Itaia 7:18 - Te B'aib'ara

¹⁸ E na katang te UEA ngkana e roko te tai, ao a na roko taanga ni buaka mai Aikubita kaanga taian nango ao mai Aturia kaanga taiani manibeeru.

Itaia 7:18 ပူးပေါင်းရင်းမြစ်များ

Taian Areru 105:31

E taetae, ao a roko naba naango ma kinnongo ni kabutaa aon abaia.

Taian Areru 118:12

A otab'aniniai n ai aroia manibeeru, ma a waekoa n toki eeia ni bane; ngkai E buokai te UEA n ekianako nako ni m'akana.

Te Otinako 8:21

Ngkana ko aki, ao E na manga karokoi taian nango aika m'aiti b'a a na uuniko, ma am mataniwi, ao kaain abam ni kabane. A na bane n on taian auti, ao e na on aontano iai.

Te Otinako 8:24

Ao E kakoroa raoi nanon ana berita te UEA, b'a E kaona te bareti ao mwengaia ana mataniwi te uea n taian nango aika m'aiti, ao e bane n rootaki aon te aba arei ni kabane.

Itaia 13:5

E waaki n nakomai te UEA ma te tiritiri ao te un ae moan te korakora man te aba ae e raroa e uota ana b'ainibuaka b'a e na kamaunaa te aonnaba.

Itaia 31:1

Ko a reke n te kaangaanga ngkana ko nakon Aikubita i bukin buokam, ke ngkana ko mwiokoi taiani kaa ni buaka ake a katikitikaki irouia aoti ke taani buaka i aoia aoti. Ma ko riai n mwiokoa ao n onimakina te UEA ae te Atua ae e tabu ae Atuan Iteraera.

Itaia 5:26

E a tia n anga ana kanikina te UEA nakoia botannaomata ianena b'a a na roko ni buakaningkami. E a tia ni katang, ao ae a roko ni kawaekoaia.

Itaia 7:17

Ma e na karaoi riki taian kiriwe te UEA nakoia am aomata ao abanueam nakon aika a tia n ataaki man te tai are a raaure nako iai Iteraera man Iuta. E na manga kaoka uean Aturia b'a e na buakaniko.

Tekaria 10:8

N na anga te kanikina nakoia b'a a na roko n ikotaki i bukina ngkai I a tia ni kamaiuia. Ao a na m'aiti aia koraki nakon are mai m'aaina.

Te Tua-Kaua 1:44

Ma ngke a buakaningkami kaain Amora man aaba ake a tabukibuki man aia kaawa, ao kam birinako mairouia kaanga ai aron ae kam birinako mairouia te taanga ni manibeeru. Ao a kakioia ami taanga ni buaka kaain Amora nako Teira ni karokoa Orema, ao a tiringiia i nanon aia tai ni kakioia.

Te Tua-Kaua 28:49

A na kanakoaki ianena aika kaokoro aia taetae b'a a na buakaningkami n te aro ae karina, kaanga ai aron te ikare ngkana e kiba rikaaki.

Te Tua-Kaua 7:20

Ane a na kataia ni kamaiuia tabeman ni karabaia mairoumi, ma E na kabuai aia iango te UEA, ao a na mate.

Iotua 24:12

Ngke kam roko b'a kam na buakaniia uean Amoraite ake uoman, ao bon akea bonganan ami kainikatebe ma ami kabaang i bukina ngke I a kaman karina te maaku i nanoia ao I kakioia nako mai m'aaimi.