Itaia 64:1 - Te B'aib'ara

¹ Bwenauai taiani karawa! Ruorikaaki, te UEA; karurui taiani maunga.

Itaia 64:1 ပူးပေါင်းရင်းမြစ်များ

Taian Areru 46:6

A kiriwe botannaomata b'a a maaku, a nako buaka waaki n tautaeka n aaba ake iai ueaia; E taetae te Atua n te b'anaa ae korakora, kanga ai aron rebwen te baa, ao e riki n ran aonnaba.

Taian Areru 68:8

Ao e m'ainging aon te aba, ao e b'aka te karau, i bukin rokom Atuan Tinai, ae Atuan Iteraera.

Taian Areru 79:10

E aera b'a a na kaangai nakoira botannaomata, “Engaa Atuam?” Ti na noriko ni kareke kaiia botannaomata i bukini katuuan raraaia am Toro.

Te Otinako 19:11

ma ni katauraoia n te bong are i mwiin te ingabong b'a N na ruo nako aon te Maunga are Tinai n te bong anne, n te aro ae a na bane n noorai aomata ni kabane.

Te Otinako 3:8

ao I ruo rikaaki ngkai b'a N na kamaiuia mairouia kaain Aikubita. N na kaotinakoia Au aomata mai Aikubita nakon te aba ae e maiu reirei, ae e m'aiti iai te miriki ma ana karewe te manibeeru. N na anganiia te aba are a maeka iai ngkai kaain Kanaan, kaain Eta, kaain Amora, kaain Berita, kaain Iwa ao kaain Iebuti.

Itaia 41:15

N na kairiko kaanga te kai ae e onrake n taian ing. Ao ko na kamanti ma ni kamanatui taiani maunga ma tabuki ni karokoa a riki b'a te taaurouro.

Itaia 63:15

Taiaoka te UEA, taratara rikaaki man am tabo ane e tabu ma ni mimitong ane mwengam ane n taiani karawa ao noora te b'ai ae e riki. Ko a aki tangiria? E ngaa m'aakam? Kaotia b'a ko bon tabeakiniira ao ko nanoangaira!

Itaia 63:19

Ti karaoa aron ae kaanga ko aki tautaekaniira ke ti tuai aranaki b'a am Aomata.

Amota 9:13

“A roko boong”, bon Ana taeka te UEA, “ae a na aki bane iai uita ao a na kauia manga tain te tai are i mwiina, a na aki bane kureebe ao a na kauia manga tain te tai naba are i mwiina. A na timtim wain aika a karewerewe ma ni maunga. ao a na raanga nako mai aon tabuki.

Amota 9:5

E riinga aonnaba te UEA ae m'aaka, ao e ruru aonnaba. Ao a bane n tang ake a maiu. E a iabuti rake ma ni manga ora nako aonnaba, n ai aron te karaanga are te Naire.

Tekaria 14:4

Ao E na tei i aon te Maunga are Oriweta i mainikun Ierutarem, ao e na bwenauaaki te maunga nakon uaitera, ni karaoa te m'arua ae warebwerebwe ae e biri mai mainiku ni wairio.

Mareko 1:10

Ao n te tai naba are E aerake iai man te ran, ao E nora karawa b'a e uki, ao te Tamnei are Raoiroi b'a E ruonna n ai aron te taobe;

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.