Itaia 65:23 - Te B'aib'ara

²³ A na tetekeraoi aia m'akuri, ao natiia a na aki kaitibo ma kabuanib'ai. N na kakab'aiaia ma kanoaia ni kabane aia tai.

Itaia 65:23 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Karikani B'aai 17:7

“N na kakawakina au Berita ma ngkoe, ao nakoia naba kanoam n rooro aika na roko b'a te boraraoi ae akea tokina. N na riki b'a Atuami, ao Atuaia naba ami bakatibu.

Iobi 21:8

A m'aiti natiia ma tibuia, ao a boni maiu i rarikiia ngke a tabe n rikirake.

Itaia 44:3

N na kakab'aia te aba ae e m'autakataka ni kanakoa taiani karaanga n ran, N na kakab'aia ami kariki n anganiia Tamneiu

Itaia 49:4

I taku i bon irou, “I a rangi ni korakai; ao e a tia ni banebuaka au tai. Ma I karaoa aei i bukin te UEA ae te Atua, ao E na anganai kaniwangau.”

Itaia 55:2

E aera ngkai ko bakataea am m'ane i aoni b'aai aika tiaki raoi taian am'arake? E aera ngkai ko m'akuri korakora i bukin b'aai aika a aki konaa n anganiko te rau n nano? Kakauongo raoi irou ao ane ko na kukurei ni kana te am'arake aika kabanea ni kangkang.

Itaia 61:9

E na ataaki ami kariki n te botannaomata ni kabane. Ni kabane akana a nooriia a na ataia b'a a tia ni kakab'aiaki irou Ngai ae te UEA.

Itaia 66:22

I berita naba b'a kam na teimatoa ni karikiia kanoami ao a na m'anuokinaki taekaia, kaanga ai aron karawa ae e boou ao te aonnaba ae e boou ae I a tia ni karikia are a na akea tokiia.

Etekiera 36:29

N na kaawakiningkami mani b'aai aika kam na kam'araa iai. E na taonako ami tawaana n taiani uita, ao akea ae e na manga baki.

Nakoaia Ibonga 26:20

A na akea bonganan ami m'akuri korakora—ao a na akea naba ami uaa aika uangingi ma ami uaanikai ae kam na tai.

Nakoaia Ibonga 26:22

N na kanakoi man aika kawakawa aika a kaakang b'a a na buakaningkami, a na kaniia natimi ma ami naa ni man aika kawakawa nako. Ma ngaia are, a na tii tabeman ami koraki n tiku n te aro ae e na aki bongana te kawai.

Nakoaia Ibonga 26:29

Ao ni bon arona, ane kam na bon rangi ni kainano i bukin kanami n te aro ae kam na kaniia oin natimi.

Akai 1:6

E buubura riki ae ko taia nakon ae ko unikia, e aki konaa n tau m'aitin kanam ma nimam, ko na aki mano raoi ni kunnikaim, ao a na kaawakinaki boom n taiani baeki aika a kirib'angab'anga.

Akai 2:19

E ngae ngke ko tuai taiia te uita, te kureebe, te biiku, te bomkuranete, ke te oriwa, N na karimoa kakab'aiam tabeua te bong i m'aaim.

Maraki 3:10

Bon te UEA Ngai ae Moan te M'aaka, ae I kaewenakoingkami b'a kam na kataai. Uoti mai ni kabane taiani kabwianib'ai nakon te auti n am'arake, b'a e aonga n reke te am'arake n au auti. Ao i mwiina, N na kauki wintoon karawa ma ni kaonrakeingkami n te kab'aia teuana ma teuana.

M'akuri 2:39

B'a E a tia te Atua n anga ana taeka n akoi nakoimi, ao nakoia ami kariki, ao nakoia naba ake a mena i kiraroa, ake E weteia te UEA are Atuara nakoina.”

I-Rom 4:16

Ma ngaia ae iai te taeka n akoi i bukin te onimaki, b'a e na kaotaki aron te taeka n akoi aei b'a bon ana b'ai n tituaraoi te Atua, ao e na teimatoa arona i bukiia ana kariki Aberaam ni kabaneia; tiaki ti nakoia ake a ongeaba nakon te tua, ma nakoia naba ake a onimaki n ai aron Aberaam:

1.I-Korinto 15:58

Ma ngaia aei, tariu, aika kam tangiraki, kam na teimatoa, ao kam na aki toki ni kakaraoi ana m'akuri te UEA, ngkai kam ataia b'a a aki matebuaka ami m'akuri i bukin te UEA.

I-Karatia 3:29

Ngkana ana b'ai Kristo ngkami, ao boni kanoan Aberaam ngkami, ao kam na b'aib'ai n te taeka n akoi arei.