Itaia 66:23 - Te B'aib'ara

²³ Ni moanibongin te Toa ae Moan Otin Nam'akaina ao ni katoa Taabati, a na bane aomata nako n taromauriai. Bon aio au taeka Ngai ae te UEA.

Itaia 66:23 ပူးပေါင်းရင်းမြစ်များ

2.Uea 4:23

Ao e taku teuare buuna, E aera ngkai ko na kawaria n te bong aei, ao kai tiaki ngkai te Taabati ke te Toa ae Moan Otin Nam'akaina.

Taian Areru 22:28

Bon te king te UEA, ao E tautaeka i aoia botannaomata.

Taian Areru 65:2

i bukina ngkai Ko kaekai tataro. A na bane n roko nakoim aomata man taabo nako

Taian Areru 65:3

i bukin aia bure. Ti a aki konai moan ara bure, Ma Ko boni kab'arai naba.

Taian Areru 86:9

Ane a na bane n roko ni bobaraaki nako Im botannaomata nako ake Ko a tia ni karikiia; Ane a na kamoamoaa aram.

Itaia 19:21

E na kaotia te UEA nakoia kaain Aikubita b'a antai Ngaia, ao ane a na ataia ao a na taromauriia te UEA. Ane a na uoti aia karea ma taian angab'ai nakoina, ao ane a na kakoroa nanon aia berita nakoina.

Itaia 19:23

Ane e na iai te kawai ae e raoiroi ae e biri mai Aikubita nako Aturia. Ane a na m'am'ananga iai kaain Aikubita ma kaain Aturia mai Aikubita nako Aturia, ao a na kaai n taromauri.

Itaia 2:2

E na riki b'a te kabanea n rietaata te maunga are e tei iai ana Tembora te UEA ni boong aika a na roko. E na bura i aon taian tabuki nako; ao a na uarurung botannaomata nako iai.

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Etekiera 20:40

ngkana e roko te bong anne, a na bane n taromauriai Iteraera i aon te Maunga are Tion, are Au maunga are e tabu i Ierutarem. N na manga atongingkami riki b'a Au b'ai, ao N na manga butim'aai ami angab'ai ma ami karea nako.

Etekiera 45:17

Ma kam na katauraoi maan ake taiani karea ngkami aika taan kairiiri i bukin te Toa ae Moan Otin Nam'akaina, taian Bootaki i bukin te Taabati, ao bootakin te aro ake tabeua, ao ai uana naba ma te uita ma te wain. A na bane ni kabonganaaki baikai i bukin taiani karea i bukin bure, te karea te uita, te karea are kakukureiau, ao nakoia akana a buubutiai Au kakab'aia. N na bon kukurei ao N na kab'araa aia bure Au aomata.

Etekiera 46:1

E taku te UEA: E na riai ni kainiinaki mataroan te katawanang are i nanoaa, are mataroana are mai mainiku i nanon bongi ni m'akuri ake onobong n te wiiki koraki. Ma e na riai ni kaukaki n te Taabati ao n te Toa ae Moan Otin Nam'akaina.

Etekiera 46:6

E na riai te tia tautaeka n uoti onoman te tiibu m'aane, te kaom'aane, ao te tiibu m'aane b'a e na kareanaki n te Toa ae Moan Otin Nam'akaina. A na riai n akea toabuakan maan aikai.

Tekaria 14:14

ni karokoa te tai are a manga bon rairakiia ake a mena i Ierutarem kaain Iuta.

Tekaria 14:16

Ao i mwiina, naake a tiku b'a nikira ni maiu man aaba ake a buakana Ierutarem a na nako ikekei ni katoa ririki n taromauriia te UEA ae moan te m'aaka, ma n ira kauringaan te Toa ae M'aanga ni kaai.

Tekaria 14:18

Ngkana a rawa kaain Aikubita ni bukamarua te Toa ae M'aanga ni kaai, ao ana manga oreaki n te aeka n aoraki are e na kanakoa te UEA nako ia aomata ni kabane ake a rawa nako.

Tekaria 14:19

Bon aio te katuua ae na b'akariia kain Aikubita ma aomata nako n aaba nako ngkana a rawa ni bukamarua te Toa ae M'anganikaai.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Ioane 4:23

Ma e a tabe n roko te aoa, ao ngaia e a kaman roko, are a na angan te Tama taan taromauri ni koaua taromauriana ni m'akan te Tamnei are Tabu, ao taromauriana n aron are E tangiria: b'a aikai aekan aomata aika E tangiriia te Tama.

Te Kaotioti 15:4

Ai antai ae na aki maaku iroum, Te Uea, ma n aki neboa aram? B'a ti Ngkoe ae Ko tabu. A na bane n roko botannaomata nako n taromauriko, b'a a tia n noraki am Babaire aika eti.”