Itaia 65:15 - Te B'aib'ara

¹⁵ au Aomata aika a rineaki a na kamanenaa aram i bukin te kamaraia. Ma ngai, ae te UEA ae I tautaekan b'aai ni kabane, N na tiringingkami. Ao N na anganiia ake a ongotaeka irou te ara ae boou.

Itaia 65:15 ပူးပေါင်းရင်းမြစ်များ

Taian Areru 102:8

A taetae n iowawa nako iu taan ribaai ni katoa bong; A kamanena arau b'a aia taeka ni karereanti.

Taeka n Rabakau 10:7

A aki toki n ururingaki aomata aika a raoiroi e ngae ngkana a maan nako, ma a kai m'anuokinaki aika a buakaka.

Itaia 62:2

E na nooraki am tokanikai ae e korakora irouia botannaomata ao uea; e na anganiko aram ae e boou te UEA.

Itaia 65:12

Tokimi bon te mate kaakaiaki, i bukina b'a kam aki kaeka ngke I weteingkami, ao kam aki ongora naba ngke I taetae. Kam rineia b'a kam na bonotaninga nako iu ao ni karaoa naba ae buakaka.

Itaia 65:22

A na aki katei auti ao ni kaainaki irouia tekorakina; a na aki karaoi onaroka ao ni kanaki uaaia irouia tekorakina; b'a bongini maiun te aroka ai aron bongini maiuia au aomata, ao au aomata ake a rineaki a na maan aia tai ni kukurei ni m'am'akurin baiia.

Itaia 65:9

I a tia n rineia aomata aika Iteraera ao Iuta, N na kakab'aiaia ma kaain aia baronga. Ana maeka ikai n aaba aika maungaunga. ao ana riki b'a aia b'ai.

Itaia 66:15

E na ruorikaaki te UEA kaanga te ukeukenanti ao a na kaanibuaka aika taian ai. E na rangi n un ao ni katuaaia ana kairiribai n te ai.

Ieremia 24:9

N na katuaaia n te kabuanib'ai ae moan te kamaamate, ao a na maaku kaain aonnaba ni kabane ngkana a ongo taekana. N na kairoroia kaain Iuta b'a a na nako abaia ianena, ike a na kamaraiaaki ma ni kamamaaeaki iai.

Ieremia 25:18

I moanna mai Ierutarem ao kaawan nako Iuta, ao a bane ni keerikaaki man m'aakaia ma te b'ainrang te uea ma ana mataniwi nako. Ao a bane aomata ni manikangare ni kamamaaia i bukiia ma ni karika araia b'a taeka ni kamaraia.

Ieremia 26:6

ao N na urua te Tembora, n arou naba ngke I urua te kaawa are Tiro. Ao i mwiina, ane a na kamanenaa aran “Ierutarem” b'a te taeka ni karereanti nako ia aomata ni kabane i aon te aonnaba.

Ieremia 29:18

N na ririmwiia n taiani buaka, te baki, ao taian aoraki, ao a na bane ni maaku botannaomata n te aonnaba n te b'ai ae a nooria. A na tiaoki ma ni maaku aomata nako ake I kamaaenikuniia nako buakoia n te b'ai are e riki nako ia. Ane a na b'ainingareaki irouia aomata ao a na kamanenaaki araia b'a te kamaraia.

Ieremia 29:22

Ngkana a tangiria ni kamaraiaa temanna aomata ake a uotaki nako b'a taenikai mai Ierutarem nako B'aburon a na taekina ae e kaangai, “Ke e karaoa nakoim te UEA aron are E karaoia naba ngkoa nakon Tetekia ma Aaba, ake e kabuekiia uean B'aburon ngke a bon taratara mataia!”

Ieremia 42:18

I un Ngai ae te UEA irouia kaain Ierutarem ao I katuaaia. Ngkana kam nako Aikubita, ao N na bon un ao N na katuaaingkami n te aro naba anne. Kam na bon aki manga noora abami. Ane a na maaku aomata n te b'ai ae N nang karaoia nako imi, ao ane a na kabonganaa aran ami kaawa ae e buubura aei b'a te taeka ni kamaraia.

Ieremia 44:12

Bon ti tabeman ake a tangiria n tiku i Iuta, ao ngkami kam tangiria n nako Aikubita. Ma ane kam na mate n te mate ae e kakamaaku n te buaka ke te baki, n te aro are a na kamanenaa aran Iuta aomata tabem'aang b'a te taeka ni karereanti.

Etekiera 14:8

ni manga eekiko nako. N na karaoiko b'a te b'ai ni kauring nakoia tabem'aang akana a na karaoa naba te aekaki anne, ao ko na aki manga atongaki b'a au aomata. Ao ane ko na ataia iai b'a bon te UEA Ngai ae Ko a tia ni bure nakoina.

Tekaria 8:13

Kaain Iuta ma Iteraera, kam a tia n riki b'a b'ai ni kamaraia nakoia botannaomata nako, ma N na kamaiungkami ma ni kairingkami b'a te b'ai ni kakab'aia nakoia. Ma ngaia are, kam na aki maaku ke ni kabuai nanomi.

Mataio 21:41

A taku nako Ina, “Ane e na kamateia aomata ake a buakaka akekei n te aro ae a na kananoanga iai; ao e na anga taekani nnen te kureebe nakoia tabem'aang b'a a na tararuaia i bukina, ao a na anganna tib'ana man uaa n tain uaa n tawaa.”

Mataio 22:7

E un te uea, ao e kanakoia ana tautia, ao a tiringiia taani kamamate akekei, ao a kabuoka aia kawa.

M'akuri 11:26

Ao ngke e reke i rouna, ao e kairiia nako Antioka. Teuana aia ririki ni bobotaki ma kaain te ekaretia ikekei, ao a reireia aomata aika bati. Antioka bon te tabo are a moa n atongaki iai taan onimaki b'a Kristian.

I-Rom 9:26

ao n te tabo are e taekinaki iai ae kaangai nakoia, ‘Tiaki au aomata ngkami,’ ao a na atongaki naba iai b'a natin te Atua ae maiu.”

1.I-Tetaronike 2:16

ao a kataia n tukiira b'a ti na aki taetae nakoia aomata aika tiaki I-Iutaia, n taeka aika a na kamaiuaki iai.

Te Kaotioti 2:17

“Ane iai taningana n ongo ao ke e ongo ana taeka te Tamnei are Raoiroi nakoia ekaretia. “Ane tokanikai ao I a anganna te maana are raba, ao N na anganna te atibu ae mainaina ma te ara ae boou ae koreaki i aona, ae te ara ae akea temanna ae ataia b'a ti ane anganaki.