Itaia 8:13 - Te B'aib'ara

¹³ Bon ti Ngai ae ko riai ni maakua mani karinea. Bon te Atua ae e tabu Ngai, te Atua ae Moan te M'aaka!

Itaia 8:13 ပူးပေါင်းရင်းမြစ်များ

Karikani B'aai 31:53

E na motikitaeka i marenara Atuan Aberaam, ao Atuan Naora.” Ao i mwiina, e a kamatoa ana boraraoi Iakob'a ni berita n aran te Atua are e tataromauria tamana are Itaaka.

Taian Areru 76:7

Ma Ngkoe, te Atua, Ko makaki irouia aomata ni kabaneia. Akea temanna ae kona n tei i matam ngkana Ko un.

Te Otinako 20:20

Ao e taku Moote, “Kam na aki maaku, E bon ti roko te Atua ni kan kataingkami ma ni karaoingkami b'a kam na teimatoa n ongotaeka i Rouna, b'a kam aonga n aki bure.”

Itaia 29:23

Ane a na neboai ma ni karineai, ngkana a noora korakoran aia botannaomata n aron ae I a tia ni karaoia, Ngai ae Atuaia Iteraera ae E tabu.

Itaia 5:16

Ma e neboaki te UEA ae Moan te M'aaka, i bukina ngke e a tia ni kaotia b'a antai ngaia ngke e uota te eti.

Etekiera 38:16

Ko na buakana Au aomata kaanga nangin te buaka ae rabuna aon te aba. N na kariaia b'a ko na taua abau are Iteraera, b'a a aonga botannaomata nako n te aonnaba n ataia b'a bon te UEA Ngai ae I tabu.

Nakoaia Ibonga 10:3

Ao e taku Moote nakon Aaron, “Aio te b'ai are e nanonna te UEA ngke E kaangai, “A na bane ni karinea tabuu akana a m'akuri i Rou; N na kaota mimitongiu nako ia au aomata; ma e aki kakarongoa Aaron.

Nakoaia Ibonga 22:32

Kam na tai karika taetaebuakaan Arau ae e tabu; a riai Iteraera ni kabane n ataia ae I tabu. Boni Ngai te UEA, ao I tabuingkami;

Maraki 2:5

N na kakab'aia n te maiu ae kororaoi, n aron are I a tia ni berita iai, ao ngaia e na kaawakina tib'angana n te boraraoi are e na neboai ma ni karinea arau.

Warekaia Iteraera 27:14

i bukina b'a kam uaia n aki ongotaeka i Rou i Merib'a i rarikin te kaawa are Kateti n te Rereua are Tin. Kam aki onimakina M'aakau ae Tabu ngke a karaoa te b'ai ae aki raoiroi nako Iu aomata ikekei.”

Mataio 10:28

Kam na aki makuia akana kamatea te rab'ata b'a a aki kona ni kamatea te aomata ni koaua ane i nanon te rab'ata; ma kam na maka Teuare kona ni kamatea i Keenna te rab'ata ma te aomata ni koaua ane i nanon te rab'ata.

Ruka 12:5

Ma N na tuangngkami ae kam na makua: kam na maaka Teuare kona n tetewe nako Keenna, ngkana E a tia n kamaamate; eng, I tuangngkami b'a kam na makua.

I-Rom 4:20

Akea te aro ae e na rawa iai Aberaam ni kakoaua te taeka n akoi; ma e riki ni korakora n ana onimaki, ao e neboa te Atua,

Te Tua-Kaua 14:23

Ao kam na kaokoroi naba katebwina ni m'akoron ami wain ao b'aan te oriwa, ao karimoaia ami kao ni kabane, ma ami tiibu, ao ami kooti. Kam na uoti baikai nakon te tabo are E a tia n rineia te UEA b'a te tabo n taromauri, ao kam na kang ikekei. Kam na karaoa aei b'a kam aonga n rabakau aromi ni karinea te UEA ae Atuami.

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”

1.Tamuera 11:7

Ao e tiringiia uoman ana kaom'aane, ni korobitiia, ao e anga m'akorokoroia nakoia taani uarongorongo. Ao e tuangiia b'a a na kaoti taian m'akoro akekei Iteraera ni kabane ao e kaangai, “A boota te taanga ni buaka Tauro ma Tamuera. Banemai raoniia. Ngkana kam aki, ao anne te b'ai ae na riki nakoia ami kaom'aane!” Ao E karikiia Iteraera b'a a na ruru ni maaku. Ma ngaia are, a bane ni bootaki m'anen Iteraera