Itaia 65:16 - Te B'aib'ara

¹⁶ Kaain te aba ane e bubuti kakab'aiakina, e na tuangaki b'a e na kakab'aiaki mai roun te Atua ae e kakaonimaki. Ane e taetae ni bau e na taetae ni bau n aran te Atua ae e kakaonimaki.

Itaia 65:16 ပူးပေါင်းရင်းမြစ်များ

Iobi 11:16

Ao a na bane ni mauna nako taian kangaanga man am iango, n ai aron taian ieka aika tia n nako ao a m'anuokinaki.

Taian Areru 31:5

I kaaki taekau i nanoni baim; B'a Ko kamaiuai, te UEA ae te Atua ae Ko kakaonimaki.

Taian Areru 63:11

Ma e na kim'areirei te uea iroun te Atua; Ao a na kamoamoaa akana taetae n tuea n arana; Ma a na kainaki wiia akana atoatonga te kewe.

Taian Areru 72:17

E bia ururingaki arana n aki toki; E bia teimatoa ataakin arona kanga ai aron teimatoan taai. A bia butia te Atua botannaomata nako b'a E na kakab'aiaia, n ai arona ngke E a tia kakab'aia te uea.

Taian Areru 86:15

Ma Ngkoe, te UEA, bon te Atua n nanoanga ma n tangira; Ko aki kakai un, ao Ko b'ab'aina te te ataataiaomata ma te koaua.

Te Otinako 34:6

Ao i mwiina, e ri matan Moote ao e weewete ni kaangai, “Bon te UEA Ngai ae te Atua. I nanoanga ao I taotaonaki n nano nakoia au aomata. I kaota nakoim te tangira ae e korakora, ao te kakaonimaki.

Itaia 11:16

Ao e na karekea te kawai ae e tamaroa mai Aturia i bukiia ana aomata ake nikira ni maiu, n aron te kawai naba ae e tamaroa ngkoa i bukiia aia bakatibu ngke a kiitana Aikubita.

Itaia 19:18

E a roko te tai are e na taetae te aba iai n Ebera ni kaawan Aikubita ake nimaua, ao a na riki kaaina b'a taan onimakina te UEA. E na aranaki kaawana teuana b'a kaawan Taai.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 48:1

Kaain Iteraera kam nako mai roun ana utu Iakob'a ao barongan Iuta. Kam taekinna b'a kam taromauriia, te UEA ae Atuan Iteraera, ma kam kewe.

Itaia 54:4

Kam na aki maaku ke ni mamaa ao kam na aki buuang. E na aki b'ara nanomi. Kam na m'aninga ae bon taani bure ngkoa ngkami ma ngke kam uarereke; Ani katoka te mamaa i bukina ngkai ai akea buum.

Itaia 54:5

E tautaekana te aonnaba ni kabane te UEA ae Moan te M'aaka ae Atuaia Iteraera ae e Tabu. Bon te tia karikiko ao buum, ao e na bon kamaiungkami.

Itaia 65:19

N na kaonaki n te kim'areirei i bukin Ierutarem ma ana botannaomata. Akea ae e na tang ikekei, ao akea ae e na kakaea buokana.

Ieremia 10:10

Te UEA, bon ti Ngkoe te Atua ni koaua ae e maiu. Ko na tautaeka n taai nako. E m'aieie te aonnaba ngkana ko un, ao a mauna nako botannaomata.

Ieremia 12:16

A reireiniia au aomata ngkoa aron taromaurian B'aara. Ma ngkana a kakoaua b'a bon te Atua ni koaua Ngai, ao ngkana a kariaia au aomata b'a a na reireinaki irouia aron taromauriau, ao a na manga riki botannaomata aikai b'a Au aomata.

Ieremia 31:12

A na roko Au aomata n te Maunga are Tion ma ni karaoa aia bootaki ni kukurei; a na oota moaia i bukin Au kakab'aia. N na anganiia te uita, te kureebe, ao b'aan te oriwa, ao ai uana naba ma taian tiibu ao taiani kao. A na teetekeraoi Iteraera ao a na rikirake kaanga te nne n aroka ae e m'aiti te ran iai.

Ieremia 4:2

Kam na karaoa te berita ti n arau, ao karaoa nanon are kam berita iai! Ao ane a na bane iai botannaomata n neboai, ao N na kakab'aiaia.

Taniera 12:1

Ao e taku te anera are e kunnikaia n te rinen, “Ao ane e na kaoti te anera are Kabiriera are e kakawakiniia am aomata. Ane e na roko tain te kangaanga, aika a tuai ma n noonoria taiani botannaomata ma ngke a moani kaoti nakon te aonnaba aio. Ao ngkana e roko te tai anne, ao a na bane ni kamaiuaki am aomata ake a m'akoro araia n ana boki te Atua.

Taniera 12:11

Ngkana e a katokaki te angakarea are e katoa bong, ao e a kateaki te b'ai ae moan te kakamaaku, ao e na riai n tia ni bane 1,290 te bong.

Teb'ania 1:5

N na kamaunaia ake a tam'arakei taubukin aia auti man taromauriia taai, nam'akaina, ao taian itoi. N na kamaunaia naba ake a taromauriai man berita b'a ana kakaonimaki nako iu, ao a manga rairaki nakon te anti are Marekam.

Ioane 1:14

E riki n aomata te Taeka, ao E maeka i buakora. E on n te akoi ma te koaua, ao ti nora mimitongina, are mimitongina n arona b'a ti Ngaia Natin te Atua.

Ioane 1:17

E anganaki te aba te Tua irouni Mote; ma te akoaki ao te koaua a roko iroun Iesu Kristo.

Ioane 14:6

E kaekaa Iesu ao E taku, “Boni Ngai te kawai, te koaua, ao te maiu; bon ti Ngai te kawai i bukin ane kan nako n Tamau.

I-Rom 14:11

B'a e koreaki ae kaangai: E taku te UEA, “Ngkai I maiu, ao ane a na bane bubuaniwae ni katorobubua nako iu, Ao a na bane neewe n neboa te Atua.”

Te Tua-Kaua 10:20

Karinea te UEA ae Atuami, m'akuri i bukina, ao kam na berita n arana n ti Ngaia.

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Te Tua-Kaua 6:13

Taromauriia, ao ongotaeka iroun te UEA ae Atuami ma te maaku ao te ruru, ao berita b'a kam na kakaonimaki nakoina.

I-Biribi 2:11

ao b'a a na bane neewe n taku b'a te UEA Iesu Kristo, b'a E aonga n neboaki te Atua ae te Tama iai.

Te Kaotioti 20:4

Ao I noori kaintokanuea ma ake a tekateka i aoia b'a a anganaki te kona ni motiki taeka: bon aomataia ni koaua te koraki ake a tia ni mate ngke a kabakuaki i bukin tataekinan te koaua are E kaotiotia Iesu, ao i bukin tataekinan ana taeka te Atua. A aki taromauria te man are tiritiri, ao a aki taromauria naba te bouananti are katotongana; a aki kanikinaeaki ram'aia ma baiia n ana kanikina te man arei; ao a maiu, ma n uea ma te Kristo tengaa te ririki.