Itaia 65:10 - Te B'aib'ara

¹⁰ A na taromauriai ao N na kairiia aia tiibu ma aia nanai ni kao ni kawakinia i Aoraoin Tiaron i maeao ao i nanon M'aruan te Kaangaanga i mainiku.

Itaia 65:10 ပူးပေါင်းရင်းမြစ်များ

1.Rongorongo 27:29

Te tia tararuai maan ake a kaawakinaki n te aba ae e aoraoin Tiaron bon Titerai are kaain Tiaron, ao te tia tararuai b'aai ake a kaawakinaki n taian m'arua bon Tiabata are natin Aterai te m'aane.

1.Rongorongo 5:16

A maeka kaain te baronga are Kata ni kaawa ake n aonon nako Batian ao Kireata, ao ai uana naba ma te tabo n uteute are i Tiaron.

Itaia 33:9

A m'au ma n akea arokan aon taian tawaana; E mauna raoiroin te Maunga are Reb'anon n te maamaa. E a riki b'a te rereua te M'arua are Tiaron; a mrara baan arokan buakonikain Batian ao Karemera.

Itaia 35:2

Ane a na ure ueen taian rereua n taabo nako ao a na anenei kuuna aika a kakukurei. A na kakannato n ai aron te Maunga are Reb'anon, ao ni mimitong kaanga te Maunga are Karemera ke te M'arua are Tiaron. Ane a na bane aomata nako n noora kamimiin mimitongin te UEA ae Atuara.

Itaia 51:1

Ngkana kam tangiria ni karaoa ae e raoiroi ao n ongotaeka iroun te UEA ao kam na katotoonga Aberaam. Boni ngaia te b'a are kam ekeaki mai iai.

Itaia 55:6

Rairaki nakon te UEA! E boni konaa naba n reke. Weewetea te Atua! E kaan.

Ieremia 29:13

Ane kam na taromauriai ma nanomi ni koaua, ao N na raraoningkami

Ieremia 33:12

E taku ana taeka te UEA ae Moan te M'aaka, “N te aba aei are kaanga ai aron te rereua ao akea aomata ma maan ni maiu iai ngkoa, a na manga reke iai taabo n uteute ike a na kairiia aia tiibu taani kaawakintiibu nako iai.

Ieremia 50:19

Ma N na uota Iteraera ni kaokia nakon oin abana. A na riki aomata b'a kaanga tiibu aika a am'arake ni kaon raoi birotoia i aon te Maunga are Karemera ao i B'atian, n aba are tabukibuki are i Eberaim ao i Kireata.

Otea 2:15

N na kaoka am nnenaroka ni kureebe, ao i mwiina te M'arua are Kangaanga are e na riki b'a M'aruan te Kantaninga. Ane ko na kaangai “Eng” nako iu n aron are ko karaoia ngkoa ngke ko kairake, ngke ko kiitana Aikubita.

M'akuri 9:35

A bane n nora teuare kamaiuaki aomata ake a maeka i Rura ao i Tiaron, ao a riki b'a taan onimakina te UEA.