Itaia 64:5 - Te B'aib'ara

⁵ Ko buokiia ni kabane akana a kukurei n ongotaeka ao ni karaoi b'aai akana ko tangiri, ma e karika marakin nanon te bure. Bon ti am buobuoki ae ti na kamaiuaki iai.

Itaia 64:5 ပူးပေါင်းရင်းမြစ်များ

Taian Areru 103:17

E teimatoa ana ataataiaomata te UEA nakoia akana karinea; Ao E teimatoa arona n raoiroi nakon te rorona ma te rorona

Taian Areru 112:1

Kam na takaruaea neboan te UEA! E kakab'aia aomata ni kabane te UEA, akana taromauriia ao ni kukurei n ongeaba nakon ana tua.

Taian Areru 25:10

N ana kakaonimaki ma ana tangira E kaiririia ake a kawakina ana boraraoi ma akana ongeaba nakon ana tua.

Taian Areru 37:4

Karaoa ae E tangiria te UEA, Ao E na anganiko te b'ai ae e tangiria nanom.

Te Otinako 20:24

Kam na karaoa te baonikarea man te tano i buku, ao kam na kabuoka i aona te karea ae ami tiibu, ao ami kao b'a ami karea ae na kabuokaki ni kabane b'a taiani karea n raoi. N na bon kawaringkami ni kakab'aiaingkami n taabo ni kabane ake I a tia ni katabui b'a ami tabo n taromauri.

Te Otinako 25:22

N na kaitibo ma ngkami ikekei i marenaia maan ake uoman ao N na tuangko te b'ai ae a riai ni karaoia au aomata ao te b'ai ae a riai n aki karaoia.

Te Otinako 30:6

Katuka te baonikarea i matan keetenin te Um'antabunrianna. E na kaawakinaki te Atiniberita ma te tabo n akoi. Ao N na taetae ma ngkoe ikekei.

Itaia 1:30

Kam na riki b'a kaanga te buakonikai ae e uarereke ae e mate n te rongo.

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 26:13

A tia n tautaekaniira tem'angina i rarikim, te UEA ae te Atua, ma ti bon ti ongotaeka iroum.

Itaia 27:8

I Karaua ni wareb'aia tuaan Iteraera ma ni kanakoa te ang ae e kabuebue b'a e na kakioia nako kiiraroa.

Itaia 63:10

Ao i mwiina a rairaki ana Aomata te UEA ni manga kaitaraa ao a kananokawakaki Tamneina ae e Raoiroi ae e Tabu. Ma ngaia are, e a manga riki b'a aia kairiribai ao e a manga buakaniia.

Itaia 63:7

N na taekin aron ana m'akuri te UEA aika E a tia ni karaoi. A bon riai n nebonebo! E a tia ni kaota ana akoi te UEA nakoia Iteraera; e a tia n akoi ao ni karaoa ae e raoiroi.

Taniera 9:5

Ti a tia ni bure, Ti a tia ni karaoa ae e buakaka, ma ni karaoi baika a kaairua. Ti a tia n aki butim'aai baike Ko tua b'a ti na karaoi man tannako mani baike a eti ake Ko a tia ni kaoti nakoira.

Otea 11:8

Iteraera, I aki konaa ni kanakoko. I aki konaa ni kaaki taekam. N na kangaa ni konaa n uruaniko n aron are I karaoia nakon te kaawa are Atema ao Teboiim? I aki kona ni karaoia E nang korakora nanou i bukimi.

Otea 6:3

Ti na karaoa ara kabanea n tamaroa n ukoukora ataakin te UEA. E a bon roko kaanga taai n te ingabong; E na manga kamaiu nanora kaanga te karau ngkana e kabooua te aonnaba i nanon tain tokin te kam'aitoro.

Tekaria 3:3

A a rangi ni baarekareka ana kunnikai Iotua.

Maraki 3:6

Kanoan Iakob'a, bon te UEA Ngai ae Moan te M'aaka, ao I aki konaa ni bitaki. Bon anne bukina ngkai kam tuai man uotaki nako,

M'akuri 10:35

E kukurei iroun ane iai i rouna karineana ae moan te bati, ao e kakaraoa ae e raoiroi, e aoria b'a kaain te botannaomata ra ngaia.

Ebera 4:16

Ma ngaia ae ti na tai maaku ni kaania ana kaintokanuea te Atua are e akoaki te aba iai, b'a ti aonga n anganaki te nanoangaki, ao ti aonga ni karekea te akoaki ngkana a kai nanora.