Itaia 65:14 - Te B'aib'ara

¹⁴ A na anene ni kim'areirei, ao ngkami kam na tangi ma te uruaki n nano.

Itaia 65:14 ပူးပေါင်းရင်းမြစ်များ

Iobi 29:13

A neboai aomata ake a mena i nanon te rawawata ae moan te korakora, ao I buokia aine aika mate buia ni karekea te kukurei nako ia.

Taian Areru 109:28

Aia b'ai te karereanti, ma am b'ai te kakab'aia. A bia konaaki aoia aiau, ngkana ana ewekai ao ngai ae am Toro, I bia kukurei!

Taian Areru 66:4

A bane aomata nako i aonnaba n taromauriko; A anene ni kamoamoako, A anene ni kamoamoa aram.”

Itaia 13:6

Kam na tang ma ni katuu ranin matami! E a roko te bong are e na karokoa iai te urub'ai te UEA ae Moan te M'aaka.

Itaia 24:14

A na takaarua aomata ake i maeao; a na neboa teuare E Karineaki ma te kukurei.

Itaia 50:11

Rimoa ao nakonako n ootan te ai are ko a tia ni katauraoia. Ma e na bon oreiko ma ni katuuaeko ni bon oin baina.

Itaia 51:11

A nang oki ngkai nako Ierutarem koraki ngkoa ake ko a tia ni kamaiuia, a na anene i aoni kawaia. A na katokaaki aia baunuea ma te kukurei ae moan te korakora, ao a na aki manga karawaawataaki n te nanokaawaki ao te rawaawata n nano.

Itaia 66:14

Kam na kukurei ngkana kam nooria b'a a riki baikai; e na manga waekoa riki okin korakorami nakon te rikiraken te uteute ae e a tib'a bwebwerake. Ao ane a ataia aomata b'a e mena te UEA irouia ana taan m'akuri nako ao e un nakoia ana kairiribai ni kabane.

Itaia 9:3

Ara UEA, ko a tia ni kakorakoraia am botannaomata. E reke mairoum kukureia ao karaoan aia bootaki ni kukurei kaaina kaanga taani m'akuri n tain te tai ke kaanga tautia aika a tib'ai b'aai ake a tia n reke irouia.

Ieremia 31:7

E taku te UEA: Karaoa ami bootaki ni kukurei ao anene i bukin Iteraera, te botannaomata ae te kabanea ni korakora. Anga ami nebonebo ao takaarua, “Nakomai, Kamaiuia Am aomata, te UEA! Kamaiuia nikiraia Iteraera.”

Mataio 13:42

ao ane a na teweia nako nakoni nnen te ai, ike a na tang ao a na tenai riaia iai b'a kaotan ae a rotaki n te maraki ae korakora.

Mataio 22:13

E taku te uea ngkanne nakoia tooro, Kabae baina ma waena ao tewea nako nanon te roo are i ao, are te tabo ike a na tang iai aomata n tenai riaia b'a kaotan ae a rotaki n te maraki ae korakora.

Mataio 8:12

ma te koraki ake a riai ni mena i nanon Uean te Atua, a na teweaki nako nako nanon te roo are i moone, ike a na tang ma n tenai riaia iai b'a kaotan ae a rotaki n te maraki ae korakora.”

Ruka 13:28

Ane kam na tang ao kam na tenai riami ikekei ni kaota ae kam un, ngkana kam nora Aberaam, Itaaka, Iakob'a ma burabeti ni kabaneia n uean te Atua, ao ngkami kam teweaki nako tinaniku.

Iakobo 5:1

Ongora ngkai, ngkami akana kam kaub'ai: kam na kanenei b'anaami n tang ni korakai i bukin aaro ni karawaawata aika nangi riki nakoimi.

Iakobo 5:13

E taonaki temanna i buakomi n te rawawata? Ke e tataro. E kukurei temanna? Ke e anene.