Itaia 65:25 - Te B'aib'ara

²⁵ Kameanti ma tiibu a na uaia n am'arake; raian a na kang uteute, n ai aroia nanai ni kao, ao naeta a na toki aia tiritiri. I aon au maunga are e tabu are Tion e na bon akea te kabuanib'ai ma te tiritiri.

Itaia 65:25 ပူးပေါင်းရင်းမြစ်များ

Iobi 5:23

Ane a na akea atiibun te tawaana ae ko kamaraua aona; ao a na akea maan aika tiritiri aika na roko n aki karauko.

Itaia 2:4

E na katoki taiani ngurengure imarenaia botannaomata. Ane a na urui aia kabaang ma aia kainiwai ni manga kariki b'a taian reeke ma tiabora; ane a na aki manga karika te buaka ke ni buakaniia i marenaia.

Itaia 35:9

Bon akea taian raian ke maan aika a aki manana ae a konaa ni kaaniia te kawai arei; bon ti koraki aika e a tia kamaiuia te UEA aika a konaa n rikekei.

Itaia 56:7

N na uotiia nakon au Maunga are e Tabu ike a na karaoa iai aia bootaki ni kukurei i nanon au Tembora. E na teimatoa ni mena aia karea ao aia angab'ai i aon au Baonikarea. Ao e na ataaki au auti b'a te auti n tataro i bukiia botannaomata nako.

Itaia 65:11

“Ma e na kaangaanga nakoimi ngkami aika kam m'anuokinai, ao ngkami naba aika kam m'anuokina Tion, au Maunga are Tabu, ao ma n taromauria Kaata, ao Meni, ake atuan te tekeraoi ma tokin te waaki.

Itaia 66:20

A na uotiia mai ami koraki man taiani botannaomata b'a taian karea nako iu, Ngai ae te UEA. A na roko i aon taian aoti, taian kaanibuaka ao kaani m'am'ananga, miure ao taiani kaamero nako Ierutarem, ae Au maunga ae e tabu. A na riki b'a kaanga Iteraera aika a uoti taian karea nakon au Tembora.

Etekiera 43:11

ma ngkana a bon raraoma n aia bure, ao ko na kab'arab'araa nakoia tamnein ao tein te Tembora, taian mataroa, baairean karaoana, ao baairean nnen taiani kateitei. Ko na kab'arab'arai taian tua i bukin te taromauri ikekei, ao i mwiina, ko na korei taekan baikai, b'a aonga ni konaa ni kamateb'aii ma n ongotaeka nako iai.

Taniera 11:45

Ane e na katea ana um'anrianna n uea ae e korakora i marenan taari ma te maunga n te tabo are e tei iai te Tembora. Ma ane e na mate, ao bon akea temanna ae e na buokia.”

Mika 4:3

E na katoki taiani ikaakaiwi i marenaia botannaomata ake a korakora ake a kaan ma ake a raroa nako. A na oniki aia kabaang b'a b'aini kamarauan te tano, ao aia kainiwai b'a biiti i bukin kaitiakan aroka. E nangi toki te buaka i marenaia botannaomata, akea riki te manga katauraoi i bukin te buaka.

Mika 7:17

A na kawakawa i nanon bubun aontano kaanga aroia naeta; A na rurubenebene ni maaku ngkana a otinako man aia nono. A na rairaki ma te maaku nakon te UEA ae Atuara.

Tekaria 8:3

N na okira Ierutarem ma ni maeka ikekei i aon te Maunga are Tion. Ao ane e na ataaki iai b'a te kaawa ae e kakaonimaki, ao e na ataaki Tion b'a te maunga ae e tabu.

M'akuri 9:1

I nanon taai naba akekei, ao e nanakonako Tauro n tataekina kani kamateaia ana reirei te UEA. E nako ni kawara aia mataniwi ibonga,

I-Rom 16:20

E a kaani kamanatuan Tatan i aani waemi iroun te Atua, are e reke mai Rouna te raoi. E na mena iroumi ana akoi ara UEA are Iesu Kristo.

2.Betero 3:13

Ma n ai aron ana taeka n akoi, ti a tiku ni kaantaningai karawa aika boou ma te aonnaba ae boou, ike e mena iai karaoan nanon te Atua.

Te Kaotioti 14:1

Ao I taratara nako, ao noria, te Tiibuteteei ae tei i aon te maunga are Tion, ao raona te koraki ae tebubua ma abwi ma aua tengaa m'aitiia aika a koreaki i aon ram'aia aran te Tiibuteteei ma aran Tamana.