Itaia 64:8 - Te B'aib'ara

⁸ bon Tamara Ngkoe te UEA. Bon ti taian m'angko taano ngaira, ao Ngkoe te tia karao m'angko n taian tano.

Itaia 64:8 ပူးပေါင်းရင်းမြစ်များ

Iobi 10:3

E koaua b'a e raoiroi b'a Ko na iowawa? E riai i Roum b'a ko na ribaa te aomata are ko bon karaoia? Ao ni kariaia aia waaki aomata aika buakaka?

Taian Areru 100:3

Kam na ataa te UEA b'a bon te Atua Ngaia. Boni Ngaia ae karikira, ao ana b'ai ngaira; Bon ana Aomata ngaira, aika E kakawakinira b'a kanga ai aroia tiibu.

Taian Areru 119:73

Ko karikai, ao Ko kawakinai raoi; kawanawanaai b'a I aonga n reireiai am Tua.

Taian Areru 138:8

Ko na kakoroa bukin am kaantaninga i buku; te UEA, akea tokin am tangira. Ko na katia te m'akuri are Ko a tia ni moana karaoana.

Taian Areru 74:1

Te Atua, Ko aera ngkai Ko kitanira n te aro aio? E na toki ningai unim irouia am Aomata?

Taian Areru 95:6

Nako mai, ti na bobaraaki n taromauria; ti na katorobubua i matan te UEA ae te tia karikira!

Te Otinako 32:12

Ane a na taku kaain Aikubita b'a Ko kaotinakoia nakon te maunga aei b'a ko na karaoi taekaia iai. I butiiko b'a Ko na aki un irouia am aomata. Ko na aki tiringiia!

Te Otinako 4:22

Ao i mwiina, ko na tuangnga te b'ai are I taekinna, “Iteraera bon Au karimoa te mm'aane,

Itaia 19:25

Ao i mwiina anne, e na kakab'aiaia te UEA ae Moan te M'aaka ni kaangai, “Bon au aomata kaain Aikubita. I karikiia kaain Aturia ao I rineia Iteraera.”

Itaia 29:16

Kam kareei b'aai ni kabane. E aki taetae ni kaangai te raurau te tano ae e anaanau nakon te boora te tano, “Ko aki karaoai. ao bon akea naba te b'ai ae ko ataia mairou.”

Itaia 43:25

Ma I kamaunai ami bure i bukina Ngke Ngai ae boni Ngai. Ma ngaia are, I m'aninga taiani kairua ake kam a tia ni karaoi.

Itaia 43:7

Bon au aomata I karikiia n tatabemaniia nako b'a a na karineai.”

Itaia 44:21

Kaain Iteraera, bon au taani m'akuri ngkami; ma ngaia are, kam na uring b'aai aikai ni kabane. Iteraera, I karikingkami, ao bon au taani m'akuri ngkami. I bon aki m'aninga taekami.

Itaia 44:24

Iteraera, bon ami UEA Ngai. Boni Ngai boton maiumi. ao I a tia ni kamaiungkami. I kariki b'aai nako ma i karawa i eta nakon te aba i nano.

Itaia 45:11

Bon te UEA Ngai, te Tia Karikib'ai, Atuan Iteraera ae E tabu. Ko na kataia n titirakinai i bukin au botannaomata ke i bukin te b'ai ae I a tia ni karaoia?

Itaia 45:9

Iteraera, bon akea riaim b'a ko na kauntaeka ma te Tia Karikib'ai. Bon ti te m'angko te tano ngkoe ae ko borikaki iroun te tia karao m'angko. E aki konaa n titiraki te m'angko te tano, “E aera ngkai ko karaoai n te aekaki aei A anga taningau?”

Itaia 57:16

au Aomata, e a toki uniu ao I aki manga bukiningkami. B'a bon te tia karikingkami Ngai. I aki tangiringkami b'a e na b'ara nanomi n te aro ae moan te korakora.

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Itaia 63:16

A tia ni kaai ni katinanikuira ara bakatibu ake Aberaam ao Iakob'a. Ma Ko bon teimatoa naba n riki b'a Tamara; Ko a tia n riki b'a te tia kaawakiniira man taai ake ngkoa.

Itaia 63:8

E kamaiuia ana Aomata te UEA, ao e taku, “Bon Au b'ai. A aki konaa ni kam'aneai.”

Itaia 9:6

E a tia ni bungiaki te teei i bukira. Ti a tia n anganaki te nati te m'aane are e na riki b'a ara tia tautaeka. Aikai arana Te Tia Iango Ae Kamimii ao te Atua ae e M'aaka, te Tama ae Akea Tokina ao Te Uea n Raoi.

Ieremia 31:9

Ane a na tang ma n tataro ngkana I a kaokiia nakon mwengaia. N na kairiia i nanon raanga n ran. A na nakonako i aon te kawai ae e booraoi ao a na aki reke waeia. Boni Ngai tamaia Iteraera, natiu ae I rangi n tangiriia.

Otea 1:10

Ane a na roko boong ae e na kangaanga iai warekaia Iteraera, b'a a na rangi ni m'aiti kaanga tanon mataniwiin te bike. A atongaki ngkai b'a “Tiaki Au Aomata,” ma ni boong aika a na roko a na atongaki b'a “Natin te Atua ae E Maiu.”

Maraki 2:10

Kam aki ataia b'a ti bane n toa ma Atuara kaanga tamara? Tiaki bon ti temanna te Atua ae e karikiira ni kabane? Ao e aera ngkai ti a manga kam'aneia aomata nako n urua Ana boraraoi te Atua ma ami bakatibu?

Ioane 8:41

Kam karaoa are e karaoia tamami.” A taku nakoina, “Tiaki natintam'a ngaira; ti temanna Tamara, b'a te Atua.”

I-Karatia 3:26

B'a kam a riki b'a natin te Atua ngkami ni kabaneingkami n onimakinan Kristo Iesu.

I-Karatia 3:29

Ngkana ana b'ai Kristo ngkami, ao boni kanoan Aberaam ngkami, ao kam na b'aib'ai n te taeka n akoi arei.

I-Ebeto 2:10

B'a kanoan ana m'akuri ngaira, aika ti karikaki i nanoni Kristo Iesu i bukini m'akuri aika raraoi, ake E a kamani katauraoi b'a ti na karaoi.

Te Tua-Kaua 32:6

Bon te UEA tamami, Iteraera, are E boni karikingkami, ma kam kabooa mwiin karikami ni m'akuri ni baba.

Te Tua-Kaua 9:29

Ma Ngkoe ara UEA, ko rineia Iteraera b'a am Aomata ni koaua, ao Ko kamaiuia ni baim ae m'aaka mai Aikubita.