Itaia 7:2 - Te B'aib'ara

² Ngke e roko te rongorongo n ana bareti te uea ae a bootaki ana taanga ni buaka Turia ma Iteraera, ao e a rangi ni maaku te Uea are Aati ma aomata ni kabane i Iuta ao a ruru kaanga taian aroka n tain te angibuaka.

Itaia 7:2 ပူးပေါင်းရင်းမြစ်များ

2.Tamuera 7:16

N na kakoauaa raoi b'a e na uea n taai nako temanna mai buakoia am kariki.

1.Uea 11:32

Ma e na bon tiku teuana te baronga b'a e na tautaekanna Toromon i bukina ngke bon natin Tawita are au tia m'akuri, ao i bukina naba ngke Ierutarem are te kaawa ae e rineaki.

1.Uea 13:2

E kanakoai te UEA ma taekan te baonikarea aei. E na bungiaki te tei ae arana Iotia man ana utu Tawita. E na kareana te ibonga are e kakaraoa ana angakarea ikai, ao a na kabuokaki riia aomata i aona.

2.Rongorongo 25:10

Ao e tuangiia taani taanga ni buaka Amatia b'a a na okiri mwengaia, ma ngke a oki ao a rangi ni un irouia kaain Iuta.

2.Rongorongo 28:12

Ni bon te tai naba arei, ao a roko ana taani kairiiri Iteraera aika aman. Naakai bon Ataria are natin Ioanan te m'aane, Berekia are natin Metiremota te m'aane, Ieitikia natin Tiarum te m'aane, ao Amata are natin Aterai te m'aane. E boraoi aia iango ma Oteta n ae e kaairua ana taanga ni buaka Iteraera n are a karaoia,

Taian Areru 11:1

I onimakina te UEA i bukini kamanoau; kam rangi ni baba ngkae kam kaangai nako iu, “Kiba nako n ai aron te mannikiba nako aoni maunga,

Taeka n Rabakau 28:1

A biri nako aomata aika a buakaka ngkana bon akea ae e kakioia, ma a ninikoria kaanga te raian aomata akana a eti maiuia.

Itaia 11:13

E na aki manga bakantang Iteraera iroun Iuta, ao e na aki manga riki Iuta b'a a na kairiribai Iteraera.

Itaia 22:22

E na anga te UEA te onimakinaki te king are ana b'ai ana utu te Uea are Tawita. E na bon akea ae e na manga konaa ni kauka te b'ai ae e a tia n rokanna, ao bon akea naba ae e na konaa ni manga kaina te b'ai ae e a tia ni kaukia.

Itaia 37:27

A riki ni mamaara aia aomata, ma ni mangaongao. Kaanga ai aron taian uteute aika a riki n aki akaaka ke taian uteute aika a tib'a bwebwe i aon taubukin te auti ke kaanga ai aron te tawaana ni uita i m'aain ae a tai.

Itaia 37:35

N na bon kaawakinna i bukin karineau ao i bukin naba te berita are I a tia ni karaoia nakon au tia m'akuri are Tawita.

Itaia 6:13

E ngae ngkana ti teuana te katebwina aomata n tiku, N na bon tiringiia naba. A na riki b'a kaanga boton kaai aika a tia ni koreaki ni kab'akaaki, A na tiku tabeman au aomata aika a rineaki.

Itaia 7:13

Ao i mwiina, I taku: Ongora, ngkami ni kabane aika ana utu ni uea Tawita. Kam a tia ni kataa au taotaonaki n nano. Ngkai kam a tia ni kataa ana taotaonaki n nano te Atua ngkai kam rawa n buubutii te b'ai ni kakoaua.

Itaia 7:17

Ma e na karaoi riki taian kiriwe te UEA nakoia am aomata ao abanueam nakon aika a tia n ataaki man te tai are a raaure nako iai Iteraera man Iuta. E na manga kaoka uean Aturia b'a e na buakaniko.

Itaia 7:5

E aki riai Aati ni maaka aia waaki ae e buakaka

Itaia 8:12

Ko na tai boboota te iango ni kamangao ti i bukina ngke a karaoia, ao tai maaka te b'ai teuana, ti i bukina ngke a maaku.

Itaia 9:9

ao a bon bane n ataia, n reitaki ma aomata ni kabane n te kaawa n tautaeka are Tamaria. Ma a kainikatonga ao a taningabono ao a taku,

Ieremia 21:12

Kam riai ni kakoaua raoi b'a kam karaoa te motikitaeka ae eti ni katoa te bong ae e boou, ma ni kamaiuia akana a tia ni kimoaaki. b'a i mwiina ao e na rikirake uran unu kaanga te ai ae e aki konaa n tiringaki.

Otea 12:1

E kabongnga Iteraera ni kakiokioa te ang man te rereua; keewe ao aaro n tiritiri a nooraki n taabo nako. A karaoaki taiani boraraoi ma Aturia; a anaaki b'aan te oriwa nako Aikubita.

Mataio 2:3

Ngke e ongo aei Erote are te uea, ao e kiriwe nanona ma angiia kaain Ierutarem.