Itaia 64:7 - Te B'aib'ara

⁷ Bon akea riki ae e taromauri n aram ke n tiku ni kakaonimaki. Ko a tia n tannako mairoura ma ni kariaia te bure b'a e na kaniira nako.

Itaia 64:7 ပူးပေါင်းရင်းမြစ်များ

Iobi 10:9

Uringnga b'a Ko bon karaoai man te bokaboka, ao Ko nang manga urua rab'atau ni kaokia nakon te tano?

Iobi 8:4

A boni bae n tia ni bure natim nakon te Atua, ma ngaia are, E katuuaia ni uaan aia m'akuri.

Taian Areru 100:3

Kam na ataa te UEA b'a bon te Atua Ngaia. Boni Ngaia ae karikira, ao ana b'ai ngaira; Bon ana Aomata ngaira, aika E kakawakinira b'a kanga ai aroia tiibu.

Taian Areru 14:4

Buakaka ma kammaira! E koaua b'a kam boni rangi ni bangab'ai? Kam raarawa n tataro, ao kam kang ana Aomata te UEA.

Te Otinako 32:12

Ane a na taku kaain Aikubita b'a Ko kaotinakoia nakon te maunga aei b'a ko na karaoi taekaia iai. I butiiko b'a Ko na aki un irouia am aomata. Ko na aki tiringiia!

Itaia 1:15

“E aoria ngkana tao ai iraua ami tataro, N na bon aki kan ongo. Kam a rangi n akiako.

Itaia 27:5

Ma ngkana e mwiokoai te nnenaroka ni kureebe i bukin kaawakinana, ao e na riki b'a raoraou ao N na rau ma ngaia.

Itaia 45:9

Iteraera, bon akea riaim b'a ko na kauntaeka ma te Tia Karikib'ai. Bon ti te m'angko te tano ngkoe ae ko borikaki iroun te tia karao m'angko. E aki konaa n titiraki te m'angko te tano, “E aera ngkai ko karaoai n te aekaki aei A anga taningau?”

Itaia 50:2

I roko ni weeweteingkami, ma kam aki kan ongo. Tao e a tia ni bua m'aakau ni kamaiungkami ao ni katoka ami kangaanga? A ikinako taiani marawa ao taiani karaanga n au taeka ao a riki b'a taian rereua; a mate taian ika ao a m'aung i bukina ngke e a bane te ran.

Itaia 54:8

I tannako ngkoa n te tai ae e aki maan ma te maraki n nano. Ao ngkai e a reke irou te nanoanga ao te tangira ae akea tokina! Boni Ngai ae te tia kaawakiniko ao am UEA, ae I a tia ni berita n aei.”

Itaia 56:4

E taku te UEA nako ia: Karinea te Taabati, ongotaeka irou, ao kaawakin ara booraraoi.

Itaia 57:17

E kamaraka nanou nanonrangim. Ao bon anne bukina are I katuuaingkami iai ao I ribaa rekeu iroumi, i nanon ami tai n okiri maiumi nikawai aika a bure.

Itaia 59:16

E na bon rangi n ribaaki riki i rouna ngkana e ataia ae akea ae e konaa ni karaoa anne. Ma ngaia are, e na bon karekea te tokanikai i bukin te koaua n oin baina ae m'aaka.

Itaia 59:2

A riki ami bure b'a taian totoko i marenami ma Atuami. Ao bon anne bukina are e aki kaekai iai ami tataro ke n aki iai noora matana.

Itaia 59:4

Kam bukiniia tem'angina n te aro ni kewe ao kam taekina te kewe n te kabowi ni kaburebure; araia natimi boni buure ma kangaanga.

Itaia 63:16

A tia ni kaai ni katinanikuira ara bakatibu ake Aberaam ao Iakob'a. Ma Ko bon teimatoa naba n riki b'a Tamara; Ko a tia n riki b'a te tia kaawakiniira man taai ake ngkoa.

Ieremia 9:7

Ma ngaia are, I kabooua nanoia Au aomata kaanga te koora ae e kabouaki n te ai ae e uram'aaka. Bon akea te anga riki teuana ae N na karaoia.

Etekiera 22:30

I tarataraa temanna are e na tei i bukin te kaawa ma ni kamanoa man uniu, ao ai uana naba ma katokan uruakana Irou. Ma bon akea temanna ae e reke.

Etekiera 24:11

Ao i mwiina, ko kanakoa kanoan nako aon taiani kooro aika kabuebue ni karokoa e a takarokaro. E na itiaki te b'aata n te aro anne ma ni kabueka te raraa ni kanakoa.

Otea 5:15

Ao i mwiina, N na rairaki nakon Au tembora ni karokoa a kaota aia kaairua ma n taromauriai, ni karokoa a korakai nanoia ma ni buubuti buokaia.

Otea 7:14

A bon aki naba tataro nako iu; a ti tang ni korakai i aon aia kainiwene. A ribaai i bukin B'aara ao a korobiti rab'ataia i bon irouia, ma te kaantaninga b'a B'aara e na kakab'aia arokaia.

Otea 7:7

Bon taian ai ngaiia aika a tiringiia aia taan kairiiri. Ao akea korakoraia aia uea bon akea temanna mai buakoia ae e onimakinai.

Maraki 1:6

Iai te b'ai ae N na taekinna Ngai ae te UEA nakoia ibonga. A karineia tamaia naati ao a karineia aia toka taani m'akuri. Bon tamami ao ami toka Ngai, ao e aera ngkai kam aki karineai? Kam a tia ni katinanikuai ngkami aika ibonga, ao ngkai kam titiraki ni kaangai, “Ti katinanikuko n te aro raa?”

Maraki 2:10

Kam aki ataia b'a ti bane n toa ma Atuara kaanga tamara? Tiaki bon ti temanna te Atua ae e karikiira ni kabane? Ao e aera ngkai ti a manga kam'aneia aomata nako n urua Ana boraraoi te Atua ma ami bakatibu?