Itaia 66:20 - Te B'aib'ara

²⁰ A na uotiia mai ami koraki man taiani botannaomata b'a taian karea nako iu, Ngai ae te UEA. A na roko i aon taian aoti, taian kaanibuaka ao kaani m'am'ananga, miure ao taiani kaamero nako Ierutarem, ae Au maunga ae e tabu. A na riki b'a kaanga Iteraera aika a uoti taian karea nakon au Tembora.

Itaia 66:20 ပူးပေါင်းရင်းမြစ်များ

Itaia 11:9

Akea te kabuanib'ai ae e na konaa n riki i aon ana Maunga ae e tabu te UEA. Aron te ran ngkai ae kaona taari ao ai aron naba te aba b'a e na kaonaki irouia aomata antai ae e ataa ma ni karinea te UEA.

Itaia 2:2

E na riki b'a te kabanea n rietaata te maunga are e tei iai ana Tembora te UEA ni boong aika a na roko. E na bura i aon taian tabuki nako; ao a na uarurung botannaomata nako iai.

Itaia 2:3

A na m'aiti aomata ake a na roko ao a na kaangai, “Ti a nakon ana Maunga te UEA ae Atuan Iakob'a ma n taromauri n ana Tembora.” E na reireiniira te UEA ana Tua mai Ierutarem, ao ti na ongotaeka i rouna.

Itaia 43:6

N na kaangai nakon meang ao maiaki, “Kainaomataia natiu m'aane ma natiu aine! kaokiia man aaba aika a raroa.

Itaia 52:11

Kam na kiitana te kaawa ae e buubura ae B'aburon! Kam na tai riinga te b'ai teuana ae e buakaka. Teboki baimi. Tauraoi ni uoti rikaaki b'aai aika a tabu ake bon ana B'ai te UEA.

Itaia 54:3

Ane ko na taua abaia ianena ngkoe ma am kariki nako. Kam na tekateka n taiani kaawa ake a uruaki n te tai aei.

Itaia 56:5

Ao i mwiin anne, e na katea te Tembora ma arami aika a koreaki i aona. E na raoiroi riki aei nakon ae karikan te nati, b'a e na tiku b'a te kanuringa ae e na tei ikekei n aki toki.

Itaia 56:7

N na uotiia nakon au Maunga are e Tabu ike a na karaoa iai aia bootaki ni kukurei i nanon au Tembora. E na teimatoa ni mena aia karea ao aia angab'ai i aon au Baonikarea. Ao e na ataaki au auti b'a te auti n tataro i bukiia botannaomata nako.

Itaia 65:11

“Ma e na kaangaanga nakoimi ngkami aika kam m'anuokinai, ao ngkami naba aika kam m'anuokina Tion, au Maunga are Tabu, ao ma n taromauria Kaata, ao Meni, ake atuan te tekeraoi ma tokin te waaki.

Itaia 65:25

Kameanti ma tiibu a na uaia n am'arake; raian a na kang uteute, n ai aroia nanai ni kao, ao naeta a na toki aia tiritiri. I aon au maunga are e tabu are Tion e na bon akea te kabuanib'ai ma te tiritiri.

Taniera 11:45

Ane e na katea ana um'anrianna n uea ae e korakora i marenan taari ma te maunga n te tabo are e tei iai te Tembora. Ma ane e na mate, ao bon akea temanna ae e na buokia.”

Teb'ania 3:10

Ake a raroa i Itiobia ake au aomata ake a uamaae nako; ana uotii mai naba aia karea nako iu.

Warekaia Iteraera 7:3

a uoti b'aintangira nakon te UEA. A uoti onowaa te kaa are katikitikaki irouia maan, ao tengaun ma uoman taiani kao-temanna te kao i aon temanna te tia kairiri, ao tewaana te kaa are katikitikaki i rouia maan i aoia uoman taani kairiri.

Warekaia Iteraera 7:62

teuana te buun te koora ae tebwina te tiekera ke 115 te kuraem (115g) rawatana ae on n te karea ni kaboiarara;

I-Rom 15:16

b'a ana tia m'akuri Iesu Kristo ngai i bukiia aomata aika tiaki I-Iutaia. I m'akuri b'a ai aron te ibonga ngai n tataekina ana euangkerio te Atua, b'a a aonga n riki aomata aika tiaki I-Iutaia b'a ai aroni karea aika E na kukurei te Atua i rouia, aika a tia ni katabuaki i bukina iroun te Tamnei are Raoiroi.

I-Biribi 2:17

Ami onimaki ma ami m'akuri aika kam karaoi b'a kanga ibonga ai aron te karea nakon te Atua; ao tao N na kamateaki, ao n te aro aei N na riki b'a ai aron te karea are te raraa are kab'aroaki i aon te karea. Ngkana arona b'a e riki aei, ao N na boni kim'areirei, ao N na kim'areirei ma ngkami;

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.