Itaia 7:14 - Te B'aib'ara

¹⁴ Ma e na bon teimatoa naba te UEA n anganingkami te b'ai ni kakoaua. E na bikoukou te ataeinaine E na bungiia natina te m'aane ao e na aranna b'a Emmanuera.

Itaia 7:14 ပူးပေါင်းရင်းမြစ်များ

Karikani B'aai 16:11

E na riki natim te mm'aane, ao ko na aranna b'a Itimaera, b'a e a tia n ongo tangim te UEA.

Karikani B'aai 29:32

Ao e bikoukou Nei Reea, ao e bungia te nati te mm'aane. Ao e taku, “E a tia n noori au kaangaanga te UEA, ao ngkai e nang tangirai buu.” Ma ngaia are, e aranna b'a Reuben.

Karikani B'aai 3:15

N na karika te i kairiribai i marenam ma neiei n aki toki, ao i marenaia naba kanoam ma kanoana. E na kamanatua atuum, ao ngkoe ko na tenai bukin waena.”

Karikani B'aai 30:6

Ao e taku Nei Rakera, “E a tia ni baairea raoi taekau te Atua. E a tia n ongo au tataro, ao E anganai natiu te mm'aane.” Ma ngaia are, e aranna b'a Taan.

Karikani B'aai 30:8

Ao e taku Nei Rakera, “I a tia n un ma tariu n te un ae korakora, ao I tokanikai.” Ma ngaia are, e aranna b'a Nabetari.

Karikani B'aai 4:25

Ao e a manga riki natiia Atam ma Nei Ewa temanna te mm'aane. Ao e taku Nei Ewa, “E a tia n anganai natiu te mm'aane te Atua b'a oneani mwiin Abera, are e tiringnga ngkoa Kain.” Ma ngaia are, e arana te nati te mm'aane arei b'a Teeta.

1.Uea 13:3

Ane ko na ataia b'a E na tia n taekin baikai te UEA ngkana e bwenauaki te baonikarea nakon uam'akoro, ao a b'aka mannang akana i aona nako aontano.

Taian Areru 46:8

Nako mai noori ana m'akuri te UEA, Nori baika kamimii aika E karaoi i aon te aba.

Itaia 38:7

Ao ngkai N na kakoauaa raoi nakoim b'a N na bon kakoroa raoi nanon au berita.

Itaia 8:10

Ikotingkami ao karaoi ami babaaire nako, ane kam na konaaki b'a e mena iroura te Atua.

Itaia 8:8

A na kaona Iuta aia tautia kairiribai kaanga te ieka ae e iabuti n roota te roroa. Ma te Atua iroura. E na taakin baina ao e na kamanoa abara.

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 23:6

E na rau Iteraera, ao e na kaawakinaki Iuta i nanon ana tai n uea. E na aranaki te uea b'a “Te UEA ae e anga te eti.”

Ieremia 31:22

Tera ngke kam teimatoa ni kakaonimaki? N na bon kakoauaa b'a n te tai teuana ao a na manga kaokoro b'aai nako, kaanga kaokoron te aine ae e kaawakina te mm'aane.

Ieremia 44:29

Aei aron are kam na ataa iai arou ni kakoroa bukin Au taeka are N na katuaaiangkami i Aikubita.

Mika 5:2

E kangai te UEA nakon te kaawa ae Betereem Eberata, “Bon te kaawa naba ngkoe teuana ae ko uarereke i buakon kaawan Iuta, ma N na kaotinakoa te Tia Tautaekana Iteraera mai iroum, ae te aomata ae iai reitakina ma ake a kakannato ake ngkoa.”

Mataio 1:23

“Noria, ane e na kariki te kibono, ao e na bungia te nati te mm'aane, ao a na aranna b'a “Emmanuera,” ae nanona, “Te Atua i roura.”

Ruka 1:31

Ao noria, ane ko na bikoukou ao ane ko na bungiia te nati te mm'aane, ao ko na aranna b'a Iesu.

Ruka 1:35

E taku te anera nako ina, “Ane E na ruoniko te Tamnei are Raoiroi, ao ane e na rabuniko m'aakan te Atua are Moan te Rietaata; ma ngaia are te teei ane na bungiaki, E na atongaki b'a Raoiroi, ae Natin te Atua.

Ruka 2:12

Ao aio te kanikina nako imi: ane kam na nora te merimeri ae niraki n te kunnikai ae te ninira, ae e wene i nanoni nneni kanaia maan n am'arake.”

Ruka 20:44

E atongaki iroun Tawita b'a te Uea; ao E na kanga n riki b'a Natina?”

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

I-Rom 9:5

ao a riki mairouia bakatibu; ao Kristo, ngkai bon te aomata Ngaia, boni kaain aia botannaomata. Ao te Atua are tautaeka i aoni b'aai ni kabane, ana b'ai te neboaki n aki toki. Amen.

1.Timoteo 3:16

Ao ti kaotia b'a e kakannato te baere raba are b'ain te Aro ni Kristian: E kaoti n rab'ata, E kakoauaki iroun te Tamnei b'a e eti arona, E noraki irouia anera, E tataekinaki nakoia aomata ni kabaneia; E onimakinaki irouia aomata nako i aonnaba, E uotaki rake ni mimitong.

Tani Motiki-taeka 6:36

Ao e tataro Kiteon nakon te Atua ni kaangai, “I ataia b'a Ko berita b'a Ko na buokiira ni kamaiua Iteraera, ma I tangira te b'ai ni kakoaua. N na katokaa te burae n tiibu i aon te atiibu are raababa are n te tabo ni kaaki kun ni uita arei. Ao ngkana Ko na buokai ni kamaiuia Iteraera, ao Ko na karika te aoi i aon te buraentiibu, ma e na bon tiku ni m'auteretere te burae n tiibu.”

1.Tamuera 1:20

Ao e bikoukou neierei ao e bungia natina te m'aane. E arana natina b'a Tamuera, ao ni kab'arab'araaki, “I bubutiia te UEA i bukina.”

1.Tamuera 4:21

ma e bon tiku naba n ana iango are nanokaawakina i bukin buan buuna ma taman buuna.