Itaia 8:10 - Te B'aib'ara

¹⁰ Ikotingkami ao karaoi ami babaaire nako, ane kam na konaaki b'a e mena iroura te Atua.

Itaia 8:10 ပူးပေါင်းရင်းမြစ်များ

Karikani B'aai 21:22

Ao n te tai aei ao e m'ananga Abimereka ma Bikora are ana mataniwi n ana taanga ni buaka, ao e nakon Aberaam n tuangnga ni kaangai, “E raoningkami te Atua ni b'aai ni kabane akana kam karaoi.

2.Tamuera 15:31

Ao e tuanga Tawita temanna ni kaangai, “E buoka Abetarom Aitobera ni baairea aron tiringakim!” E taku Tawita, “Taiaoka te UEA tai kam'akura ana babaire Aitobera!”

2.Tamuera 17:23

Ao ngke e nooria Aitobera b'a a aki ira ana iango Abetarom ma taani kairiiri i aon Iteraera, ao e tokara ana aati ao e okirikaaki nakon mwengana i Kiro. E tuangiia ana utu ma ana taani m'akuri te b'ai ae e nang karaoia. Ao i mwiina, e kabaea roroana i bon i rouna, ao a tauna rab'atana n te ruanimate are ana b'ai ana utu.

2.Tamuera 17:4

Ao e kukurei Abetarom ma taani kairiiri ni kabane man barongan nako Iteraera n ana iango Aitobera ma ana kawai.

2.Uea 6:12

Ao e taku temanna mai buakoia, “Te uea ae ko karineaki. Bon akea mai buakora. Ma bon te Iteraera ae arana Eritai. Bon te burabeti ngaia, ma ngaia are, e konaa n tuanga ana uea b'aai ni kabane, e ngae naba ngkana taian rongorongo aika ko taekin i nanon ae bon oin am ru.”

2.Rongorongo 13:12

Ao bon anne bukina ngkai E mena te Atua n ara itera ao e na kairiira nakon te buaka ngkana a katanga te kanikina ibonga n taiani buu. Kam kabane buakaa ami tai Iteraera, kam bon riai ni kab'araa nanomi. Bon akea manenan ae kam karaoia Iteraera, kam riai ni kab'ara nanomi. Bon akea ami anga ae kam na konaa iai te UEA ae te Atua are a taataromauriia ami bakatibu.

Iobi 5:12

E aki kakoroi bukin aia babaire aomata aika taan minotiia aomata,

Taian Areru 21:12

E na katebe nako kanoan ana kainikatebe ni kainetia, ao ane a na rairaki ni biri nako.

Taian Areru 46:1

Boni nera ni katantan ao korakorara te Atua. E kaan n taai nako ni buokira n tain te kangaanga.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 46:7

Bon raora te UEA ae Moan te M'aaka; Bon otangara Atuan Iakob'a.

Taian Areru 46:8

Nako mai noori ana m'akuri te UEA, Nori baika kamimii aika E karaoi i aon te aba.

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Itaia 14:27

E a tia te UEA ae Moan te M'aaka ni baairei baikai. Akea ae e konaa ni katokai ngkai!

Itaia 28:18

Ane e na uruaki ami boraraoi ma te mate ao aia aonnaba maate. Ao i mwiina, ane e na rabuningkami naao aika a ngare ma ni b'aro.

Itaia 41:10

Ko na aki maaku. Bon raou ngkoe. Ko na aki ruru ni maaku. Bon Atuam Ngai. N na kakorakorako, ngkana I kamanoko ni baiu ma n anganiko taian tokanikai.

Itaia 43:5

Ko na aki maaku b'a I raoniko. N na ikotingkami mai mainiku ao maeao.

Itaia 7:14

Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Itaia 8:8

A na kaona Iuta aia tautia kairiribai kaanga te ieka ae e iabuti n roota te roroa. Ma te Atua iroura. E na taakin baina ao e na kamanoa abara.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 42:11

Kam na aki maaka Uean B'aburon. N na kamanoingkami mai rouna,

Ieremia 46:28

Ma ngaia are, kam na aki maaku, e ngae ngke kam riai ni katuaaeaki ngkai ao kam a tia ni kauamaenakoaki i buakoia botannaomata ake tabeua. Ma ngkana I uruaniia, N na kaawakiningkami. Bon aei Au taeka Ngai ae te UEA.

B'aeb'aeti 3:37

Bon akea ae kona ni karaoa are e taku ngkana tiaki nanon te Atua.

Ioera 3:9

Ko na kaangai nakoia botannaomata nako: “Katauraoi nakon te buaka! karin angimi nakon te buaka. Katea ami raian nakon te buaka ao katauraoi nakon te buaka.

Akai 1:13

Ao e tuangiia Akai b'a E a tia ni berita te UEA b'a E na meemena irouia.

Warekaia Iteraera 14:9

Ma ngaia are, kam na aki rarawa nakon te UEA. Bon akea bukina b'a ti na maakuia aomata ake a maeka ikekei. E tei te UEA i bukira, ao a na bon aki kona ni kataenikaira!

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

I-Rom 8:13

B'a ngkana kam ira nanona ni maiumi, ao ane kam na mate; ma ngkana kam katoki aromi aika buakaka n ana buobuoki te Tamnei, ao kam na maiu.

I-Rom 8:31

Ao tera ngkanne ae ti na taekinna i bukini baikai? Ngkana raora te Atua, ao antai ae kona n ekira nako?

Te Tua-Kaua 20:1

Ngkana kam nang nakon te buaka, ao kam nooria b'a e korakora riki aia taanga ni buaka ami kairiribai nakoimi, ao a m'aiti riki naba aia aoti, ma aia kaa ni buaka, ma kam na aki maaku. E a tia te UEA ae Atuami ni kamaiungkami mai Aikubita, ao E na boni buokingkami ni buaka.

Iotua 1:5

Bon akea ae na kona n eekikonako ni karokoa matem. N na mena i roum n ai arou ngke I mena naba iroun Moote. N na memena i roum n taai nako. N na bon aki kiitaniko.

1.Ioane 4:4

Ataei aika uarereke, boni mairoun te Atua ngkami, ao kam a tia ni katae aia kai burabeti ni kewe: b'a E m'aaka riki Teuare mena i nanomi nakon teuare mena i nanoia kaain aon te aba.