Itaia 66:24 - Te B'aib'ara

²⁴ A na otinako au aomata ni kakaai rab'ataia ake a kakaitaraai. A aki konaa ni mate taian ino ikekei, ao e aki konaa n toki uran te ai, ao a na rangi n ribaaki taraan rab'ataia aomata aikai irouia aomata nako.

Itaia 66:24 ပူးပေါင်းရင်းမြစ်များ

Taian Areru 110:6

E na motiki taekaia botannaomata nako, E na botataia n tiringiia ao ni kab'arikoirake rab'ataia akana mate; ni kabutaa aonnaba

Itaia 1:28

Ma a na bane ni mauna nako, koraki aika taani kaaitaraa aika taani bure, aika a kamangao, Ngai te UEA.

Itaia 1:31

A na riki ami taani kairiiri b'a kaanga kaai aika a m'auteretere ae a kareaki aon te ai irouia aia bouannanti. A na bon akea ae e na konaa ni buobuoki, ngke a bane n urarake.

Itaia 14:11

A toki ikai am kainikatonga ma am katangitang n aia aonnaba maate. Ko na rabuniko n taiani m'ata, ao ko na kieniko n taian ino.”

Itaia 24:20

E na bebebebe ma ni ioioaki kaanga te koro ni manging. ke te um'a ae e uarereke n tain te angibuaka. E na taonaki rikaaki n te bure; e na b'aka te aonnaba, ao e na aki manga teirake.

Itaia 26:11

E mwemwe baim ao e tauraoi ni katuaaia, ma a aki nooria. Kamamaaia! Kaota korakoran nanom ni kaawakiniira ao karenakoia nako nanon te ai are a na kabuokaki iai am kairiribai nako.

Itaia 34:10

Ane e na bue n te bong ma te ngaina ao e na aki toki bubuna. E na riki Etom b'a te rereua, ao e na akea ae e na manga; riri nanon te aba arei n te roro teuana ma teuana.

Itaia 34:3

A na tiku rab'ataia aika a mate ni buakaka ao ni boiraa, a raanga rikaaki raraaia man taiani maunga.

Itaia 48:22

Ma e a tia te UEA ni berita b'a bon akea temanna ae e buakaka ae na maeka ma te rau.”

Itaia 5:25

Bon ana Aomata te UEA ngkami, ma kam a tia n rangi ni kaunna, ao e a oroingkami ni baina ae e m'aaka. A ruru taiani maunga, ao e onrake te kaawa ae e buubura n taiani mate kaanga taiani maange. E bon teimatoa naba n un te UEA, ao e tauraoi ni manga oroi riki ngkami.

Itaia 51:8

A na kanaki nako kaanga te kunnikai ae e kanaki n te koa. Ma n tokin au tokanikai; ao e na teimatoa m'aakau ni kakamaiu.

Itaia 65:15

au Aomata aika a rineaki a na kamanenaa aram i bukin te kamaraia. Ma ngai, ae te UEA ae I tautaekan b'aai ni kabane, N na tiringingkami. Ao N na anganiia ake a ongotaeka irou te ara ae boou.

Itaia 66:16

E na uota te motikitaeka ae e eti ana taeka te UEA ae e ura nakon taabo nako n te aonnaba aei ao e na tiringiia aomata aika a m'aiti.

Taniera 12:2

Ao ane a na m'aati aika a manga maiu aika a tia ni mate: tabeman a na kukurei n te maiu ae akea tokina, ao tabeman a na uti nakon te kamamaaeaki ae akea tokina.

Tekaria 14:12

Aio te b'ai ae E na karaoia te UEA nakoia aika a buakana Ierutarem: ngkana a tei ikekei, e na kam'aungi irikoia ao a na b'aka reben kanoan mataia ni kabane mai mataia ao e na nna nako neweia n oti nako.

Mataio 3:12

E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”

Te Kaotioti 21:8

Ma te koraki akana kimamaaku, ma akana aki onimaki, ma akana riai ni bati n ribaki, ma taani kamateia aomata, ma taani wene ni bure, ma taan tabunea, ma taan taromauri bouananti, ma taani kewekewe, a na reke tib'angaia n te nama are e ura iai te ai ma te burimton, are te mate are te kauoua.”