Itaia 8:1 - Te B'aib'ara

¹ E taku te UEA, “Itaia, karekea te b'ai ae ko na koroboki i aona. Ao koroboki ni kabuuburai manin te ara ae, MAE-TARA-ATI-BATI.

Itaia 8:1 ပူးပေါင်းရင်းမြစ်များ

Itaia 30:8

E tuangai te UEA b'a N na korea te rongorongo i bukiia ana Aomata aei, b'a e aonga ni meemena ikekei n aki tootoki.

Itaia 8:16

A na riai ni kanikinaeaki au rongorongo man anganaki au reirei.

Itaia 8:3

I mwiin tabeua te tai, ao e a reke natira te m'aane mai roun buu, ao e taku te UEA, “Aranna b'a Mae-Tara-Ati-Bati.

Ieremia 30:2

nako iu: “Ko na koroi ni kabane i aon te boki b'aai ni kabane aika I tuangko,

Ieremia 36:2

I a kaman taetae nakoim i bukin Iteraera, ma Iuta, ao botannaomata ake tabeua man ana tai Iotia ni uea. Ngkai ko na anaa te niira ni boki ao koroi i aona b'aai ni kabane aika I tuangko,

Ieremia 36:28

b'a N na manga anaa te niira ni boki teuana ma ni koroi i nanona b'aai ni kabane ake a tia ni koreaki n are te moan niira ni boki.

Ieremia 36:32

Ao i mwiin banen ana taetae te UEA nako iu, ao I a manga anaa te niira ni boki teuana ao I angan B'aruka. Ao I a tuangnga b'aai ake e na koroi i aona, ma ngaia are, kanoan te kauoua n niira ni boki aei bon ti te bo raoi ma are e kabuokia Ieoiakim.

Te Kaotioti 13:18

Ana b'ai ae rabakau te baei! Ane atatai ao ke e iangoia b'a tera nanon te ware are te ware i bukin te man, ngkai te ware arei e tei i bukin aran te aomata; ao te ware arei bon Onobubua ao Onobwi ma Onoua.

Te Kaotioti 21:17

E anaa naba bairen nonona, b'a tebubua ma abwi ma aua te m'anokunibai, n te b'ai ni baire are kakabonganaki irouia aomata.