Itaia 66:22 - Te B'aib'ara

²² I berita naba b'a kam na teimatoa ni karikiia kanoami ao a na m'anuokinaki taekaia, kaanga ai aron karawa ae e boou ao te aonnaba ae e boou ae I a tia ni karikia are a na akea tokiia.

Itaia 66:22 ပူးပေါင်းရင်းမြစ်များ

Itaia 48:19

A na kakab'aiaki am botannaomata n anganaki riki ana aomata ae kaanga te uita ao te bike. Ao N na aki manga kariaia b'a e na manga kamaunaaki abami.

Itaia 51:16

I a tia n tuangngkami te b'ai ae kam na taekinna, ao N na teimatoa ni kamaiungkami i nanoni baiu. I taakina nako taiani karawa ao I kawenei aan nako te aonnaba. Ao ngkai I kaangai, “au Aomata kaain Ierutarem.”

Itaia 53:10

E motikia te UEA b'a e na karawaawataaki ana tia m'akuri b'a te karea i bukin kab'araan te bure ao te kaairua i bukiia tabem'aang. Ngkai e na maiu te tia m'akuri b'a e na nooria ake oin ana kariki. E karaoi b'aai ni kabane ake E a tia ni baaireaia te UEA.

Itaia 56:5

Ao i mwiin anne, e na katea te Tembora ma arami aika a koreaki i aona. E na raoiroi riki aei nakon ae karikan te nati, b'a e na tiku b'a te kanuringa ae e na tei ikekei n aki toki.

Itaia 59:21

E taku te UEA: “Au Aomata, I berita b'a N na anga Tamneiu ma au taeka. E na riki aei b'a au b'aintangira nakoimi ma ami utu n aki toki. Bon aei au taeka Ngai ae te UEA.”

Itaia 61:8

I tangira te motikitaeka ae eti Ngai ae te UEA! Ma I ririibaa te kimoa ao te motibuaka. au Aomata, I kamatoa au berita nakoimi b'a N na anganingkami kaniwangami te boraraoi ae akea tokina.

Itaia 61:9

E na ataaki ami kariki n te botannaomata ni kabane. Ni kabane akana a nooriia a na ataia b'a a tia ni kakab'aiaki irou Ngai ae te UEA.

Itaia 65:17

E taku te UEA, N na king karaoa te aonaaba ae boou ma karawa aika a boou. A na m'anuokinaki b'aini ngkoa.

Itaia 65:22

A na aki katei auti ao ni kaainaki irouia tekorakina; a na aki karaoi onaroka ao ni kanaki uaaia irouia tekorakina; b'a bongini maiun te aroka ai aron bongini maiuia au aomata, ao au aomata ake a rineaki a na maan aia tai ni kukurei ni m'am'akurin baiia.

Itaia 65:23

A na tetekeraoi aia m'akuri, ao natiia a na aki kaitibo ma kabuanib'ai. N na kakab'aiaia ma kanoaia ni kabane aia tai.

Ieremia 33:20

I a tia Ngai ae te UEA ni karaoa Au boraraoi ma te ngaina ao te bong, b'a a aonga n rooroko raoi n te tai ae e riai. Kam aki konaa n urua te boraraoi ae I a tia ni karaoia ma ngkami,

Ieremia 33:21

ao kam aki konaa n urua te boraraoi ae I a tia ni karaoia ma ana utu Tawita, ibonga man kanoan Rewi ake a m'akuri n te baonikarea. A na tautaeka n taai nako ana kariki Tawita ma ni uea i aon Iteraera,

Teb'ania 3:20

E a roko te tai! N na kaokiia ake a maaenako nakon mwengaia. E na tanoata kakannatom n te aonnaba ao N na manga kaoka kab'aiam,” Bon ana taeka te UEA.

Mataio 28:20

ao n reireiniia b'a a na iri nanoni b'aai ni kabane ake I a tia n tuangngkami; ao noria, I a memena i roumi n taai nako ni karokoa tokin aonnaba.

2.Betero 3:13

Ma n ai aron ana taeka n akoi, ti a tiku ni kaantaningai karawa aika boou ma te aonnaba ae boou, ike e mena iai karaoan nanon te Atua.

Te Kaotioti 21:1

Ao I nora karawa ae boou ma aonnaba ae boou; b'a e a tia ni mauna te moa ni karawa ma te moa n aonnaba, ao ai aron naba marawa.