Itaia 8:15 - Te B'aib'ara

¹⁵ Bon te b'ai ni kam'ane Ngai are e na raweia kaain Ierutarem—-a na konaaki ma ni katikitikaki nako.

Itaia 8:15 ပူးပေါင်းရင်းမြစ်များ

Itaia 28:13

Ao ngkai e nang riki ana rongorongo nakoim b'a taiani b'anaa aika akea nanoia aika a na okioki. Ao i mwiina, ko na b'aka nako bukim, ma ni ikoaki ao ni m'ane.

Itaia 28:16

Ma ngaia are, E taku te UEA, “I kawenea te aana ae matoatoa i bukin te kaawa are Tion. E kakoauaaki b'a e onimakinaki raoi atiibun te koona ae e kakaawaki; akea temanna ae e onimakinna e na manga b'ara nanona.

Itaia 59:10

Ti kaenakoi baira ni kakaaea kawaira, kaanga aroia aomata aika a matakii; a toki waera ngke e tawanou, kaanga ai aron ae e a bong. Bon ti te arona ara taratara ma te aomata ae e a mate.

Itaia 7:22

ma koraki akana a raka, e na konaa n reke aia miriki i bukin karaoan te miriki bua ao ana karewe te manibeeru.

Ieremia 6:21

Ma ngaia are, N na kaaki te b'ai ni katoki wae i m'aain kawaimi, ao a na bane ni mate, ni karokoa naba tamami ma natimi, kaain rarikimi ao raoraomi nako.

Mataio 11:6

Ao e a kab'aia ane aki tarai baika I karaoi b'a te kanganga nakon ana onimaki.”

Mataio 15:14

Katikuia i bon i rouia! taani kairiri aika mataki. Ao ngkana te aomata ae mataki e kaira ae mataki naba, ao a na uaia ni b'aka i nanon te ruarua.”

Mataio 21:44

Ao ane b'akara te atibu aei, ao e na m'aototo iai; ma ngkana e b'akara temanna, ao ane na kamanatua ni kamantintia.

Ioane 6:66

I bukin aei, ao a kitana Iesu ana reirei aika m'aiti n aki manga kan airiiri ma Ngaia.

I-Rom 9:32

B'a e aera? I bukina b'a a aki kataia ni karekea ni kawain te onimaki, ma a kataia ni karaoia ri nanon te tua. A reke waeia n te “atibu ni katatata” ao a tata nako iai;

1.I-Korinto 1:23

Ao ngaira ti tataekina Kristo are kamateaki n te kaibangaki, ae te b'ai ni kab'akab'aka nakoia I-Iutaia, ao te nanobaba nakoia aika tiaki I-Iutaia;