Itaia 64:11 - Te B'aib'ara

¹¹ E a tia ni mauna n te ai Tion ao te Tembora are e tabu ike a neeneboiko iai ara bakatibu. A riki b'a b'ariko n atiibu ara auti nako ngkoa ake a rangi n tamaroa.

Itaia 64:11 ပူးပေါင်းရင်းမြစ်များ

1.Uea 8:14

Ao e rairaki Toromon nakoia aomata ake a tei ikekei. Ao i mwiina e kakabawaiaia

1.Uea 8:56

Neboa te UEA. E a tia ni kaawakina ana berita ma n anganiira te rau. E a tia ni koro bukin ana berita ni kabane ake E berita iai nakon ana toro are Moote.

2.Uea 25:9

E kabuoka ana Tembora te UEA Nebutaratan, ma ana bareti te uea, ao kateitei aika a buubura ni kabane aika a kakannato i nanon te kaawa are e buubura arei, ao ai taian auti.

2.Rongorongo 36:19

A kabuoka te Tembora ana taanga ni buaka Nebukaneta ao a urui b'aai ni kabane kateitei aika a kakaawaki ake i nanon oon te kaawa are e buubura arei.

2.Rongorongo 6:4

Neboa te UEA ae Atuan Iteraera! E kaotinakoia ana aomata mai Aikubita n taai ake ngkoa

2.Rongorongo 7:3

Ao ngke a noora te ai ma mimitongin te UEA te koraki n aomata arei, ao a katorobubua ao n taromauriia te UEA. A tataro ni kaangai: “E raoiroi te UEA, ao akea tokin ana tangira.”

2.Rongorongo 7:6

Ao a bane n teirake aomata i nanon tain te botaki. Ao a bane ni mena taian ibonga n aia tabo ake a tia n anganaki, ni katangi taian buu. A kaaitaraaki irouia kanoan Rewi, ni katangi taian b'ai ni katangitang ake e a tia ni karaoi Tawita b'a a na kamanenaaki i bukin neboakin te UEA i bukin ana tangira ae akea tokina.

Itaia 63:18

E aki rangi ni maan ni b'ainaki am tembora iroura. ao ngkai a tia ara kairiribai ni kab'aka.

Ieremia 52:13

E kabuoka Ana Tembora te UEA, ao ana bareti te uea, ao auti ni kabane aika a kakannato i nanon te kaawa.

B'aeb'aeti 1:7

Ngkami aika kaain Ierutarem, kam na uringi b'aai aika a tamaroa ni boong aika a b'akanako. Ngke e b'aka irouia ana kairiribai ao bon akea ae kani buokia. Ao a ngareakinna ana kairiribai ngke e a konaaki.

B'aeb'aeti 2:1

E karokoa te rootongitong ae korakora te UEA i aon Tion i bukin unna. E onika mimitongina are b'aka mai karawa nakon te urubekebeke. E na bon aki rin naba n ana Tembora n te bong are E un iai.

B'aeb'aeti 2:7

E rangi n ribaa ana baonikarea te UEA, ao e kamaunaa ana Tembora are e tabu; E kariaia rokoia kairiribai ni kamaenikuna oon te Tembora. A tatakarua i nanon te Tembora are ti tataromauri iai kairiribai ni kaota aia tokanikai.

Etekiera 24:21

b'a e a tauraoi n urua te Tembora ike kam kainikatonga iai ao are kam taku b'a kam mano raoi iai. A na tiringaki natimi aika a maeka ngkai Ierutarem.

Etekiera 24:25

E taku te UEA, Etekiera, N na waekoa n urua te Tembora are kam kainikatonga iai ma n taku b'a kam mano iai, ao N na uotiia nako naba natiia.

Tekaria 1:12

Ao e taku te anera i bukin arei, “Te UEA ae Moan te M'aaka, Ko a tia n un iroun Ierutarem ma Iuta i nanon itibwi te ririki. N ningai te tai ae Ko na nanoangaiia iai?

Mataio 24:2

Ao E kaekaia Iesu ni kangai, “Tiaki kam nori baikai ni kabane? E koaua ae I a tuangngkami b'a ane e na bon aki tiku ikai te atibu teuana i aon te atibu teuana; a na bane ni kab'akaki.”

Te Tua-Kaua 29:23

b'a e a riki b'a te rereua ae rangi ni kabuebue ae taari aona ni kabane, ao te bubu ae m'auteretere, ao akea te aroka ae e kona ni unikaki iai, akea te aroka ae kona ni bwebwee iai, ao bon akea naba te aroka ae e kona ni maiu iai. A na riki abami b'a kaanga aron maten aaba ake i rarikin kaawa ake a buubura ake Tootom, Komora, Atema, ao Teboiim i mwiin unin te UEA irouia ao E kamaunaia.