Itaia 66:14 - Te B'aib'ara

¹⁴ Kam na kukurei ngkana kam nooria b'a a riki baikai; e na manga waekoa riki okin korakorami nakon te rikiraken te uteute ae e a tib'a bwebwerake. Ao ane a ataia aomata b'a e mena te UEA irouia ana taan m'akuri nako ao e un nakoia ana kairiribai ni kabane.

Itaia 66:14 ပူးပေါင်းရင်းမြစ်များ

Etira 7:9

n te kaitiua n ririki anne, i mwiin kiitanakin B'aburon ni moani bongin te moan nam'akaina.

Etira 8:18

E akoi te Atua nakoira, ao e karekea nanoia b'a a na kanakomaia te aomata ae e rangi ni m'aatai ae arana Terebia, ae boni kanoan Rewi man ana utu Mari. A raonna n roko tengaun ma waniman ana utu.

Etira 8:22

I mamaa ni buubutia te uea b'a e na kanakoia ana tautia ma ana taan toka i aoia aoti, b'a a na kaawakiniira mairouia ara kairiribai i aon kawaira. Ao i rarikin anne, ti a tia n tuanga te uea b'a Atuara e kaawakiniia aomata ni kabane aika a taromauriia ma te koaua, ao E bon un ma ni katuuaia aomata akana a rawa n ongotaeka Irouna.

Etira 8:31

Ni kauabwiin bongin te moan nam'akaina, ao ti a kiitana te Karaanga are Aawa ao ti a waaki nako Ierutarem. E tararuaira Atuara, ao ngke ti tabe ni m'ananga, ao e kararoaia ara kairiribai mani buakanakira n te aro ni karaba.

Taian Areru 107:42

A nora aio akana raoiroi ao a kukurei iai, Ma akea aia taeka iai akana buakaka.

Taeka n Rabakau 17:22

Ngkana kam kukurei, ao kam namakina te nakoraoi; ao ngkana kam nanokawaki, ao kam bon kammarakingkami.

Taeka n Rabakau 3:8

E na kamarurungko te aro aei ao e na anganiko te korakora.

Itaia 10:5

E taku te UEA: I a rangi n un! Ao N na kamanenaa uean Aturia b'a kaanga te ambo

Itaia 13:5

E waaki n nakomai te UEA ma te tiritiri ao te un ae moan te korakora man te aba ae e raroa e uota ana b'ainibuaka b'a e na kamaunaa te aonnaba.

Itaia 26:19

A na manga maiu am aomata! Tuangiia b'a a na kiitan ruanimateia ao a na kukurei ni bukamaru ma n takaarua. Ko kabooua te aonnaba kaanga aoin te ingabong; ko anga te maiu nakon te mate.

Itaia 26:20

Naako rinnako ao kaini taiani mataroa, ngkami aika au aomata. Karabaingkami ikanne n te tai ae e uarereke, ni karokoa te tai are e na toki iai unin te UEA.

Itaia 30:27

E a roko te UEA man te tabo ae e raroa ma unna ae e korakora ao te bubu n nang ae matenten. E waerake uran ana taeka n un kaanga ai aron te ai ae e urub'ai;

Itaia 33:20

Kam na taraa te Maunga are Tion ike ti bukamarua iai ara toa nako. Kam na noora Ierutarem ae e matoa raoi koron roobuna aika a aki konaa ni kounako aika a kabaeaki n taian roobu aika a aki konaa ni moti.

Itaia 34:2

E a rangi ni un te UEA irouia botannaomata ni kabane; E a tia ni kabuakakaia b'a a na tiringaki.

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Itaia 41:20

Ana bane aomata n noora te baei ao a na ataia b'a boni Ngai aia UEA Iteraera ae tabu, ae e kariki b'aai nako.

Itaia 42:13

E m'ananga n oti nako te UEA kaanga te tia buaka ae e un, ma ni kabanea takaaruana ngke e tabe ni un ma ana kairiribai nako.

Itaia 58:11

E na kairingkami n taai nako te UEA ma ni katauraoi b'aai aika a raoiroi i bukin kanami ngkana kam mena i nanon te rereua. E na angan rab'atami te marurung raoi. Kam na riki b'a kaanga te nne n aroka ae e m'aiti iai te ran ke te karaanga n ran ae a aki konaa n iki.

Itaia 59:18

E na rangi n un ngkai te UEA ao e na karaoia nako ia aia kairiribai ake a kaan ma ake a raroa te b'ai naba are a karaoia nako ia ana Aomata.

Itaia 66:5

Ngkana kam ruru ngkana e taetae te UEA, ao kam na kakauongo nakon te b'ai ae e taekinna ae e kaangai: “A ribaingkami tabeman aomata ibuku ao a rawa naba iroumi ibuku. A b'ab'ainingare ao a taku, Ke E kaota m'akana te UEA! Ti a mataku i rouna ngkana e anganingkami te kukurei ni koaua.’ Ma ane a na mamaa koraki akana a atong baikai.”

Tekaria 10:7

E na riki Iteraerab'a kaanga baronga ni buaka aika a karaoa aia bootaki ni kukurei n te wain. Ngkana a noora aei natiia, a na bon rangi ni kukurei naba ibuku Ngai ae te UEA.

Maraki 3:18

Ao ane a na manga noora te kaokoro aomata nako i marenaia aomata aika a ongotaeka irou ni karaoa ae e raoiroi ma aomata aika a katinanikuai ni karaoi b'aai aika a buakaka.

Ioane 16:22

Ao ai aromi naba: b'a kam nanokawaki ngkai, ma N na manga noringkami, ao ane a na kaonaki nanomi n te kim'areirei, ao akea temanna ae na anaa kim'areireimi mai roumi.

Ebera 10:27

ma ti te tiku ma te maaku n tataninga rokon te motikitaeka ma te ai ae ura m'aka, ae na kamaunaia ana kairiribai te Atua.