Itaia 66:3 - Te B'aib'ara

³ Kam kareani taiani kaom'aane nako iu, ao kam tiriaomata; kam karean taian tiibu ataei nako iu ao kam karean taian kamea nakoia anti tabem'aang; kam karean taiani uita nako iu ao raraan taiani beeki nakon taian bouannanti; kam kabuoki b'ai ni kaboiarara nako iu ao kam neboi ami bouannanti. Kam a tia ni rinea are kam tangiria b'a kam na karaoia ni karaoi m'akuri aika a rangi n ribaaki aikai aika b'aai aika kam rangi n tangiri ni kan karaoi.

Itaia 66:3 ပူးပေါင်းရင်းမြစ်များ

Taeka n Rabakau 15:8

E aki kukurei te UEA n aia b'aintangira aomata aika a buakaka, ma e kakukureiaki ngkana a tataro ana aomata.

Taeka n Rabakau 21:27

E aki tabeakin aia angab'ai aomata aika a buakaka ma aia iango aika a buakaka te UEA.

Itaia 44:19

Bon akea kanoan aia iango n ataa ae e kaangai, “I kauraa te ai ni iteran te kai ao I kuukana kanau te kariki ao te irikomaiu i aona. Ao I a manga karaoa te b'ai ae akea manenana ni m'akorona are teuana. Ao e aera ngkai I taromauria te m'akoro ni kai?”

Itaia 53:6

Bon tiibu ngaira ni kabane aika a m'aninga nako. Ti a tia n toua nako kawaira n tatabemaniira, ma e anganna te UEA te tuua are ti bon riai ni katuaaeaki iai.

Itaia 57:17

E kamaraka nanou nanonrangim. Ao bon anne bukina are I katuuaingkami iai ao I ribaa rekeu iroumi, i nanon ami tai n okiri maiumi nikawai aika a bure.

Itaia 65:12

Tokimi bon te mate kaakaiaki, i bukina b'a kam aki kaeka ngke I weteingkami, ao kam aki ongora naba ngke I taetae. Kam rineia b'a kam na bonotaninga nako iu ao ni karaoa naba ae buakaka.

Itaia 65:2

I kabongnga ni kawaria aika a bonotaninga ao aika a taani bure aika a touanako kawaia.

Itaia 66:17

Iai tabem'aang mai buakomi aika a katauraoia ao a nakon te nne n aroka b'a a na taromauriia antiia ianena. Kam kang irikon taiani beeki, taian beru, ao taiani kimoa. Ma N na tiringingkami Ngai ae te UEA i bukin karaoa aei.

Ieremia 6:20

Kaain Iuta, kam uoti nako iu taiani b'ai ni kaboiarara mai Tieb'a ao b'ai ni kangkangian te am'arake man aaba aika a raroa. Kam karean aekaki ni man ni kabane. Ma e aera ngkai kam tabeaianga? I ribaai ami b'aintangira aikai ni kabane!

Nakoaia Ibonga 2:2

ao e na uoti nakoia ibonga ake natin Aaron. Ao e na abuta te abutana te buraawa te ibonga, ma b'aan te oriwa, ao te b'ai ni kaboiarara are e kaakabubuaki ni kabane, ao e na kabuoki i aon te baonikarea b'aai ake tatabeuta akekei man taian am'arake ake karea b'a kaanga ai onean mwiin naba te am'arake ni kabane are te karea nakon te UEA. E rangi ni kakukureia te UEA te karea aei, are te am'arake.

Akai 2:14

Ma ngaia are, e tuanga Akai te UEA b'a e na kaangai: Ao ai anne naba arona nakon te botannaomata ni kabane aei. A bane ni butim'aeaki b'aai nako aika ko karaoi ao b'aai nako naba aika ko karean nako iu.

Te Tua-Kaua 14:8

Ao kam na aki kana naba irikon te beeki, i bukina b'a e manga ukin waena, ao e aki nnai kanana ni manga kanti. Kam na aki riinga naba te beeki ae mate bon i rouna.

Te Tua-Kaua 23:18

Te UEA ae Atuami, E bon rangi n ribaia m'aane ma aine aika karaoi aekaki ni m'akuri aikai, ao E na bon aki butim'aai aia b'aintangira, e ngae ngkana E a tia ni berita nakoia.

Tani Motiki-taeka 21:25

A aki tautaekanaki Iteraera iroun te uea ni boong akekei, ao a bane ni inaomata aomata nako ni karaoa are a bon taku b'a e eti.

Tani Motiki-taeka 5:8

A taromauriia atua riki tabeman Iteraera, ao a rina ni buakanaki mataroan aia kaawa nako Ma bon akea aia otanga ke aia kainiwai ni buaka.