Itaia 65:7 - Te B'aib'ara

⁷ Bon Ngai ae te UEA ae N na karaoia b'a a na kabooa mwiina i bukin aia bure nako ao i bukiia aia bakatibu a tia ni kab'ainrangai ngke a kabuoki taian b'aini kaboiarara i aon taiani maunga.

Itaia 65:7 ပူးပေါင်းရင်းမြစ်များ

1.Uea 22:43

Ao e ongo taeka Iotiab'ata iroun te UEA, n aron are e karaoia naba tamana are Ata, ao e aki roko n te buaka ma Iteraera i nanon ana tai ni uea. Ao e kanakoia taian aine ni mataawa ni kabane man bangotan aon te aba, ma e aki urua te bangota, ao a bon tiku b'a taabo n angakarea. Ao a tauaki mwiin b'aai ni kabane ake e karaoi Iotiab'ata i nanon ana tai ni uea i nanon te boki are Rongorongoia Uean Iuta, n reitaki ma ninikoriana ao tokanikaina n taian buaka.

2.Uea 12:3

Ma e aki kamaunai taiani baangota, ao a bon teimatoa naba ni kabonganaaki b'a taabo n angakarea.

2.Uea 14:4

E aki urui baangotan Iteraera Amatia, ao a boni kamanenaaki naba b'a taabo n angakarea.

2.Uea 15:35

Bon Iotam are e a manga katea te mataroa are Ieta are te kawai nakon te katawanang are e katobibia te Tembora.

2.Uea 16:4

E angaanga karea Aati n taiani baangota, ao ai uana naba ma taian tabuki, ao i aan nuuni kaai aika a buubura.

2.Rongorongo 21:11

E bon katei naba taian baangota ake baangotan te aba Ioram i aon taian tabuki ake Iuta man kairiia aomata nakon te bure nakon te UEA n taromauri antiia ianena.

Te Otinako 20:5

Kam na aki bobaraaki nakoia bouannanti; ke n taromauriia, b'a bon te UEA ae Atuami Ngai, ae I taua ni nne i roumi. I katuaaia naba te koraki ake a ribaai ni karokoa naba kanoaia rikaaki, nakon te katenroro ao te kaaroro.

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 13:11

N na katuaaea te aonnaba ae e buakaka aei ma aomatana i bukin aia bure nako. N na kamanatuaia taani kainikatonga aika a kakamaaku aika a iowawa.

Itaia 22:14

E a tia n taetae nako iu te UEA ae Moan te M'aaka n taekina te berita aei: “N na bon aki kab'arai aia bure i bukin aei, ngkai a maiu.”

Itaia 26:21

E na otinako te UEA ao e na katuaaia aomata nako i aon te aonnaba i bukin aia bure. Ao ane a na ataaki ma ni katuaaeaki aomata aika a tia ni karaoi buure aika a korakora ngkana E waaki.

Itaia 28:21

E na buakaniia te UEA n ae e rangi ni matoatoa n aron are e karaoia n te Maunga are Beratim ao n te M'arua are Kibeon. Ma n te tai aio te UEA E na karaoa te b'ai ae e kakubanako, ae kam aki kaantaningaia.

Itaia 29:14

Ma ngaia are, N na manga karaoi b'aai ake a katiaokiia ma ni kamimiia, ao N na kamaunai wanawanaia akana a taku b'a a rabakau ma n ataib'ai.”

Itaia 3:11

Tuangiia aomata ake a aki ongotaeka iroun te Atua ni kaangai, “Kam a reke n te kaangaanga ae moan te buubura E na manga riki nakoimi te b'ai are kam a tia ni karaoia nakoia tabem'aang.”

Itaia 30:13

Ti te bo te bure aei ma te tabwena are e karika waekoani b'akan ao maenikunin

Itaia 30:14

te oo ae e rietaata kaanga te boora ae e manatua. Bon akea m'akorokorona ae e tau buuburana i bukin uotakin te kooro ae e buee ke ni ititiia te ran ni kanakoa.”

Itaia 57:12

Tao ko taku b'a ko rangi n raoiroi, ma N na kaota te koaua.

Itaia 57:7

Kam a tia n taakin ami kainiwene i aon taubukin maunga aika a rietaata, ike kam angakarea iai nakon taian bouannanti.

Itaia 59:18

E na rangi n un ngkai te UEA ao e na karaoia nako ia aia kairiribai ake a kaan ma ake a raroa te b'ai naba are a karaoia nako ia ana Aomata.

Itaia 65:6

I a tia ni korea te baei; N na aki kainab'aabu. N na kaokia nakoia n aron are a bon riai n anganaki i bukin aia bure.

Itaia 66:4

Kam rawa n ongo weteami ngke I weteingkami; Kam aki kan ongo nakon au Kaetieti. Ma kam a manga karaoi baika a ribaaki, ngke kam bon ataia b'a a bon kaairua. Ao ngkai N nang katuaaingkami n te aro ae kam na rangi ni maaku iai.

Ieremia 13:25

N na bon aki bita nanou. Bon aio au taeka Ngai ae te UEA. Kam katinanikuai ao kam taromauriia anti ni kewe.

Ieremia 13:27

N na buuta kunnikaimi ma ni kabebekaningkami ao ni kamamaaingkami b'a a na nooringkami aomata nako. Kam a reke n te kabuanib'ai! Kam konaa ni karaoa ae e raoiroi ni manga taromauriai riki?

Ieremia 16:18

N na kataboroa tuaami i bukin ami bure i bukina ngkai kam a tia ni kabuakaka te aba. Kam a tia ni kaonna n taian bouannanti aika a aki maiu kaanga maate.

Ieremia 5:29

Kam tangiria ni katuaaeaki, ma ngaia are, N na karaoa te karekekai.

Ieremia 5:9

E aera ngkai N na aki katuaaia kaain Iuta?

Etekiera 18:6

E aki kan kang taian karea i bukiia antiia ianena n taiani baangota ke n taromauri bouannantin nako Iteraera. E bon aki wene ni bure ma buun te m'aane temanna ke te aine ae e aoraki n aine.

Taniera 9:8

A karaoi m'akuri aika a kamamaa ara uea, ara taan tautaeka, ao ara bakatibu, ao a bure nakoim te UEA.

Otea 11:2

Ma e taku te taeka, “M'aitin weteakiia, bon m'aitin aia kamangao.” A aki konaa ni katoka aia m'akuri n anga te b'ainikaboiarara ao taian karea nakon bouanantin B'aara.

Otea 2:13

N na katuaaea i bukin boong ake e taromauria iai B'aara ao e kabuoki taiani b'ai ni kaboiarara nakoina. N na katuaaea i bukin boong ake e m'aninga iai taekau ma ni karin taiani b'ai ni katamaroa ao taian m'am'a i bukin kab'akaia ana tangira nako. Bon aei Au taeka Ngai ae te UEA!

Nakoaia Ibonga 26:39

ao tabeman a na b'ara nanoia n te nanokawaki b'a boon ami bure ma aia bure ami bakatibu.

Warekaia Iteraera 32:14

Ao ngkai kam a manga karaoa naba te aro arei ngkami aomatan Reuben ao Kata; kam a rangi ni kauna riki te UEA.

Ruka 6:38

B'aina te angaanga, b'a te Atua e na bon manga anganiko; ane e na kanoaaki rabin kunnikaimi ni kaonrakeaki. E na kaibeaki, e na ioioaki, ao e na taonako kanoana. B'a te baire are kam anga ao ane kam na manga anganaki.”

1.I-Tetaronike 2:16

ao a kataia n tukiira b'a ti na aki taetae nakoia aomata aika tiaki I-Iutaia, n taeka aika a na kamaiuaki iai.