Itaia 7:15 - Te B'aib'ara

¹⁵ Ngke e taui n ikawai te teei n ataa ae e raoiroi ma ae e buakaka,

Itaia 7:15 ပူးပေါင်းရင်းမြစ်များ

Karikani B'aai 18:8

E anaa teutana te tangauri, te miriki teutana, ao te irikomaiu, ao e katauraoa te tabo n am'arake i mataia uakekei. Ao e kam'arakeia i aan te aroka arei, ao a tanaki n am'arake iai.

Taian Areru 51:5

I aki inaomata man te bure ma ngke I bungiaki; I a kaman rotaki n te bure ngke I bikoukouaki.

Itaia 7:22

ma koraki akana a raka, e na konaa n reke aia miriki i bukin karaoan te miriki bua ao ana karewe te manibeeru.

Amota 5:15

E ririiba te buakaka, ao e tangira te eti, ao n taraia b'a e na karaoaki te kaetitaeka ae riai n tain te bowi. E na bon kona te UEA n nanoangaia botannaomata ake a tiku ni maiu.

Mataio 3:4

E kunnikaia Ioane ni buraen te kamero; ao e b'aina te roo ae te kau b'a kabaean nuukana; ao kanana rokati ma aia karewe manibeeru.

Ruka 1:35

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

Ruka 2:40

Ao E rikirake te teei n ikawai ao ni marurung rab'atana; E on n te wanawana, ao E memena i aona ana kakab'aia te Atua.

Ruka 2:52

E rikirake rab'atan Iesu ma rabakauna, ao ai arona naba ma taatangirana iroun te Atua ao irouia aomata.

I-Rom 12:9

Tai m'am'anaa te aba n ami tangira. Ribaa te buakaka, ao nim ma te raoiroi.

Te Tua-Kaua 1:39

Ao i mwiina, E a manga taetae te UEA nakoimi ni kaangai: “Kaain Iteraera, kam taku ngkoa b'a a na tauaki natimi aika uarereke b'a taenikain te buaka i bukin te aba. Ma n te bong teuana, ao N na kariniia n te aba, ao a na taua te aba arei n Au buobuoki ao a na maeka ikekei.