Itaia 64:9 - Te B'aib'ara

⁹ Ko na aki kabuakaka nanom ke ni katuka ara bure inanom n taai nako! Uringnga b'a bon am aomata ngaira ni kabane.

Itaia 64:9 ပူးပေါင်းရင်းမြစ်များ

2.Uea 25:9

E kabuoka ana Tembora te UEA Nebutaratan, ma ana bareti te uea, ao kateitei aika a buubura ni kabane aika a kakannato i nanon te kaawa are e buubura arei, ao ai taian auti.

Taian Areru 119:94

Bon am B'ai ngai-kamaiuai! b'a I a tia ni kekeiaki n ongeaba nakon am Taeka.

Taian Areru 38:1

Te UEA, ngkana Ko un, ao tai boaai Ke ni kaeta arou n te aro ae N na karawaawataaki iai.

Taian Areru 6:1

Te UEA, Ko na tai boaai, ke ni kataereai n reireiai ngkana Ko un.

Taian Areru 79:13

Ao ngaira, aika am Aomata, aika am Nanai n tiibu, ti na neboiko n taai nako, Ao ti na tataekina kamoamoaam nakon te rorona ma te rorona.

Itaia 43:25

Ma I kamaunai ami bure i bukina Ngke Ngai ae boni Ngai. Ma ngaia are, I m'aninga taiani kairua ake kam a tia ni karaoi.

Itaia 57:17

E kamaraka nanou nanonrangim. Ao bon anne bukina are I katuuaingkami iai ao I ribaa rekeu iroumi, i nanon ami tai n okiri maiumi nikawai aika a bure.

Itaia 60:10

Ierutarem, e na manga karaoaki oom irouia ianena; e na riki aia tautaeka b'a ami toro. I katuaaeko ngkoa n uniu ao ngkai N na nanoangaiko ao N na akoiko.

Itaia 63:18

E aki rangi ni maan ni b'ainaki am tembora iroura. ao ngkai a tia ara kairiribai ni kab'aka.

Itaia 63:19

Ti karaoa aron ae kaanga ko aki tautaekaniira ke ti tuai aranaki b'a am Aomata.

Itaia 63:8

E kamaiuia ana Aomata te UEA, ao e taku, “Bon Au b'ai. A aki konaa ni kam'aneai.”

Ieremia 10:24

Ko na kaeta arou, n aron ae e bon riai ni karaoaki nako iu, ma ko na aki marakinnanoai, b'a I kaawa ni mate.

Ieremia 3:12

Ieremia, ko na takaarua nako meang: Iteraera, bon ami UEA Ngai okirai! Kam aki kakaonimaki ao kam rangi ni kaunai, ma I bon nanoanga, ma ngaia ae, I kab'arai ami bure.

Ieremia 44:21

Kam bon aki ataia b'a te UEA E ataa te b'ai are kam karaoia ma ami bakatibu, ma ami taani kairiiri ao ami uea, ao aomata ni kabane; are kam kabuoka te b'ai ni kaboiarara nako ia anti tabem'aang i Ierutarem ao n taabo nako i Iuta?

B'aeb'aeti 2:7

E rangi n ribaa ana baonikarea te UEA, ao e kamaunaa ana Tembora are e tabu; E kariaia rokoia kairiribai ni kamaenikuna oon te Tembora. A tatakarua i nanon te Tembora are ti tataromauri iai kairiribai ni kaota aia tokanikai.

B'aeb'aeti 5:18

i bukina b'a e a tiku ni kitanaki ma ni kamaroaa te maunga are Tion, ao e a riki b'a ai nneia kameanti.

B'aeb'aeti 5:20

Bukin tera ngkai Ko aki toki ni m'anuokiniira? Ko bia manga ururingiira?

B'aeb'aeti 5:22

Ko na bon teimatoa naba n aki kubariira? E a aki tootoki unim?

Etekiera 29:16

A na aki manga onimaki au botannaomata ae Iteraera i aon am botannaomata. Ni koauana, ngkana a ururing Iteraera ni uringa te b'ai are e riki ngkoa nakon Aikubita, ao a na bae n namakina aia kaairua ngke a rairaki nakoim ni kakaaea buokaia. Ao i mwiina, a na ataia Iteraera b'a boni Ngai are te UEA ae te Atua ae I karaoi baikai.

Nakoaia Ibonga 26:31

N na kamaunai ami kaawa aika a uarereke ma ami auti nako n taromauri, ao N na aki manga kukurei ni boin nako ami karea.

Ab'akuka 3:2

Te UEA, I a tia n ongo baika Ko a tia ni karaoi, ao I onrake n te maaku. Ngkai ti maiu ao baike Ko a kaman kakaraoi. Ko na nanoanga, e ngae ngkana iai unin nanom.

Maraki 1:4

Ane a na kaangai kanoan Etau, “E ngae ngke urubekebeke ara botannaomata ae e Etom, ma ti konaa ni manga kateia.” Ma I berita Ngai ae te UEA ae Moan te M'aaka b'a N na raebiti b'aai nako akana a manga katei. Ao ane a na ataai aomata nako b'a I aki konaa ni katoka uniu irouia i bukina ngkai e rangi ni korakora aia bure.

2.Betero 2:17

Boni kanga m'anib'a aika akea te ran i nanoia te koraki aei, ao kanga mabubu aika buti b'a a ukaki n te ang ae baibati; e kawakinaki i bukiia neia n te roo ae rotongitong.

Te Kaotioti 20:10

Ao te riaboro are e m'am'anaia e a teweaki nako n te nama are te ai ma te burimton, ike e mena naba iai te man are tiritiri ma te burabeti ni kewe; ao a na kamarakaki ni ngaina ao ni bong n aki totoki.