tataro, ao ti kaitibo ma te ateiaine ae kaboaki b'a te toro. E taniaki iroun tamneini Buton, ao e karekei ni kabatiai aia b'ai ana toka man arona n taekini baika na riki nakoni boong aika na roko.

Te Tua-Kaua 18:10

Kam na aki kareani natimi m'aane ke natimi aine. Ao kam na aki naba kataia ni karaoi taian m'akuri n tabunea, ke m'akuri ni ibonga irouia anti n tataekin kanoan boong aika tuai roko ke ni kamaraiaia aomata, ke n taetae ma tamneia aika mate.

1.I-Tetaronike 1:9

A bane aomata n taekina aron rinra i buakomi, ma aromi ngke kam rairaki mani bouannanti nakon te Atua, n toro iroun te Atua ae maiu ae koaua,

2.Betero 2:1

Ma bon iai burabeti ni kewe i buakoia aomata ngkekei, ao ai bon arona naba b'a a na iai i buakomi taan reirei ni kewe, aika a na kaoti n te aro ni karaba ao ana uoti taiani koaua aika kairua aika na urua te onimaki, ao a na kakeaa te Toka are kainaomataia; ao n te aro aei a na karoko mateia iai ni waekoa.

1.Tamuera 28:11

Ao e titiraki te aine arei nakoina, “Ao antai ae N na weteia nakoim?” Ao e kaeka ni kaangai, “Tamuera.”

1.Tamuera 28:16

Ao e taku Tamuera, “Ko kangaa n weteai ngkana E a tia ni kiitaniko te UEA b'a e a manga riki b'a am kairiribai?

1.Tamuera 28:7

E kawaekoaia ana aobitia Tauro, ao e taku, “Kam na kakaea nako iu te aine are te tia tabunea, b'a N na nako n ongora i rouna.” Ao a kaeka ni kaangai, “Iai temanna i Entora.”

1.Tamuera 28:8

Ma ngaia are, e bita taraana Tauro; e karin kunnikai tabeua, ao e a nako ngke e a bon roo ma uoman rorobuaka ni kawara te aine arei. Ao e taku nakon te aine arei, “Ko na taetae ma taian tamnei ao tuangai b'a tera ae e nang riki ngkai. Wetea taamnein te rorobuaka ae N na anganiko arana.”